البطله

الجزء الثانى و العشرون ♥️

#البطله

" الجزء الثانى والعشرون "

فى غرفته المظلمه يجلس مجهول 1 ومجهول 2 ..

مجهول 1 : أظن الخطه ماشيه على أكمل وجه ..

مجهول 2 بضحكه خبيثه شريره : طبعاً يا بوص أنا برفع لك القبعه على تفكيرك اللى زى السم دا ..

مجهول 1 بضحكه جانبيه : دى البدايه بس ودينى لأنهيهم كلهم بس براحه كدا وعلى الهادى ...

مجهول 2 : طيب لو حاول يعمل حاجه ويلعب من ورانا ...؟!

مجهول 1 : تنفذ على طول ..

مجهول 2 بخبث : أمرك يا بوص ..

~~~~~~~~~~~~~~~~~~~~~~~~

هاتفت إسراء ياسمين لرؤيتها قبل أن تسافر ولأنها افتقدتها كثيراً وهى فى أمس الحاجة إليها الآن ...

ياسمين وهى تدلف إلى الڤيلا : أسوسوووووووووو

إسراء بضحك شديد عليها : تعالى يا كلب البحر ..

ياسمين وهى تقفز على إسراء وتحتضنها : وحشتينى أوى يا جزمه برباط مفكوك ..

إسراء بضحك : والجزمه برباط مفكوك وحشتيها مووووووووووووت .

ياسمين بابتسامه : عامله ايه يا روحى طمنينى عنك ..

إسراء وقد عبس وجهها : مش بخير يا ياسمين !!

ياسمين بخوف شديد : فيه إيه يا إسراء مالك حصل ايه ؟!!

إسراء وقد تمردت دموعها وهبطت على وجنتيها : مصطفى متغير معايا أوى يا ياسمين مش هو مصطفى اللى أنا أعرفه بقاله أسبوع مش على بعضه وبقى بيعاملنى بقسوه وبيزعق فيا على أقل حاجه وبقيت بحس انه بيستقصد يعمل كدا مش عارفه هو بيعمل كدا ليه ؟! شويه بحس إنه بيحبنى وبيعمل أى حاجه علشان ما ازعلش وشويه تانيه بحس انه مش طايقنى ومبقاش يحبنى زى الأول قلت يمكن حاجه حصلت معاه أو عنده حاله فى المستشفى مغلباه مثلاً لكن لا مش بيحكِ ويقول على اللى مخليه كدا .. أعمل إيه يا ياسمين ..؟!!

ياسمين وقد ضمت إسراء إليها وجعلت تمسح على شعرها وظهرها لتهدأ قليلاً : شششش بس يا روحى اهدى ولا يهمك أنا جنبك ومش هسيبك أبداً .

ابتعدت إسراء عنها وقد هدأت قليلاً ...

ياسمين بابتسامه وهى تمسح دموعها : أنا قمرى ما يعيطش أبدا ولا تنزل دمعه واحده من عينه علشان دموعه دى غاليه عليا أوى .

ابتسمت إسراء ...

ياسمين : أيوا كدا خلى الشمس تطلع وتنور .

إسراء بقلق : طيب أنا مش عارفه أعمل إيه ..؟!

ياسمين وهى تشير على نفسها : الحل عند ست ياسمينا ..

إسراء وهى تضع يدها على خدها : اشجينى .