حبي لك لن يموت
سوف يبقى ذكرى لاتفوت
لن انسى ولن اكون
في اعماقي انت حي لايموت
وان تركتني ورحلت
فأنا سوف ابقى بين يديك
فلا تنساني كما نسيت غيري
فانا كلما غبت عني غابت عني دنياي
حب من طرف واحد
فرح العكيدي
البارت التاسع
ثاني يوم رحت اني وزينة للمدرسة كالعادة كعدنه الصبح بدلنه ملابسنه واصبحنه على الكل وتريكنه وطلعنه سوه وجان حيدر ويانه جان يسولف ويه زينة واني امشي كدامهم جانت عيوني شاردة وعقلي مو يمي فكره اتوديني وتجيبني : لشوكت اضلين هيج ياعبير مكفاج حزن ماكافي حرمان ماتعبتي مامليتي سنين وانتي تفكرين وتحلمين شحصلتي من الاحلام كلشي ماحصلتي بس الوجع والألم محد حس بيج ولاهتم شبيج محد سأل عنج انتي بس الي توجعتي و وعشتي الهم وحدج كافي عيشي حياتج القصة الهنا وانتهت خلاص انسي وشوفي حياتج مثل ماهو شاف حياته عمره مراح يباوع عليج ولا راح يفكر بيج انتي بالنسبة اله مجرد طفله يشوفج حالج حال زينه مستحيل يفكر بيج كافيى انسيى ....
بالنفس الوقت جانت زينة تسولف ويه حيدر حيدر سأل فجاة : زينة راح اسألج سؤال جاوبيني بصراحة
باوعت عليه زينة بأستغراب وكالت شبيك حيدر توك جنت تضحك وسولف اشو كلبت فجأة شعندك احجي
حيدر: عبير
زينة باوعت على عبير الي جانت سرحانه بغير عالم وكالت: عبير شبيه عبير
حيدر: ماعرف احسه متغيرة صارله فترة تعبانه مو على بعضه مادري شبيه احس اكو شي انتي اقرب وحدة اله اكيد تعرفين شبيه احجيلي زينة شبيه عبير
زينة : باوعت على عبير أغمضت اعيونه ورجعت فتحتهن وابتسمت وكالت: لاتخاف عبير مابيه شي فترة وتعدي وان شاء الله ترجع احسن من الاول
حيدر" حجيج هذا يدل على انو اكو شي
زينة: حيدر كتلك ماكو شي شبيك ماتعرف انت اختك وبعدين لاتنسى هاي الفترة امتحانات يعني اكيد نفسيته راح تتعب
حيدر :اكيد طبعا اني اعرف عبير زين وادري بيه بس قلقان عليه هواي
زينة: لاتفكر بالموضوع هواي ماشي وعبير لاتخاف عليه فترة وتعدي تمام
حيدر : ان شاء الله
بينما كان هناك شخص يشوفهم وعيونه كله حقد وغيره ويتوعد الهم
وصلنه للمدرسة حيدر رجع وراح لدوام واني وزينة طبينه لدرس وبعد ماخلصنه ادرس جتي الفرصة اخذتني زينة على صفحة وكالت :عبير اريد احجي وياج شي بخصوص حيدر
عبير: حيدر شبيه خمه تعاركتو
زينة:لا ماتعاركنه بس هو سألني عليج
عبير باستغراب: سألج علي ليش مافهمت على شنو يسأل
حجت زينة كل الحجاه احيدر وياه طول الوقت جنت اسمع حجي زينة ودموعي يصبن لحد ماكملت زينة وكالت: اسمعيني عبير تدرين بيه اني شكد احبج واعزج ولما اعزج مااحجي هذا الحجي بس اريد احجيه لان هذا المصلحتج لازم تنسين رعد لازم ترجعين عبير القديمة عبير اسمعيني انتي بعدج اصغيرة اكيد الله راح يعوضج بواحد احسن منه رعد خلاص خطب وعن قريب راح يزوج لازم تنسينه وتكملين حياتج يله امسحي ادموعج خلي اروح لدرس خلصت الفرصة
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
