#البطله
" الجزء الرابع والثلاثون، والأخير "
بدأت إسراء في التدريب أكثر من ذي قبل .. كان يومها لا يخلو من التمارين وتشجيع مصطفى لها لحثها على الإستمرار والمواصله .
كانت إسراء تتدرب في غرفة التدريب الخاصه بها مع توجيهات مصطفى لها .
مصطفى : كفايه كدا النهارده اقعدى ارتاحي .
إسراء وهي تأخذ أنفاسها بصعوبه : تعبت أوي !
مصطفى بعتاب : قلتلك كذا مره قبل كدا بلاش تهلكي نفسك بالشكل دا .. الإنسان عنده قدرة تحمل معينه مش هنيجي احنا ونزيد فوقها .
خلعت إسراء قفازات الملاكمه وجلست بجانبه : هحاول على قد ما أقدر .
مصطفى بحب : يا حبيبتي أنا واثق فيكِ وهتفضلي في نظرى البطله سواء فزتي أو لا .
أمسكت إسراء يده وقبّلتها بحنان وحب قائلةً بابتسامتها الجميله التي تخطف قلب مصطفى : عارفه يا حبيبي بس أنا عايزه أفوز علشان بابا الله يرحمه .. هو كان حاطط أمله فيّا ودا كان حلمه قبل ما يكون حلمي .
ضمها مصطفى إليه وقبل جبينها قائلاً : وأنا معاكِ وجنبك يا حبيبتي ومش هسيبك أبداً وهفضل أدعمك لآخر نفس في عمري .
شددت إسراء من احتضانه أكثر لتشعر بالدفء والأمان التي لطالما شعرت بهم بقربه فقط .
- أستغفر الله إيه المنظر دا ..؟!
نعم عزيزي القارئ كما توقعت إنه سيف مفسد اللحظات الجميله .
حاولت إسراء أن تبتعد عن مصطفى ولكنه ظل ممسكاً بها ولم يدعها تبتعد عن قلبه أبداً .
مصطفى بضيق : أبو رخامتك يا معفن .. مش هتتغير أبداً يا سيف ..؟!
سيف بضحك شديد : أعمل إيه يعني ما انتوا اللى بتبقوا في وضع مُخل الصراحه وقت لما آجي .
إسراء بهمس لمصطفى : سيبني يا مصطفى أخوك واقف وما ينفعش كدا .
مصطفى بنفسي الهمس : اصبري بس أنا هخليه يمشي دلوقت .
إسراء بخجل : احترم نفسك يا أخ .
مصطفى بضحك : وربنا بعشقك .
سيف بضحك : بتقولوا ايه ..؟!
مصطفى : إنتَ مالك يا رخم .. والبعدين مش تخبط الأول على الباب قبل ما تدخل .
سيف بضحك : يا حبيبي دي أوضة چيم يعني هخبط قبل ما أدخل ليه مثلاً، هو أنا كنت أعرف إنكم في وضع مش تمام .
إسراء بضحك : طيب كنت جاي ليه ..؟!
سيف : الأكل جهز ودعاء قالتلي علشان أقولكم تيجوا تاكلوا معانا .
إسراء بابتسامه : حاضر يا سوسو جايين أهو .
سيف بضحك : وربنا انتِ اللي فيهم يا بت .. ماعلينا من سوسو بس أنتِ الوحيده اللي ما شتمتنيش .
أنت تقرأ
البطله
Açãoتحكى القصه عن بطله عالميه فى الملاكمه .. تتدرب ملاكمه منذ نعومة أظافرها على يد والدها الذى اعتزل الملاكمه بسبب إصابة جعلته غير قادر على الإستمرار فى الملاكمه .. هذه البطله عانت كثيرًا فى حياتها .. البطوله لم تكن سهله ولكنها تحدت كل من وقف أمامها...