البطله

الجزء الخامس ♥️

#البطله

" الجزء الخامس "

بدأت إسراء تتدرب أكثر من ذي قبل لتحقق حلمها وحلم والدها وتصبح بطله عالميه يشهدها العالم بأثره ...

وعلى الناحيه الأخرى كان حسام يتدرب أيضًا ويجهز نفسه لنفس المسابقه .. فماذا سيحدث يا تُرى ؟!

~~~~~~~~~~~~~~~~~~~~

كان سيف يجلس بكافيتيريا الجامعه هو و أصدقائه ...

شريف : أوبااااا شفت الصاروخ دا .. قالها وهو ينظر إلى فتاة تمر من أمامهم ..

سيف بضحك : يا ابنى اعقل بقى واحترم نفسك ..

شريف بضحك : دى آخر حاجه ممكن أعملها إنى أحترم نفسى .. خلينى يا ابنى أعيش حياتى ..

وفجأة مرت من أمامهم فتاة ترتدى فستان واسع وعليه خمار و كانت جميله بشكل لا يوصف .. من عينين زرقاوين كالبحر وبشرةٍ صافيه .. كأنها ملاك من السماء ...

شريف بضحك : لا يا عم دى محترمه ماليش فيها ..
تعرف مين دى يا سيف ؟!

سيف بنفى : لا ما أعرفهاش .. مين ؟!

شريف بضحك : ولا أنا أعرفها ..

سيف بضيق : أبو شكلك ..

شريف بضحك : إهدى يا عم .. كل اللى أعرفه إنها محترمه جدا ومش بتكلم شباب ومش متصاحبه مع حد كمان .. و مش بتسمح لأى حد يدخل حياتها بأى شكل من الأشكال .. بحسها معقده كدا ..

سيف بتفكير : طيب ولو كلمتنى ؟!

شريف بصدمه : مستحيل !!

سيف بضحكه خبيثه : استنى وشوف ..

شريف بيأس : يا عم انسى الحكايه دى .. مش هتكلمك ..

سيف بتحدى : هنشوف ..

شريف : إنتَ حر ..

خالد : يلا يا شباب المحاضره هتبدأ مش عايزين نتأخر ..

شريف وسيف وبقيت الشباب : يلا ..

ذهب الشباب إلى محاضرتهم .. ولكن سيف لم تخرج تلك الفتاة من رأسه بالمره .. وظل شارد بها تمامًا .. من تلك الفتاة ؟ وكيف هى بهذا الجمال ؟ ولماذا تتجنب الجميع ؟ كانت هذه الأسئلة تدور برأس سيف .. يا تُرى هل سينجح سيف فى ما يخطط له ؟ أم سيحصل شئ يقلب الموازين ؟

وبعد المحاضرات خرج سيف مع رفاقه ...

شريف : الحق يا سيف البنت اللى قلتلك عليها أهى .. شوف ماشيه لواحدها إزاى ..

سيف بخبث : وسعلى بقى كدا لما اروح لها ..

شريف بضحك : أسد يلا فيه ايه ...

ضحك سيف وذهب لتلك الفتاة المختمره ...

سيف وهو يُوقِف الفتاة : احم .. لو سمحتى ؟!