البطله

الجزء العاشر ♥️

#البطله

" الجزء العاشر "

وفى ڤيلا السباعى كان يجلس مع والدته ...

آلاء : مالك يا حسام يا ابنى فيك إيه .. المفروض تكون مبسوط إنك اتأهلت للمسابقه العالميه .. مش دا كان حلمك من البدايه ..؟!

حسام بحزن : أيوا يا ماما أكيد أنا فرحان انى اتأهلت .. بس إسراء صعبانه عليا أوى ..

آلاء بعدم فهم : إسراء مين ..؟!

حسام : إسراء البنت الوحيده اللى فى المسابقه واتأهلت معايا ..

آلاء : آه .. طيب زعلان عليها ليه ..؟!

حسام بحزن : هزمت الكينغ اللى محدش قدر عليه قبل كدا .. مالحقتش تفرح بانتصارها دا لإن باباها اتصاوب و أخدوه على المستشفى ..!

آلاء بحزن : يا عينى يا بنتى .. ربنا يشفى باباها يا رب ويقومه بالسلامه ..

حسام : يا رب يا ماما يا رب ..

آلاء : ألا قولى يا حسام .. باباها دا اسمه إيه ..؟!

حسام : اسمه حازم المنشاوى ..

آلاء بعدم تصديق : ثوانى بس .. إنتَ قلت اسمه إيه ..؟! يمكن أنا أكون سمعت غلط ..!

حسام بإستغراب : حازم المنشاوى ..!

آلاء بصدمه : ح حازم المنشاوى !!

حسام : أيوا حازم المنشاوى ..

آلاء : طيب هو .. هو بيلعب ملاكمه ..؟!

حسام : أيوا كان بيلعب ملاكمه بس وقف من سنين .. بس مصدومه ليه ..؟!

آلاء بعدم استيعاب : هه لا ولا حاجه .. أنا .. أنا هقوم أنام شويه ..

حسام بإستغراب من تصرفات والدته : تمام .. وأكمل مازحًا .. بس مش كنتِ هتورينى صور البنات علشان أتجوز واحده منهم ..

آلاء وهى تغادر ولا تشعر بشئ من الصدمه : مش وقته مش وقته ..!

حسام بإستغراب : ماما مالها كدا من ساعة ما قلتلها على عمو حازم وهى مش على بعضها .. يلا هبقى أعرف فيها إيه .. بس دلوقت لازم أقوم و أدرب جامد أوى علشان المسابقه العالميه ..!

وفى الأعلى فى غرفة آلاء كانت تمسك صورةً ما وتبكِ .. كانت تبكِ بقهر وحرقه ..!

آلاء ببكاء شديد : وحشتنى أوى .. وحشتنى أوى يا مالك .. ربيت حسام لواحدى من غيرك .. كنت محتاجاك جنبى أوى .. وما زلت والله .. عدت عليا أيام كانت صعبه أوى من غيرك .. كل يوم من غيرك بيعدى عليا كأنه سنه .. حسام بس اللى مصبرنى على فراقك والله .. وحشتنى أوى ..!

يا تُرى من هو مالك ..؟!
وما علاقة آلاء بحازم ..؟!

~~~~~~~~~~~~~~~~~~~~~~~

كان سيف يجلس فى غرفته فى ڤيلا المنشاوى .. كان يفكر بدعاء .. كيف حالها الآن ..؟! وبم تشعر بعد تحديها خوفها وهزيمته ..؟! وهل مازالت غاضبةً منه ..؟!
كل هذه الأسئلة كانت تدور بعقل سيف ..