Converging Souls (Revelation Series #1)

Chapter 17: Lipat-Bahay

CHAPTER 17

LIPAT-BAHAY

"Take a seat," pag-uutos ni Caleb nang makarating kami ng bahay. Naupo ako sa sofa, hawak-hawak ang gown at heels ko.

"Hindi ba deserve ko ng explanation, Professor Caleb?" nakababaeng de-cuatro kong tanong habang nakasandal sa headrest nang mapansing paakyat na siya nang hagdan.

Napahinto siya sandali saka nagtuloy sa paglalakad. Napabuntong-hininga ako. Ilang sandali lang ay bumalik siyang nakaputing sando na lamang at checkered na pulang boxer shorts.

"C-Caleb," napapalunok ko pang usal sa sarili nang makitang papalapit siya sa akin. "A-Anong.. anong g-ginagawa mo?" nalilito't kinakabahang tanong ko. Bigla siyang nag-stretching sabay yuko sa tapat ko mismo.

Instead of answering my question, mabilis niyang ipinalibot ang kaliwang braso sa bewang ko habang nasa ilalim ng hita ko naman ang kabila.

"Hey, hey, stop! Ibaba mo na ako, Caleb!"

Pilit akong kumalas sa pagkakahawak niya ngunit mas diniinan pa niya ang pagkakabuhat sa akin. Naramdaman ko ang labis na pag-init ng buo kong mukha pati ng aking mga tainga.

Para kaming bagong kasal na papunta ng kwarto para mag-honeymoon. Rapist! Char.

Sa buong paglalakad niya paakyat papunta sa kwarto ko'y wala siyang imik, para bang easy-peasy lang sa kaniyang binubuhat ako.

Sinipa niya nang mahina ang pinto ng kwarto kong bukas na't tuluyang pumasok.

Lord, ito na ba? Ito na ba ang gabing may mawawala na sa akin?

Napapikit at napalunok ako sa naisip habang naghahabulan ang tibok ng puso ko.

"C-Cal-"

Hindi niya na ako pinatapos dahil marahan niya akong inihiga sa aking kama.

The next thirty seconds of our lives were the best feeling I've ever experienced.

Animo'y may super glue na namamagitan sa mga mata naming hindi matigil-tigil sa pagtitig sa isa't isa. Naibaba ko ang paningin sa Adam's apple niyang tumataas-baba, sa nagsisigawang biceps niyang kinukulong ako sa magkabilang gilid hanggang sa hapit na hapit na sando niya sa mabato-bato niyang katawan.

6-pack kaya 'yan or 8-pack? Na-c-curious tuloy ako. Lord, patawad.

Bababa pa sana ang mga mata ko sa boxer shorts niya pero ayoko nang mas magkasala pa, baka himatayin ako sa maiisip ko.

Naibalik ko ang paningin nang mapansing akmang hahawakan niya ang mukha ko ngunit agad niya itong binawi't mabilis na tumayo. Naiangat ko ang aking katawan at itinukod ang mga siko sa kama.

"Masakit pa ang mga paa mo kaya kailangan mong magpahinga," walang emosyong aniya na ngayo'y nakatalikod na sa akin.

Naglakad siya palabas saka muli akong nilingon. "Don't worry about what happened tonight. I can play them all in my palm. Sleep tight, Mariyah."

This time, a little shy smile was seen at the corner of his lips. Was he flirting with me?

"Arghh!"

Naiinis akong napatitig sa imaheng nakikita ko sa harap ng painting nina Tom at Jerry.

"Panira ka ng moment, Jaxx. Bakit ba bigla ka na lang pasulpot-sulpot sa isip ko, ha?" naka-pout kong sabi sa imahe sa kisameng nakangiting mukha niyang katatanggal lang ng helmet.

"Time 'to ni Caleb para mag-shine, e. Ayaw mo talagang magpatalo sa kaniya 'no, kaya magpahanggang dito sa kwarto binabakuran mo ako?" Napahagikhik ako sa nasabi.