#البطله
" الجزء الرابع "
فى مكان آخر وبالتحديد فى ڤيلا السباعى .. استيقظ بطلنا من نومه واتجه إلى حمامه ليستحم ....
خرج ذو العينين العسليتين من حمامه واتجه إلى غرفة ملابسه ليرتدى قميصًا باللون الأبيض وبنطلون جينز وكوتشى أبيض بالإضافة إلى ساعته الرياضيه .. فهو يكره إرتداء الملابس الرسميه .. بل يحب الملابس الكاجوال كثيراً ........حسام وهو ينزل من غرفته إلى الطابق الآخر حيث تجلس والدته .. نعم ف ڤيلا السباعى من أكبر و أجمل الڤلل فى هذه المنطقه ......
حسام بإبتسامه وسيمه وهو يقبل يد والدته : صباح الفل يا ست الكل ...
والدته ( آلاء ) بإبتسامه : صباح النور يا حبيبى ..
حسام : هاا طمنينى عنك النهارده .. فطرتى وأخدتى العلاج ولا بتكروتينى زى كل مره ..
آلاء بضحك : لا أخدته المره دى ..
حسام وهو يقبل يدها بحنان : ربنا يبارك لى فى عمرك يا أمى و يديمك ليا يا رب ..
آلاء : يا رب يا حبيبى و يوفقك و أشوفك أحسن ملاكم فى الدنيا كلها ..
حسام بأمل : يا رب يا أمى يا رب ..
ستوووووب ...
( حسام السباعى 25 سنه .. متخرج من كلية تربيه رياضيه وشغال فى مدرسه ثانويه لغات .. بيعلم الطلاب تايكوندو وملاكمه .. والطلاب بيحبوه جدًا وبيعتبروه صديقهم مش أستاذهم بس .. حسام طويل وجسمه رياضى ورشيق بالإضافة للعضلات طبعًا .. عيونه عسلى ، شعره بنى و أبيضانى كدا وحليوه 😂 المهم نرجع لموضوعنا تانى )
آلاء بإستغراب : عايزه أفهم حاجه يا حسام يا ابنى ..
حسام بإستغراب : عايزه تفهمى إيه ؟!
آلاء : يعنى يا ابنى ربنا كارمنا وعندنا شركه كبيره أوي أبوك الله يرحمه سايبها لنا و فيها موظفين وفل الفل غير إن اسمها معروف فى كل مكان .. ليه قررت إنك تشتغل فى مدرسه وتسيب شركة أبوك لواحد غريب يديرها ؟!!
حسام بإبتسامه : أحمد مش واحد غريب يا ماما دا صاحب عمرى .. ومفيش حد أقدر آمن له على شركتنا غير أحمد .. والبعدين أحمد بيحب المجال دا ومتألق فيه ما شاء الله .. و أنا واثق فيه أوى إنه هيوصل بالشركه لحاجه عاليه أوي .. إنما أنا بقى اشتغلت فى المجال اللى بحبه وهو التدريس ومش أى تدريس كمان لا دا تعليم الرياضه و حضرتك عارفه الرياضه دى بالنسبه لى إيه .. وبالذات الملاكمه .. وخلاص قربت أحقق حلمى ..
أنت تقرأ
البطله
Acciónتحكى القصه عن بطله عالميه فى الملاكمه .. تتدرب ملاكمه منذ نعومة أظافرها على يد والدها الذى اعتزل الملاكمه بسبب إصابة جعلته غير قادر على الإستمرار فى الملاكمه .. هذه البطله عانت كثيرًا فى حياتها .. البطوله لم تكن سهله ولكنها تحدت كل من وقف أمامها...