البطله

الجزء الثالث ♥️

* بسم الله الرحمن الرحيم *

#البطله

أشرقت الشمس معلنةً عن بداية يومٍ جديد ...

إيمان بصوت عالى : يلا يا حازم الفطار جهز .. يلا يا إسراء !!

إسراء بنعاس وهى تفرك عينيها : أهو يا ماما جيت ..

حازم وهو يقبل إسراء من جبينها ويذهب إلى إيمان ويقبل وجنتيها ..: صباح الفل يا قمرات ..

إيمان بحب : صباح النور يا حبيبى ..

إسراء بتأفف وغيره : إيه يا سي السيد بتبوسها كدا عينى عينك .. وإنتِ بتقولي له حبيبى ليه !!

حازم بصدمه : سي السيد !! جبتى الكلام دا منين يا بت ؟!!

إسراء بغيره شديده ..: ما تبوسهاش تانى .. وإنتِ ما تقوليلوش حبيبى !!

حازم بضحك شديد : غيرانه !!

إسراء بتذمر وهى تضرب قدمها بالأرض ..: أيوا غيرانه ... إنتَ بابى أنا وبس يعنى تبوسنى أنا وبس ..

إيمان بضحك : إنتِ هبله يا بت ... أنا مراته يا هبله ..

إسراء بدموع وصوت يكاد يُسمع : ما ليش دعوه ... مراته مش مراته ما تقربيش منه تانى ...

إيمان بصدمه : يخربيتك !!

حازم بضحك شديد وهو يذهب ويحمل إسراء ويقبلها ..: حاضر مش هعمل كدا تانى ..

إسراء بفرحه : هيييه .. بحبك أوى يا بابي ..

حازم وهو يأخذها فى أحضانه : و بابي بيحبك أوى وبيموت فيكِ كمان ..

إيمان : مش يلا نفطر ولا إيه ؟!

حازم بإبتسامه : أيوا يلا نفطر .. نظر إلى إسراء وأكمل ... علشان ورانا تدريب .. مش كدا ولا إيه يا سوسو ؟!

إسراء بفرحه وحماس : أيوا ..

إيمان بإستغراب : تدريب إيه ؟!!

إسراء بفرحه : بابا هيعملنى الملاكمه ..

إيمان بصدمه وغضب : إيه ؟!!!
نظرت إلى حازم وأردفت : فيه إيه يا حازم .. مش اتكلمنا فى الموضوع دا وقفلنا عليه ..

حازم بإبتسامه : سوسو حبيبتى روحى إلعبى شويه فى أوضتك وأنا هجيلك بعد شويه ..

إسراء بإبتسامه بريئه : حاضر يا بابا ..

إنتظر حازم خروج إسراء وقال ....

حازم بهدوء : لا ما كانش اتفقل .. قلتلك هعلم إسراء الملاكمه وإنتِ ما وافقتيش ..

إيمان بحده : إنتَ عايزني أوافق إزاي !! إنتَ أكتر واحد عارف الملاكمه دى خطيره قد إيه !!

حازم بهدوء أثار غضب إيمان : ما تقلقيش ..

إيمان بغضب : إنتَ إزاى كدا ؟!! إيه الهدوء اللى إنتَ فيه دا ؟!! ومش عايزنى أقلق كمان !!