نفسي ...نفسي احجيلك
شلون جنت بغيابك
جنت وردة ذبلانه
وبيك انت فتحته
نفسي اكلك جنت حلم
واتحقق بين ايديك
احبك ولو عمري خلص
ارجع احبك مرة ثانية
حب من طرف واحد
فرح العكيدي
البارت التاسع والعشرون
مرت ايام وبابا اسجلي بالكلية بابا كال مااروح عليج السنة وسجلت بالكلية الي مسجلة بيه زينة كلية إدارة وقتصاد ورحت اني وزينة وحيدر وشتريت ملابس لدوام واحذية وجنط ومكياج وسوارت وكلشي مخليت شي بنفسي وطبعا جان كله على الحساب اخويه حيدوري حبيبي ..
بده الدوام اول يوم الي بالكلية جنت خايفة متوترة ليكيت زينة بالباب باوعت كتله صباح الخير
زينة: صباح الخير حببتي امووواح جاهزة الكلية
عبير: متوترة كلش
زينة: لاتوترين اني وياج نسيتي اني مرحلة ثالثة يعني وياج ماعوفج يلا حيدر ينتظرنه بره
طلعت اني وزينة وركبنه بالسيارة طلعنه للكلية اول ماوصلنه حيدر كعد ينطي تعليمات لزينة طكت روحي وكتله: حيدر ترى تعبت من الوكفه كافي بلايه شي اني متوترة تجي انت انوب يلا روح وخلصني وسحبت زينة اول مادخلت بوابه الكلية شفت طلاب أشكال والوان وطالبات سمعنه صوت يصيح علينه لمن انداريت شفت نور كلش فرحت ورحت حضنته وسلمت عليه وهي جانت كلش فرحانه رحنه اني وياهه وقته عرفت محمد صار عده ابنية وهي نخطبت لبن عمه جانو واحد يحب الاخ بس يتخرجون يزوجون كلش فرحت لهم بعدها اخذنه الجدول مالتي ودلني على القاعة وراحن طبيت اباوع بالوجوه لكيت مقعد فارغ ليكدام وكعدت شفت الطلاب بدو يفوتون وره شوي حتي طالبة كعدت يمي اسمه سرور تعرفت عليه وصارت صديقتي حبابه كلش اجه الاستاذا وبده يصيح اسامينه وبعده بدت المحاضرة وره ساعة خلصت للمحاضرة طلعت اني وسرور ماشفت نور ولازينة اخذتني سرور للكافي كعدنه شوي وراه راحت سرورا جيب عصائر وكيك وبين ماجنن انتظره تجي جنت اطلب بالتلفون ماحسيت الا شباب اثنين وكفو فوكاي واحد منهم كال: مرحبا انتي مرحلة أولى مو
باوعت عليهم باستغراب كتلهم: اي ليش اكو شي
صاحبه الثاني غمزله وكله: موكتلك هاي الحلوة وجهه جديد اكيد مرحلة اولى شسمج ياحلوة عرفينه عن نفسج وغمزله
ضجت كلش من طريقتهم وكتلهم: عفوا انتو شتحجون
واحد منهم كعد وكاله: شبيج على كيفج نريد نتعرف بس مو اكثر
كمت بعصبية وحجيت وياهم: اسمعو زين ياتمشون منا ياروح اشتكي عليكم عد العميد
ضحكو الشباب وكال واحد منهم: الحك عباله احنه بالمدرسة ضحك صاحبه وكمل هو شراح ادكولين العميد بلا
حجت حيل وفقدت اخر ذره من اعصابي : اظاهر الحجي وياكم ضايع وجان اجر جنطتي واريد تمشي وبين ما اريد امشي واحد منهم كمشني من ايدي وهو كمشه واني نداريت عليه وضربته براجدي وكفت اكباله وكتله بتخذير: دير بالك تلزمني مرة ثانية سمعت احذرك وعفته ومشيت شفت سرور وكتله امشي منا ومن طلعنه من الكافي سولفتله كلشي صار وبعده وكالتله: خلي يولن معليج بيهم
رحت على زينة ونور عرفتهم على بعض وهيج خلص يومي ...
مر يومين ذوله الاثنين بعد ماجاوي يمي ولاتقربولي بس جنت ادري بيهم يراقبوني علي من بعيد بس ماهتمين ....بيوم من الايام جانت سرور ممداومة وضليت وحدي طلعت من المحاضرة كعدت بالكافي بعد واخذت عصير وبين ماجنن امشي ابنية طخت بيه وجبت العصير على ملابسي كلش ضجت اعتذرت مني وراحت وراه اخذت جنطتي اريد اروح لحمامات انظف ملابسي بس من انداريت شفته واكفه يم ذوله الاثنين وتضحك وياهم وتباوع علي عرفت هذه حركة حقيرة منهم بس مو عبير الي تعوف حقه جنت ناوية ارده الهم ورحت وكفت يمهم وكعت روحي بالكاع وكمت ابجي واصيح بصوت عالي وسويته هوسه عليهم ونجمعو الطلاب واجوي الاساتذه واخذونه العميد وتهمتهم بأنهم الي دفعوني بالكاع وانهم ضلو يتحرشون بيه ووشمرو العصير علي واخذو رزاله من المدير وفصلهم اسبوع طلعت شفت الابنيه واكفة تقربت منه وابتسمت وكتله اصدقائج اخذو فصل اسبوع اتخيلي لو جايبه اسمج وياهم يمكن افصلج من الكلية نهائي فالاحسن الج تبعدين عن طريقي ماشي ياحلوه وعفته ومشيت
أنت تقرأ
حب من طرف واحد
عاطفيةقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
