البطله

الجزء الخامس عشر ♥️

البطله

" الجزء الخامس عشر "

وها قد أتى اليوم الموعود .. يوم المسابقة العالميه ..

استيقظت إسراء من نومها واستعدت جيداً للمسابقه مع تدريب و تشجيع مصطفى لها .. نعم ف مصطفى كان يتعلم الملاكمه أيضاً ولكن ليس بمستوى إسراء .. فهو الآن يأخذ لقب مدربها إلى أن يتعافى والدها ...

و أيضًا حسام الذى استعد وبكل قوةٍ لهذه المواجهه ..

ذهب الجميع إلى المكان الذى ستقام به المسابقه وكل متسابق ذهب إلى الغرفة المخصصةِ له ..

إسراء وهى ترتدى قفازات الملاكمه : استعنا على الشقى بالله .. يلا بسم الله ..

مصطفى بضحك : اقعدى يا هبله لسه المسابقه ما بدأتش أصلا ..

إسراء بضحك : معلش متحمسه بس ..

مصطفى بابتسامه وحب : إن شاء الله هتفوزى يا روحى .. خلى عندك ثقه فى ربنا .. وكل شئ هيتيسر ..

إسراء وهى تبادله الإبتسامة : ونعم بالله .. كفايه إنك جنبى وبتشجعنى .. مش عايزه أى حاجه من الدنيا تانى ..

مصطفى : و أنا جنبك دائما يا روحى ..

وعلى الناحيه الأخرى كانت تجلس نرمين مع حسام فى غرفته ..

نرمين بضحك : عايزاك تسحقهم يا كوتش ..

حسام بضحك : حاضر من عيونى ..

نرمين : أيوا صحيح سمعت إن فيه بنت إسمها إسراء المنشاوى .. البنت الوحيده فى المسابقه ..

حسام وهو يتذكرها : أيوا أيوا .. إسراء دى ما شاء الله عليها .. هزمت إسلام الكينغ وبضربه واحده ما قامش بعدها .. مجنونه .. و دمها شربات ..

نرمين ببعض الغيره : اممم .. إسلام الكينغ قلتلى ..

حسام وهو يرتدى قفازات الملاكمه الخاصه به : أيوا .. إسراء بردوا مش بطاله دى ........

نرمين بضيق وهى تقاطعه : سيبنا بقى من سيرة إسراء دى ..!

حسام بخبث وقد فهم الآن أن نرمين تغار : ليه .. دى تستاهل إننا نتكلم عنها .. بطله ..

نرمين بضيق : خلاص بقى يا حسام ..

حسام بخبث : خلاص إيه ..؟!

نرمين بضيق : بطل كلام عنها ..

حسام بضحك : إنتِ بتغيري يا نيمو ..!

نرمين بتوتر : هه لا لا و أغير من إيه يعنى عادى خالص ..

حسام بشك : امممم تمام .. و أكمل بداخله .. يا بنت الإيه بقى طلعتى بتغارى عليا .. ماشى أنا هخليكِ تعترفى وغصب عنك يا مجنونه ..

أحس حسام ببعض الفرحه كون نرمين تغار عليه .. ولا يعلم لمَ ..؟! هل هذا حب كما يُسمى ..؟! أم أنه شئٌ آخر ..؟!