اااخ ياروحي صيحي
صيحي بصوت عالي
وخلي الدنيا كله تسمع
صيحي وطفي النار الي بكلبي
شعلي شموع لدموعج الطاحن
وصيحي بلا صوت
وخلي الكلب بالكلب ولاتخلين الشماته
بيج يشمتون لاتخليهم يحسون
وبيج يشهدون وأعلى صوتج يمشون
حب من طرف واحد
البارت السادس
ضليت وحدي بالبيت تحججت بالمرض وكتلهم راسي يوجعني تعبت واني احاول اضم مشاعري وجرحي بعد ماراحو كلهم ضليت ابجي طلعت كل وجعي وتعبي الي كاتمته جواي لاحد ماغفيت صارت حياتي بس نوم وبجي حتى اكل كمت مااكل .
رجعو الولد للبيت من شافوني استغربو كتلهم راسي يوجعني مكدرت اروح وياهم وصيت البنات هنه يشترن ملابس الي سكتو ماحجو شي ...
رجعوا بعد ساعات وجانوا كلهم فرحانين مشترين ملابس ومكياج وشكال والوان جنت بالغرفة امثل النوم واسمع أصواتهم واني بداخلي غصة وجع بكلبي محد حاس بيه ضليت نايمة ماكمت ولاطلعت لاحد ماكله راحت كعدت باليل جانت عيوني مورمة من البجي وشكل مبهثل ماهتميت جنت جوعانه كلش مماكله من الصبح طلعت جان امي تشهك وجان تركض علي
وكالت:يمه اسم الله هاي شبيج شصاير وياج
باوعتله بضعف وكتله ماما:جوعانه اسويلي شي اكله
امي: اي يمه هسه اسويلج روحي غسلي وجهج وتعالي
هزيت راسي بدون مااحجي ورحت داغسل شافني عزيز اخوي الجبير باوعلي ضل صافن علي شوي ورجعي حجه وياي :: عبير شبيج ليش هيج حالج
باوعتله وبتسمت بتعب: مابيه شي بس تعبانه شوي وراسي يوجعني لاتخاف اشوي واصير زينه
وعفته ورحت غسلت وجهي ورجعت لامي لكيته صعبه الاكل وكعدت اكلت اشوي وبعد ماكدرت اكمل شافتني امي مامكمله الاكل
يمه شكلتي ماكتلي شي الاكل نفسه هو هو مو عساس جوعانه
كتله:بعد ماكدر ماما شبعت اريد ارجع نام وعفته وكمت لان مالي خلك احجي .واحس امي حست علي بيه شي بس ماحجت
ثاني يوم يوم الخطوبة زينة سحلتني سحل لصالون ماقبلت اروح بس هي حلفت علي وانجبرت اروح اخذنه حيدر لصالون اني وزينة وتقى وجانت مشتريتلي فستان اسود بيه تول من فوك من يم الصدر جان دلع من الضهر بس كالت شعرج يغطي جان مابيه ردان وومخصر جان صدك حلو كعدنه يم ام الصالون واول ماشفت شعري وكامت اصلي على الرسول وكالت مراح اسوي شي الشعرج بس راح اسرحه ورفعه الج شوي وكالت انتي حلوه حتى مكياج متحتاجين هواي اسويلج مكياج نازك بناتي وراح اخليلج عدسات بمكان هاي النظارات اني ماحجيت لان مالي واهس احجي اصلا شي ضلينه بساعتين يم ام الصالون اخير شي خلصنه اتصلت تقى على حيدر يجي ياخذنه لبست عباية وشال وطلعت ركبت السيارة طبعا حيدر اول مشافنه ضل فاك حلكه وصل يتغزل بيه وبتقى وهو يقصد زينة وزينة جانت ميته من الخجل بعد فترة وصلنه لبيت العروس لان كلهم سبقونا هناك بس احنه بقينه اخر شي لان تاخرنه يم ام الصالون بهذا وصلنه اخر شي طبينه لبيت العروس جان البيت هوسه العروس كاعدة وخالات وامه وخواته كاعدات يركصن ويهلهلن وزينة اول ضلت واكفه يمي ماقبلت تركص علمودي ادري بيه بس تقى والبنات ضلت يركصن ويغنن اخير شي كالو راح يجي رعد يلبس الحقات اني هنا كنت بمكاني دموعي بطارف عيني طب وشفته صفنات عليه جان لابس قميص سمائي وبنطرون اسود جان طالع يخبل هيبة ويجنن شعره جان رافعه ليفوك وعيون الصفر ذبحتني بنظراته جان مبتسم طب وكعد يمهم يباوع على خطيبته مااذكر هي حلوه شعره صابغته اصفر وعيونه عسلية بيضه واسمن مني وطول مني جانت كاعدة عود مستحية باوعت بحقد عليه
طبعا اني طول الوقت ماذبيت الشال ولاالعباية
وماحس الا فجأة احد وراي جر العباية مالتي لان جانت عباتي مفتوحة والشال نجر وشعري نفتح على طوله ودفعني بنص البنات وكله صفنت علي الي شهك والي صلت على النبي والي ضلت تباوع بحسد اني ضليت واكفة ماعرف شسوي جان تجي زينة وتكمشني وشاورتني بكلمة فتحت عيوني على وسعه ولن أندار واشوف رعد صافن علي اني ستحيت بوقته بس مانزلت عيوني من عليه ضلينه واحد يباوع على الاخ ومااحس الا يفتحون الاغنية الي حبه مال نجوى كرم (خيروني ابن العم ) وفعلا بوقته جرتني زينة وكامت تركض وياي كمت اركص واني ويه الاغنية عليه وجانت زينة اصور بيه واني اركص جنت اسمع الأغنية وكل شوي عيوني تروح عليه وكعت مني دمعه ومسحته بسرعة بدون ماينتبه احد
خلصت الاغنية اول ماخلصت طلعت خابرت على حيدر وكتله :لوووحيدر انت وين تعال اخذتي هسه .. حيدر اذا ما جيت واخذتني هسه اطلع وحدي وشيصير يصير خلي يصير
خمس دقايق ودك علي حيدر وجان واكف برة اني اخذت اغراضي وطلعت بدون مااحجي لاحد شاروت ماما وكتله راح ارجع حيدر راح ياخذني وقبل لاتحجي شي طلعت بسرعة من البيت ركبت السيارة وحيدر طلع بسيارة وهو ساكت بعد نص ساعة تفتر بسيارة بشوارع كال :مراح تحجيلي شبيج
أنت تقرأ
حب من طرف واحد
Romantizmقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
