حب من طرف واحد

البارت العشرين

حبي لك لن يموت
سوف يبقى ذكرى لاتفوت
لن انسى  ولن اكون 
في اعماقي  انت حي لايموت
وان تركتني ورحلت
فأنا سوف ابقى  بين  يديك
فلا تنساني   كما  نسيت غيري
فانا كلما غبت عني  غابت عني دنياي 

حب من طرف واحد

البارت العشرون

فرح العكيدي

أندار عزيز لكه ابوه  واكف  وهو عصبي  وكال: انت  تاليه وياك  هاا  جم مره كتلك  مالك علاقه  بأختك  انت مصر تكسر كلمتي 
عزيز : يابا هي....  اش  اسكت  ولاكلمة  مااسمع  منك  سمعت  ويلا  تفضل على غرفتك  ماريد اشوفك  شكلك  يلااااا
راح  عزيز  الغرفته  ولحكته  مرته  طيبه  وبعده  حجه  ابابا وكال: كومي يابنتي  كومي اوعدج هاي اخر مرة اسمحله  يمد ايده عليج  كومي ابنتي 

كمت وواني ابجي ورحت الغرفتي اركض طبيت وسدت الباب وضليت  وابجي  

كعد الاب عالتخم هو يكول: لاحول ولاقوة  الا بالله  تاليه ويه هذا الولد  ماخلصت من موضوع شهد وتقى  انوب اجه على هاي الطفلة

الام: استهدي برحمان  ياعيني ضغطك لايصعد

الاب:كليلي شسوي ويه ابنج هذا بس اريد اعرف ليش هيج  يصرف ويه خواته ولاكأنو هو اخوهن  الجبير  هاي بعدني عايش هيج اذا متت  شراح يسوي 

الام: اسم الله عليك حجي  لاتحجي هيج  العمر الطويل  الك
طب حيدر وهو يدندن  شاف امه  وابوه  وكال: السلام عليكم ورحمة الله وبركاته  شكو شبيكم  الوجوهه  مغيمه
الام: ماكو شي يمه بس تعرف ضايجين على طلعة تقى  البيت فارغ بدونه  كعد حيدر بصف  امه وباس ايده : افاا يمه اضوجين وانه موجود والله لاونسج ونسه  انتي والحجي وجان يغمزله  احلى ونسه بس انت أمر ياجميل

ضحكت الام وضحك الاب  وحجت الام: ولك انت ماجوز من سوالفك هاي شوكت تكبر انت وتعقل
حيدر وهو يكوم ويباوع على غرفة اخوه عزيز: يمعودة هو ياهو العاقل شسوة حتى اعقل اني خليني هيج مخبل الان العاقل واحد بالبيت كافي بلا تصبحون على خير ومشى وعافهم....

مر اسبوع وبدت امتحانات اخير السنة مالتي  اني  وزينة  كعدت الصبح  بدلت ملابسه  مال المدرسة وطلعت وصبحت عليهم  جانت زينة كاعدة وياهم تاكل حجت ماما : يمه تعالي اكليلج لكمه  قبل لاترحين  لامتحان 
عبير: لاماما مالي نفس  يلا زينة كومي لانتاخر  عالامتحان
زينة: اي اي يلا  جايه  وكامت زينة  باي باي
وطلعن للمدرسة جان اول يوم النه لامتحانات  اخير السنة راحن للمدرسة ووضلنيه  ندورن على اسامينه لاحد مالكيناهن وطلعت كل وحدة يصف وحد عن الثانية بعد ساعات من التعليمات عن الغش والتفتيش  جنت بوقته رجايبة تلفونه وياي  ومن سمعت تفتيش  كيف طلعت التلفون وخلته عشباك من الطرف الثاني  الي يطلع على بره وبدون ماتنبه  دفعت التلفون حتى لاحد يشوفه وبعد ماخلص  التفتيش  وبده وقت الامتحان  مرت ساعتين  وحنه  كاعدة يحلن الاسئلة  وخلص  وقت الامتحان وكله طلعت جيت  ادور على تلفونه مالكته ضليت ادور وادور مالكيته  لاحد ماجتي زينة  وحجتله  الي صار وضلينه  ندور مالكيناه  حجت زينة:  ولج بس لا اخذته  وحد من البنات