حب من طرف واحد

البارت الرابع عشر

كلت خلاص صفحة ونطوت
وباجر راح ابدي من جديد
ذبيت الاسود ولبست ثوب الفرح
وكلشي انتهى وراح ابدي بحب جديد
ضحك ...... بالوجوه
وكله ادكلي شحلات الضكحة تلوك
صح الكلب بعد موجوع
بس أكابر وكول كملي ولاتخافين
خليج قوية ولاتنكسرين
اضحكي ...وغني...وركصي
وخلي بيدج حنه ورسمي اكلوب
للعاشكين بلكي يجي يوم وتفرحين.....

حب من طرف واحد

البارت الرابع عشر

فرح العكيدي

رعد: رغد ليش من سألتج على امي كلتي مابيه شي ليش جذبتي علي مكتيلي على وكعته

رغد بتوتر: اهاا اي زينة كلتلي بس اني ماردت اقلقك حبيبي انت بدوام ماردت اخوفك

رعد: هذا مو مبرر جان لازم تحجيلي ومجذبين علي

رغد: اسفه حبيبي اخر مرة ضم عليك بس شسوي اني خفت عليك وبعدين اني رحت  للالمستشفى والحمد الله صحته زينه

رعد: اسمعيني زين رغد هاي اول واخر مرة تضمين علي شي سمعتي وخاصة إذا يخص اهلي

رغد بدلع : صار حبيبي تدلل انت

سد رعد التلفون وهو ضايج وتنهد وهو يفكر :

رعد

كلش ضجت من رغد وتصرفاتها  اضم علي هواي شغلات  اهلي ولاتسال عنهم مادري صح هي مقصرة وياي اسوي الي اريده بس ماحبها كلبي مادك  الها من خطبتها كلت يمكنه احبها وره الزواج او بفترة الخطوبة بس ماكو رغم هي جانت حلوه بس ماعرف   مره رجعت من الدوام  بعد ماخابرت مرتضى وكلي امي مريضة تخبلت  ضليت يوميه اخابر وسأل عليه لاحد مانزلت بوكته جانت الوقت متاخر  ماتحملت اضل لصبح رجعت باليل طبيت للبيت لكيت البيت اضلم  ذبيت الجنطة بغرفتي ورحت لغرفة امي فتحته على كيف وشفت امي نايمه تقدمت منه وبسته  ماردت اكعده بس من صديت جمدت بمكاني اباوع هاي عبير لاوالله هاي شجابه هنا وليش نايمة يم امي  تقربت يممها  لايالله هاي شلابسه  ضليت صافن  بتفاصيلها جانت نايمة بالكاع  لابسه برمودة  توصل لانص رجلها  وفانيله صلوخ والشعر مفلول  نايمة بدون غطه  وجسمها ابيض ثلج نصه مكشوف استغفرت ربي وطلعت قبل لاسوي شي اندم عليه   طلعت ورحت الغرفتي سبحت  يمي بارد واني اريد اطلع من عقلي متطلع  كملت بدلت ملابسي ونمت  بس ابد ماراحت من بالي كلما صفن تجي عبير بت خالي بالي اذكر كل تفاصيله من عيونه وشعره وجسمه  كلشي بيه كمت كلما تجي يمنه اصفن بيه اول مرة اركز وياهه هيج اني جنت حاس انها معجبة بيه بس بالي مجان يمه جنت اعتبرها حالها حال زينة حتى جان حجي قليل وياهه ماردت تتعلق بيه اكثر بس من ساعة الخطوبة ونرسخت براسي متطلع منه كمت افكر بيه هواي ماعرف  ليش مو حب ابد بس مادري ليش صرت اريد اشوفه واصفن بملامح وجهه وتفاصيله عبير جانت نازكة حتى حجيه مجانت تحجي هواي وخاصة باللمات مالتنه جنت اراقبها اشوفها شون تكعد وسولف  اشوفها بس ساكته وتباوع متحجي الأ من يسالونها  انتبهت عليه من بجمعتنه الاخيرة حيل متغيرة  ضعفانه ودائما ترجع وتشكي من راسه ومعدته حيل انقهرت عليه وخاصة تصرفات عزيز وياهه هواي يشكك بيه وبتصرفاتها حتى تلفونها ياخذه منه ويضل يفتش بيه ... تحدد موعد عرسي  واني ماحس باي شي اتجاه رغد مجرد راح ازوج وبس

: عبير ياعبير يله كومي كومي نوم ماشبعتي

عبير وهي نايمه تمد بجسمه وتحجي بهمهمه

: ولا كومي ورانه كومه شغل وتجهيزات تالي وياج

عبير: اوووو عوفيني نايمة شبيج انتي

: كومي راح اروح لسوك عمود نكمل تجهيزات العرس يله كومي ويانه

عبير: ماروح روحو انتو عليكم بالعافيه
: ولا مخبله انتي كومي لعد شلون راح تشترين ملابس الج وجع
عبير: الي يوجعج ولي عود انتي شتري الي يعجبج وخليني انام بلا روحي منا

: عبير والله اذا ماكمتي هسه اسحلج

عبير: اكلج اطلعين منا لو ادفرج كتلج ماروح يلاولي كافي تلحين يلا طلعي وسدي الباب خليني اكمل نوم

: ماشي طالعه من كبر لفج راح اطلع بس اني اعلمج طلعت زينة لهم
تقى: شنو بسلا ماقبلت تكعد الثوله

زينة: لاماقبلت ادكول ماروح روحوا انتو

شهد: ياا لعد وملابسه اشلون

زينه:ادكول اشترو انتو على ذوقكم

ام عزيز : يلا بنات راح نتاخر خطيبة رعد وامه ينتظرن يلا بلا مانتاخر خلينه اروح من وكت عمود نرجع من وكت

تقى: منو راح ياخذنه

ام عزيز : مرتضى راح ياخذنه بالسيارة يلا بسرعه كافي تحجن
راحت كله وبقت عبير وحده بالبيت نزلن دموعه وضلت تبجي لاحد ماتعبت ونامت ....

وره ساعات عزيز رجع للبيت مالكه احد طب الغرفته سبح وبدل وطلع بس فجأة وكف اكبال باب غرفت خواته سمع صوت فتح للباب وشاف عبير كاعد جاي تقره استغرب وكال : عبير شسوين هنا ما رحتي وياهم لسوك
عبير رفعت راسه وكالت : لا مارحت

عند الشباب جانو كاعدين مرتضى ورعد وحيدر

حيدر : اووو واخيرا راح اتزوج وتودع العزوبيه وكام يغني مبارك مبارك عريسنه مباارك

مرتضى : دنجب بعدني مامزوج

حيدر: وجع مافوك داغنيلك موصوجك صوجي اني فرحان لك

مرتضى : دكل خره احسلك ليش المن راح ازوج غيراختك كبر لفك

رعد: وجع شبيكم مناكر مامليتو دكافي عاد

حيدر: شبيك عريسنه الصاك المفروض تفرح ودكوم تركص شبيك جنت واحد مرته ميته بلا هذا وجه واحد راح يزوج

رعد ضربه على راسه : ياوجه الطاوة دنجب لو اركعك بوكس

ضحك حيدر : امشي ولك متعينك
رعد: يانذل هاي عليمن ولك

مرتضى وهو يضحك: ليش اكو غيرك

رعد: اي اكو انت هنا
مرتضى: لاحبيبي اني نسببه شحدة يحجي علي

رعد باوعله تك عين: اي موانت على راسك ريشه

حيدر: تدرون اني مامنقهر غير على بس حبيبات الكلب هسه من يسمعن بالظبط رعد مزوج يشمرن روحه من الطابق الرابع

رعد: اكل تبن احسن

مرتضى : دليل ونشوف من تزوج شراح اسوي

حيدر بمرح : اكيد مو مثلكم مراح اكعد جني ارمله والله يالله هو انتو شكول عرسان اكوم اروح يم عبوورتي احسلي اركص اني وياهه احسن بالكآبة وجهوكم

رعد بعصبيه: تعال ولك اكعد لا ادفرك بجلاق

حيدر: اووو كعدت كعدت امري الله