البطله

الجزء السابع ♥️

#البطله

" الجزء السابع "

دخل عليهم بحليته وبدلته الأنيقه .. حقاً هذا المغرور وسيمٌ للغايه ...

- أنا عايز أتجوز إسراء يا عمى ..!!

التفت الجميع إلى مصدر الصوت بصدمه كبيره ...!

حمزه بصدمه : مصطفى ؟!

مصطفى بإبتسامه خبيثه : أيوا يا بابا .. أنا عايز أتجوز إسراء ..!

إسراء بغضب وهى تقف : لا طبعاً مش موافقه .. هى سايبه بقى ولا إيه ..؟!

حازم بغضب : بنت .. أنا ما ربتكيش على كدا .. أنا لسه عايش ما موتش .. فاحترمى نفسك وسيبى الكلام للأكبر منك وادخلى جوا ..!!

نظر لمصطفى و أكمل : تعالى يا مصطفى يا ابنى ..

إسراء ببكاء : ما تقولى حاجه يا ماما ..!

إيمان بقلة حيله : اسمعى كلام أبوكِ يا إسراء ..!

نظرت إسراء لوالدها بدموع وحزن و ذهبت إلى غرفتها مسرعه وهى تبكى ..

نظر مصطفى فى أثرها بحزن شديد .. ولكنها هى من أجبرته على فعل ذلك .. لم يكن يريد أن يتقدم لها بهذه الطريقة رغماً عنها .. ولكن قاسية القلب كما يسميها لا تشعر به وبعشقه لها الذى ينبض بقلبه ويكاد يفتك به ...!

ذهب مصطفى وجلس فى مقابل عمه حازم و أردف : احم .. أنا طالب إيد إسراء من حضرتك يا عمى .. دا بعد إذن حضرتك و إذن بابا طبعاً ..

حمزه بابتسامه : و أنا ما عنديش مانع بالعكس هبقى مبسوط جداً ..

مصطفى بإبتسامه : شكراً يا بابا .. وحضرتك يا عمى ؟!!

حازم بتنهيده : والله يا ابنى أنا مش ممانع بس الرأى رأى إسراء ..!

- و أنا مش موافقه ..!

كانت هذه إسراء التى أتت للتو من غرفتها وهى تبكى ..!

حازم بحده : إسراء !!

مصطفى بحزن : سيبها يا عمى ..!

حازم : بس يا مصطفى ......

مصطفى و تكاد دموعه تخونه وتفر من عينيه : أنا عارف رأى إسراء من الأول ..

نظر إليها بكسره و أكمل : هسيبك يومين تفكرى يا إسراء وابقى ردى عليا ..!

إسراء بسخريه : ليه .. هو إنتَ مفكر إنى ممكن أغير رأى فى يومين ..

مصطفى بعدم اهتمام لكلامها : بعد المسابقه إن شاء الله .. هستنى ردك ..!

ظهر الغضب على قسمات وجه إسراء من كلام هذا الأبله من وجهة نظرها .. أنا !! أتزوج هذا الأحمق المغرور ! مستحيل ..!
سنرى يا إسراء ..

تركتهم إسراء وذهبت إلى غرفتها مرةً أخرى ...

حازم بيأس : معلش يا ابنى .. سامحنى على أسلوبها دا ..