#البطله
" الجزء الثالث والثلاثون ، قبل الأخير "
الطبيب بأسف : الدكتور مصطفي عنده فشل كلوى ........!!
إسراء بصدمه وعدم تصديق : إييييه ..؟! ازاى دا وامتى وهو ما قالش ليه ..؟!
الطبيب : الكلام ما ينفعش دلوقت .. لازم نلاقي متبرع حالاً علشان يتبرع بكليته ..
إسراء ببكاء : أنا يا دكتور .. أنا هتبرع بكليتي لمصطفي ..!!
سيف بسرعه : لا يا دكتور أنا اللى هتبرع ..
الطبيب : اهدوا كدا .. فين أخوه ..؟!
سيف بسرعه : أنا ..!
الطبيب : طيب تعالي معايا علشان نعمل تحليل التطابق لإنك أقرب حد ليه دلوقت .
سيف : طيب يلا .
ذهب سيف مع الممرضه لكي تُجري له التحاليل اللازمه .
وبعد نصف ساعه جاء سيف وجلس بجوار دعاء فارتمت فى أحضانه تبكِ .
سيف وهو يحاوطها بذراعيه ويهدأها : اهدى يا روحي هيبقي كويس والله .. وكفايه كدا علشان ابننا !
دعاء ببكاء : أنا خايفه على إسراء أوي .. من ساعة ما مشيت وهى واقفه كدا عند أوضة مصطفي ومش بتتحرك ولا بتتكلم .!
سيف بتنهيده : حقها دا مهما كان بردوا نصها التاني وأنتِ عارفه يعني إيه إسراء ومصطفى .!
دعاء : ربنا يشفيه يا رب ويقومه بالسلامه .
سيف بتنهيده : يا رب يا حبيبتي يا رب .
دعاء بحنان : وإنتَ عامل ايه دلوقت بعد التحاليل .؟!
سيف : تعبان شويه .!
دعاء بحب : يا روحى طاب تعالى اشرب عصير ولا أى حاجه علشان تعوض الدم .
سيف وهو يقبل جبينها : ما تقلقيش يا حبيبتي أنا هبقي كويس .
دعاء وهى تنظر ناحية إسراء : طاب وإسراء .؟!
سيف : أنا هتكلم معاها .. خدى بالك من نفسك على ما آجي .!
دعاء بابتسامه : حاضر .
كانت إسراء تقف أمام غرفة مصطفي وتنظر إلي الباب دون حراك، لا تبكِ ولا تظهر أي ردة فعل .
سيف : إسراء .!
نظرت له إسراء، ثواني وانفجرت فى البكاء فأخذها سيف في أحضانه لتهدأ .!
إسراء ببكاء شديد يمزق القلب : مصطفي يا سيف مصطفي .. لو حصله حاجه أنا هروح فيها .!!
سيف بحزن : ما تخافيش يا حبيبتي، مصطفي قوي جداً وهيتخطي الأزمه دي بكل شجاعه .
إسراء ببكاء : أنا خايفه عليه أوي يا سيف، أنا بموت من جوايا، مش قادره على فراقه وبعده عني .!
أنت تقرأ
البطله
Actionتحكى القصه عن بطله عالميه فى الملاكمه .. تتدرب ملاكمه منذ نعومة أظافرها على يد والدها الذى اعتزل الملاكمه بسبب إصابة جعلته غير قادر على الإستمرار فى الملاكمه .. هذه البطله عانت كثيرًا فى حياتها .. البطوله لم تكن سهله ولكنها تحدت كل من وقف أمامها...