حب من طرف واحد

البارت السادس عشر

اشتاكيت وشوكي الك وصل حده
اعاين بالوجهه اريد اشوفك وين
اريد اصيحن بصوت عالي تعاااال
تعااال وطفي نار شوكي وحنيني
تعال خليني بحضانك وبين ايديك
خليني اشم عطرك واغفى أعلى صدرك
وخلي الروح ترتاح والكلب يشفى جرحه.....

حب من طرف واحد

البارت السادس عشر

فرح العكيدي

رعد: شلون صارت بعدها  متقبل تحجي ويه احد
مرتضى: بعدها على حطته الاكل بالكوه تاكل لكمتين وره شوي ترجع ترجع كل الاكل 

حيدر: اخ اخ مجاي اتحمل وضعه بهذا الحال صار ٣ ايام وهي على حاله  مادري شسوي

مرتضى: اصبر ياخوي اصبر وان شاء الله تتحسن

حيدر: ولك ششتحسن يمكن اوجع جسمه يتحسن بس وجع كلبه مستحيل يتحسن اني اكثر واحد اعرفه العبير حساسه حيل وماتتحمل هي بلايه شي نفسيته تعبانه انوبه عزيز هيج يسوي بيه

رعد: اهدي ياخوي اهدي

ندكت الباب راح رعد يفتح الباب طلعت  طيبة  على الباب رحب بيها رعد وطببها للبيت شافها حيدر وكال : طيبة  انتي هنا

طيبة  : عبير  اشلون صارت كاعدة اريد اشوفه

حيدر:  اي كاعدة بالغرفة فوتي يمها البنات هم هناك كاعدات يمها

راحت طيبة للغرفة ودكت الباب طبت وسلمت وكعدت  يم البنات  وحجت: شلون صارت  

زينة: شلونها  يعني مثل ماشوفين  بس نايمه لاتحجي ويه احد ولاتاكل  ويه احد 

طببة: البيت وحشه  بدونها عمتي كلش مقهورة عليها وكله ساكته  متحجي حتى حيدر مكابلكم  ٢٤ ساعة حتى البيت كام  ميجي غير بس من يريد يسبح لو ينام 

كعدت  من نوم  وباوعت لكيت طيبة موجودة ابتسمت اله : شلونج طيبة
طيبة:بعد كلبي اني الحمدالله انتي شلونج طمنيني عنج

عبير: الحمدالله زينة لايضل بالج يمي 
 
العمه زينب: شلونج يمه خمه يوجعج شي كليلي  احجيلي بعد كلبي

عبير: تدرين عمه  اني مأذاني  ضربه كثر من ما اذاني  حجيه خوي حجيه وجعني  كلبي صرت جسد بلا روح كلما اذكر حجيه يزيد وجع كلبي ليش ياخوي هيج ليش هيج سوه  وكامت تشهك وتبجي

العمه زينب: كافي ياعمري كافي بجي والله اطكطعين  كلبي من اشوفج هيج  كافي يايمه كافي

عبير:  شفتي عمه حتى ماكلف نفسه واجه يصالحني ويعتذر مني  ليش عمه يصير وياي هيج شنو ذنبي  تعبت عمه والله تعبت كافي بعد ماتحمل وضلت تبجي  لاحد ماغفت .....

بعد فتره طلع جانو كلهم كاعدين بالصالة  حجه حيدر : شلونه

لعمه: نامت  سودة علي