عشرتكم ملح وماغزر بيكم
عفت اهلي وناسي عمري فنيته بس الكم
ليش الوجع ليش الهجر شجاني وصدكتكم
ياما حذروني منكم وكالولي الهجر طبعهم
كتلهم لا هذا ولفي واماي عيني وماصديت الهم
تالي هيج تجازوني وتبجون اعيوني ......
عزيز بشك : ليش مارحتي وياهم لسوك شعدنج باقية وحدج هنا
عبير: جان عندي قراية وكسلت اروح وياهم
عزيز وهو يباوع عليه بنظرات شك: لعد كومي حضري نفسج تعالي وياي اروح اجيب طيبه من اهله
كمزت عبير وكالت: هلا هلا صدك والله فريرة وتلكاني كبالك
ضحك عليه وكال يله انتظرج
بدلت ملابسي وطلعت ورحنه بالسيارة وبالطريق جنت صافنه عالطريق وعزيز كل اشوي يباوع عليه جان يكول: عبير شعجب مارحتي وياهم لسوك
واني بعدني صافنه عطريق حجيت ويه نفسي مراح نخلص من هاي السالفة اليوم : كتلك جان عندي امتحان اضليت اقره وبعدين اني ماحب الهوسه وضليت بالبيت صار مرتين تسألني نفس السؤال على فكرة
عزيز: يعني كله راحت لسوك بس انتي بقيتي بالبيت ادري بيج اي طلعه بيه زينة لازم انتي موجودة بيه وبعدين زينة مو ياج هم عده امتحان شتفرق عنج
باوعت عليه وحجيت: تفرق هواي اخوي العزيز زينة اخر همه الدراسه والكلية اما اني فاريد اطلع معدل زين عمود اروح كليه زينة اكيد مراح اكضي عمري بالمطبخ بين الثوم والبصل وردت رجعت تباوع عالطريق
سكت عزيز وبعد ماحجه دك تلفونه لكاه حيدر حاول عليه : الو هلو حيدر لا رايح اجيب طيبه من يم اهله اي وياي اني اخذته وبعدين انت شلون تعوفونه وحده بالبيت حسابي وياك من ارجع سلام ...
وصلنه البيت طيبة طبينه سلمنه على اهل طيبة وكعدنه وره شوي جني حبيباتي رهف ورنين بوستهن وضليت العب وياهن لاحد ما جهزت طيبة نفسه وغراضه بعدين طلعنه ركبنه السيارة ورجعنه للبيت من رجعنه لكينه الكل هناك اول ماطبينه كمزت زينة علي وجرتني للغرفة : تعالي شوفي شجبتلج شلون فستان يخبل ياخذ العقل كامت اطلع الاغراض الي شترته الملابس الاحذية والجنط الي شتروهه ضليت اباوع واني ساكته وهي تبتسم وتباوع على شلون تحجي وتفرجني على الاغراض وره اشوي طبت تقى وهي هلكانه : اوويلي يمه هلكت لو ادري هيج ازواج فلا ازوج هلكت من الفر بين المحلات وهاي رغد ماعجبه شي عشتوو
باوعت على تقى الي ذبت نفسه عالجرباية من التعب ورجعت باوعت على زينة زينه وعوجت حلكه وضاجت كانو ذكرته وكالت: الله يخليج تقى اسكتي ولاذكرني اصلا احمدن ربجن ماسحلته من شعره بعد الي سوته
عبير:ليش شكو شصاير احجن
تقى: وهي اسولف بعد مارحنه وصلنه لسوك مرتضى كال راح انتظركم بالكراج ورحو انتو اشترو الي تردونه اذا حتاجيتو شي خابروني طبعا احنه بعد ساعات من الفر على المحلات لاحد ماوكعت رجلينه اني بوكته خلصت شغلاتي بقه القليل بس طبعا الست رغد ماعجبه شي وكلما نشتري شغله تقلد عليه وماتسكت
كملت زينة: وتدرين بيه اني ماسكت ..
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
