حب من طرف واحد

البارت السابع

لوتدري بيه شكثر احبك
وتعرف شكثر غلاتك عندي
ماجيت وعاتبتني بفركاك
الفركة منك طلعت موومني
اه ياروح تعالي وانطيني الصبر
اصبرر عالابعاد واخلي بالكلب
جمرة لحتى بس ماشتاك

حب من طرف واحد

البارت  السابع

فرح العكيدي

رعد:

بعد ماتفقت ويه اهل صديقي  على يوم الخطوبة  بدت امي اجهز للخطوبة جانو كلهم فرحانين بس جنت اشوف زينة مو على بعضها زينة جانت دائما ادكلي انت بس أشر واني اخطبلك واسوي ماسوي بعرسك بس اشو مفرحانه بمره كعدت وياهه وكتله: زينة بيج شي محتاجة شي
زينة: لا مابيه شي ولامحتاجة شي ليش ادكول هيج

رعد: مادري احسج مفرحانه  بزواجي مع العلم جنت متوقع اول وحدة راح تفرحين وتخبصين البيت خبص

باوعتله زينة وابتسمت: لا فرحانه  لك منو كلك اني مفراحنه بس شوف خيي راح اكلك حجاية  واذكره  مني دائما صح اني صغيرة وما عندي خبرة بس راح اكولك شي لان اذا ما حجيت بعدين ماتعاتبني  ودكلي  ليش ماكلتيلي 

رعد : شنو الموضوع 

زينة: سمعني زين  ياخوي  هاي الابنية  مراح اتعمر  معاك

استغربت رعد من حجيه  وسألته : ليش تحجين انتي سامعه عنه شيئ احد كالج شي كليلي زينة
زينة: لاخوية حشى ماعرف شي ولاسمعت شي بس الايام راح تثبتلك حجي  

مرت ايام على خطوبة رعد واني قررت انتبه لدراستي واصير قوية لان ادري الغلط مني هو عمره ماباوع علي لافكر بيه ادري جان يشوفني حالي حال زينة بس شسوي اني حبيته مو بيدي ماكدرت اتحمل وخليت حبه بكلبي يزيد يوم بعد يوم
جنت كاعدة بيوم بالغرفة ادرس طبت علي تقى جانت توه راجعة من الكلية بدلت ملابسه وكعدت صافنة وباوعت عليه كتله شبيج من رجعتي وانتي صافنة

باوعت علي وكالت : هاا لاماكو شي ورجعت صفنت

كتله تقى احجي شبيج مو علي سوالفج

تقى : صديقاتي مسويات عيد ميلاد وعزمني واني بصراحة ماعرفت شكول وكتلهن ميخالف اجي وعدتتهن اجي بس خايفة مرتضى مايقبل مرتضى  شسوي
باوعت عليه صافنه ومتفاجأة انتي من كل عقلج تحجين شلون وافقتي وانتي تعرفين رأي مرتضى بالموضوع مستحيل يقبل انتي اكيد تخبلتي

تقى: اووو بعد هذا الي صار عفيه عبير احجي وياه انتي اخاف ميقبل هو يحبج وميرفضلج طلب

عبير:مستحيل صح وهو ميرفضلي طلب بس مو معناه استغله انسي الموضوع الورطة الي ورطتي نفسج بيه انتي طلعي نفسج منه

زينة جانت كاعدة بغرفته تحجي ويه حيدر بالتلفون
حيدر عفيه بس هالمرة الخاطري

حيدر :زينة كتلج لاتلحين لا يعني لا