البطله

الجزء السادس عشر ♥️

#البطله

" الجزء السادس عشر "

فى ڤيلا مصطفى بالنمسا كان مصطفى و إسراء وسيف يفكرون بالمسابقة القادمه حيث ستُعقد يوم امتحان إسراء ..

مصطفى : طيب هنعمل إيه دلوقت .. الإمتحان دا مهم جدا ..

إسراء بتوتر : و المسابقه مهمه بردوا وما ينفعش أنسحب منها .. دى حلمى وحلم بابا ..

مصطفى بتنهيده : هنشوف حل يا حبيبتى اهدى بس ..

سيف وهو يحاول أن يخرجهم من جو الحزن الذى خيّم عليهم : ما تعرفوش اللى حصل ..؟!

مصطفى و إسراء : إيه ..؟!

سيف بضحك : الأهلى اتغلب من غزل المحله ..

إسراء : بتهزر ..!

سيف بضحك : لا والله مش بهزر .. اتغلب امبارح ..

إسراء بضحك : علشان كانوا بيتريقوا على الزمالك لما غزل المحله فاز عليه .. كانوا بيقولوا بقى فريق زى غزل المحله يفوز عليكم .. و ألاقيهم كاتبين كُل وحلى وإنسى اللى حصل من غزل المحله .. طاب وربنا لأفتح دلوقت ولكتباها على الفيس ..

مصطفى بضحك : شريره ..

إسراء بضحك : لا والله يا اخويا مش شريره .. أصلهم كانوا بيتريقوا علينا فأنا بقى مش هسيبهم فى حالهم المره دى ..

إسراء وهى تكتب على الهاتف : كُل وحلى وإنسى اللى حصل من غزل المحلة يا أهلاويه .. كدا شفيت غليلى ..

سيف بضحك : تصدقى وأنا كمان هكتب كدا ..

كاد مصطفى أن يتكلم لولا رنين هاتفه الذى قاطعه ..

مصطفى باللغه الانجليزيه : ألو .... أجل أنا مصطفى المنشاوى .... اليوم ..... فى أى ساعه ... حسناً سنأتى ....

إسراء بعدم فهم : فيه إيه يا مصطفى ..؟!

مصطفى : منظمين المسابقه عاملين حفله النهارده للمتسابقين اللى اتأهلوا لنصف النهائيات ...

إسراء : اشطا .. بس الساعه كام علشان ألحق أجهز ..

مصطفى : هتبقى الساعه 8 ..

سيف : روحوا انتوا .. مش هعرف آجى ..

إسراء بغمزه : دودو واكله عقلك يا حبيبى ..

مصطفى بغضب : إسراء ..!!

إسراء بخوف : فيه إيه يا مصطفى ..؟!

سيف وهو يغادر : المحروس بيغير ياختى .. كنتِ طيبه أوى يا إسراء ..

إسراء بضيق : امشى يا بارد ..

سيف بضحك : بارد ولا سخن ههههه ...

إسراء بضيق : أبو شكلك ..

مصطفى بعدما غادر سيف : احنا قلنا ايه قبل كدا ..؟!