#البطله
" الجزء التاسع عشر "
فى ڤيلا السباعى كانوا يجلسون سويًّا .. آلاء .. فريده والدة نرمين .. حسام ونرمين ..
حسام وهو يقبل يد والدته : عامله إيه يا أمى ..
آلاء بابتسامه وسعاده لعودة ابنها منتصرًا : الحمد لله يا حبيبى بخير إنتَ عامل ايه .. طمنى عنك ..
حسام بابتسامه : أنا بخير يا ست الكل الحمد لله .. كنتِ بتاخدى أدويتك ولا ...!
آلاء بضحك : كنت باخدهم والله حتى أسأل فريده كدا ..
فريده بضحك : أيوا يا ابنى كانت بتاخدهم .. ولما ما كانتش بترضى تاخدهم كنت بفضل وراها لحد ما تاخدهم ..
حسام بابتسامه : شكراً أوى يا طنط .. بجد شكراً لإنك ما سبتيس ماما لوحدها وفضلتي جنبها ..
فريده بابتسامه : العفو يا حبيبى آلاء دى أصلا بقت البيست بتاعتى ..
نرمين بضحك : أوووو أيوا بقى .. !
فريده بضحك : اسكتي يا بت أنتِ خالص ..
نرمين : ليه بقى .. أنا عملت لك ايه أن شاء الله ..
فريده : كل دا بعيده عنى وما اتصلتيش ولا مره ..
حسام بخبث : أصلها كانت مشغوله يا طنط ..
فريده بعدم فهم : مشغوله فى ايه ..؟!
نرمين وقد فهمت قصد حسام : مفيش يا ماما شوية أشغال بس مش أكتر ..
فريده : آه طيب ربنا معاكِ يا بنتى ..
نرمين وهى تنظر ل حسام نظره تُعنى انتظر و سأُريك : يا رب يا ماما .. يا رب ..
حسام بخبث : بقولك إيه يا ماما هاخد نرمين كدا دقيقتين وأرجعها لكم تانى ..
آلاء بضحك : طيب يا ابنى ..
نظرت الأمهات إلى بعضهم البعض كأنهم يقولون ( يا دبلة الخطوبه عقبالنا كلنا 😂)
أخذ حسام نرمين إلى الحديقة الملتحقه بڤيلته ..
نرمين ببرود : عايز ايه ..؟!
حسام بخبث : عايز أعرف الحقيقه ..
نرمين بتوتر : حقيقة إيه ..؟!
اقترب حسام منها وهمس بجانب أذنها : حقيقة إنك بتحبينى ...!
نرمين بشهقه : عرفت ازاى قصدى لا مين قالك كدا ..
حسام بضحك : العصفوره قالتلى ..
نرمين بتوتر : لا لا أنا مش بحبك ..
حسام بحزن مصطنع : يعنى بتكرهينى يا نرمين ..
نرمين بسرعه : لا والله أنا بحبك ..!
حسام : أهو بتحبينى ..
أنت تقرأ
البطله
Actionتحكى القصه عن بطله عالميه فى الملاكمه .. تتدرب ملاكمه منذ نعومة أظافرها على يد والدها الذى اعتزل الملاكمه بسبب إصابة جعلته غير قادر على الإستمرار فى الملاكمه .. هذه البطله عانت كثيرًا فى حياتها .. البطوله لم تكن سهله ولكنها تحدت كل من وقف أمامها...