هي الحجايه من تطلع
تطلع من الكلب
والي يكلك هذا جذاب لاتصدك
هو العمر مرة ينعاش
لو احب لو مااحب
ماكتلك تعال واعدني بسر
حبيتك حب ااهل الله والله مااجذب
شبيك يمعود ماتصدك
ترى أنه ابن ناس وعندي خوات
واخاف الله كل ليلة من ابات...
حب من طرف واحد
فرح العكيدي
البارت الثاني والعشرون
طلعت من الامتحان وكفت بره انتظر زينة اتخلص محمد اخو نور شفته من بعيد اجه عليه وكال : السلام عليكم ورحمة الله وبركاته
باوعتله : وعليكم السلام هلا خوية
محمد: عبير اكدر احجي بموضوع
عبير: خير اخوية صاير شي
محمد بصوت ناصي: لو بس تبطل كلمة اخوية يابه اني مواخوج
عبير باستغراب: خوية شبيك تحجي ويه نفسك صاير شي
محمد انتبه على نفسه: هاا لاماكو شي بس ردت احجي وياج بموضوع كلش مهم أكد اخذ من وقتج اشوي
وقبل لاترد سمعت صوت من وره يصيح : عبير
مرتضى رجع للبيت هو يصيح تقى تقى حببتي وين انتي
طلعت تقى من المطبخ وهي تبتسم راحت حضنته وكالت: هلا حبيبي نوورت
مرتضى : البيت ماينور الا انتي موجودة بيه شلونج حبيبي مشتاااقلج كووومه
ضحكت تقى: معقولة بسرعة شتاقيتلي مصار جم ساعة من عفتك
مرتضى وهويباوع عليه بحب: اني اشتاقلج بكل لحظه حتى وانتي وياي هم اشتاقلج
تقى خجلت منه وسكتت
مرتضى ضحك على خجله وكال: يلا حبيبي جوعان حضري الغدة على مااسبح وابدل
تقى: من عيوني موتدلل حبيبي مرتضى باسه من راسه وراح الغرفته جانت رغد تباوع عليه بغيرة وحسد وجان تحجي: اي عيني شكو عليكم ٢٤ مكضيه حب وغرام لعد شبيه حضنا نحنه
باوعت عليه تقى وماردت عليه وراحت حضرت الاكل لمرتضى
........
نداريت على الصوت تفاجأت من شفت رعد وكالت رعد
تقدم رعد الهم وكال : شلونج عبير
عبير: هلا رعد الحمدالله انت شلونك
رعد وهو عيونه على محمد تجدح جدح من الغضب
: تمام شسوين هنا ليش وكفه وحدج
عبير: جاي انتظر زينة تخلص بعده بالامتحان
رعد: منو الاخ الي واكفه وياه
توترت عبير من نظرات رعد وصوته العصبي وكالت: هاا هذا محمد اخو نور صديقتي بس اجه يسلم
رعد رفع حاجبه ويباوع عليه : هااا يسلم عليج ورجع باوع على محمد الي جانت نظراته كله حب لعبير وهذا الي فهمه رعد انه محمد منعجب بعبير بس ياترى هي هم تبادله الاعجاب لولا وشعدها واكفه وتسولف وياه براحة
ابتسمت وحسيت بالغيرة بصوت رعد بس كتمت ضحكت وكلت: اي محمد اخو صديقتي نور وهو متعود يوميه يجي للمدرسة ياخذ نور من الامتحان ويجبه الصبح
وقبل لايرد طلعت نور وزينه وزينه اول مشافت رعد راحت ركض عليه وصاحت:ررررعد حبيبي شوكت اجيت من الدوام
رعد ابتسم لاخته وكال: توني واصل وانت من يمكم كلت اخذكم بطريقي اذا خلصتو يلا نمشي
زينة: اي ماعدنه شي يلا وسلمن على نور وراحن جتي ديركبن بالسيارة ليورة حجه رعد: شنو سواق الخلفوجن اني خلي وحدة منجن تجي تكعد بالصدر
زينه بسرعه حجت: عبير روحي انتي كعدي بصدر اني اريد امدد رجلي يوجعني باوعت عبير على زينة بخزرة بينما زينة غمزلته وطبعا ماخفت على رعد لان جا يراقبهن
صعدت زينة لورة وعبير ليكدام ومشت السيارة وبالطريق
حجه رعد : هذا اخو صديقجن يومية يجي للمدرسة
زينة: منو تقصد محمد اخو نور اي هو من زمان يجي للمدرسة يوصل نور اصبح ومن يرجع ياخذه لان ادوامه قريب عالمدرسة
رعد : ليش هو وين يداوم
زينة: هو ظابط يداوم بالمركز الي يمنه بصراحة هو خوش ولد وكفنه وكفات حلوه
رعد رفع حاجبه : صدك وشنو هاي الوكفات بلا مثلا
زينة بفطارية ومثل عادتها من تكتهن كلهن وعبير ساكته وتبلع بريجها : والله ياخوي انت تعرفني بس امه الي داعيه عليه يندك بيه شحده غير امرعده تمرعد بس مره جنت غايبة واحد مصجم عبير ولكافه محمد اخو نور شكلك ياخوي شسوه بيه غير طيح حضه وكطه بالسجن
رعد يباوع على عبير وعيونه يجدحن نار : شنووو شوكت هالحجي
زينة: اي والله ياخوي بس هو ظابط بنهاية وهذا واجبه
رعد هز راسه وسكت ماحجه شي بس عينه ضلت على عبير
وصلنه البيت نزلت وطبت للبيت وراح رعد وزينة للبيت
طبت زينة قبل رعد كاله فوتي انتي على ماركن السيارة اول
ماطبيت تلكتني رغد : هلا شرفتي اخير زينة هانم
زينة: اسم الله ترى توني طبيت شكو شبيج
رغد: شبيه يعني حضرتج سردحين هنا وهنا واني ابتلي بشغل البيت ترى اني مو خدامة عند الخلفوج
زينة صارت عصبية: هاي هاي لمي السانج لاوالله اكصه الج وديري بالج تغلطين سمعتي
رغد: لاصيحين سمعتي ومشي كدامي غسلس الماعين ونظفي البيت
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
