انت تدري بيه احبك
ومستعد اسامحك على كلشي
بس مسامحك اذا بيوم خنتني
تدري بيه انه بيك اشوف الدنيا
واذا يوم ...يوم غبت عني
اصيرا مثل الطفل من تعوفنه امه
حب من طرف واحد
فرح العكيدي
البارت السابع والعشرون
زينة
بعد ما سافرت عبير كلشي اتغير بحياتنه بيوتنه حل عليها الحزن جنت اشوف خالي ومرت خالي وشهد الي عافت بيته ورجله وكعدت يمهم بعد ماتعبت مرت خالي وصحته حيل تراجعت نوبات من اروحلهم جنت اسال شهد على فرقد جانت ادكلي هو مقدر الظروف الي احنه بيها ومكضيته بين بيت خالي وبين بيتها
و تقى ٢٤ ساعة تبجي على عبير ومن جهه ثانية الحمل جان كلش متعبه وكل شوي نلكاهه بمزاج ومرتضى متحمل مزاجه بكل انواعه جنت اشوف امي تكعد بالغرفة نوبات وحدة وسمعه تبجي من اروح اشوفه الكاه كاعدة على سجادة الصلاة وجنت اخلي واطلع لو رغد الي ماتخلص مشاكله هي ورعد كلما ينزل من الدوام ما نسمع غير بس صياحهم وعياطهم مدري شجاهم رعد اتغير هواي من يجي ٢٤ صافن وباله مدري وين صار قليل يجي للبيت أغلب وقته بالدوام ورغد يوميه طالعتنه بمشكله جديدة لو حيدر اووف ياحيدر اتغير كلش صار ميحجي ولا يكعد بالبيت صرت ماشوفه ولا اعرف عنه اي شي واذا سمع ياطلع ويه اصدقائه يانايم مرت اسابيع وأشهر ولايمه سجلت بالكلية بعد مالحت علي عبير اسجل وماانتظرها وسجلت وداومت وصارت سنة تقى جابت ولد سموه خالد على اسم ابابا الله يرحمه ابن تقى ضاف فرحة لبيتنه ولكلوبنه رعد اتعلق كلش بخالد اكثر من امه وابوه جان كلما يجي ياخذه ويخليه يمه جن يعوضه عن الطفل الي ماكدر يجبه من رغد الي كلما شافته كاعد يلعبه تكلبه قيامة عليه :
طبعا طبعا هاي انت كلما تنزل ماعندك غير شغله غيرتعلب ويه جهال العالم هاي بدال ماكعد يمي تسال عني شوفني شمحتاجة مامحتاجه
رعد: وخر خالد ابن تقى على صفحة وباوع عليه وحجه: اسمعي رغد اني مفايكلج سمعتي وحجيج هذا احتفظي بيه النفسج ماريد دوخه راس ورجع يلعب بخالد
رغد: دوخة رأس اني صرت دوخه راس يارعد طبعا انت شاهمك من سافرت الخانم وانت روحك مطايقه عنه مارجعت ولا...وقبل لاتكمل كمشه رعد من شعره وكطعه من الكتل وهو يصيح: قسما بالله يارغد ان سمعتج تجيني طاريها مره ثاني لاموتج وادفنج بارضج سمعتي لولاااااا
وهي ولاجن تعيط وتحجي : اي طبعا دافعله دافعله هاي ام الزلم شوف شسوه بيه الله جانت ويه كل كلمه تنضرب من رعد كله مرتضى وتقى يفاككوهم واخذته تقى للغرفة تحاول اسكتها حاول مرتضى يفهم منه شصار بس رعد طلع وعافهم
بيوم من الايام جنت بالكلية انتظر نور تخلص محاضرته طلعت للكافتريا كعدت انتظر وبين ماجنن انتظر جه واحد جان زميل الي اسمه علي جنت ادري بيه معجب بيه بس اني مجنت انطي مجال سلم وكال: زينة اكدر احجي وياج بموضوع
باوعت عليه باستغراب كتله : خير اتفضل
علي: زينة بصراحة اني صار سنة اراقبج وهسه احنه مرحله ثانية ولامره شفت شي موزين عليج وكل اسألهم عنج يمدحون بيج وهذا الي خلاني اجرأ واحجي وياج
زينة: تحجي وياي بخصوص شنو
علي: زينة اني معجب بيج واريد اتق.... وقبل لايكمل شهكت وحطت ايده على حلكه وهي تباوع على علي الي وكع بالكاع وردت صدت شافت حيدر وهو عيونه بكصته غلط بيه وحجه: اي ست زينة شنو هذا هاا جايه هنا ادرسين لو تتمعشكين وعينك عينك واكفه وياه ماشيه انج زوجتي ست زينة لو طرطور كدامج عمود تتمعشكين وتحبين بكيفج بالكلية
انصدمت انقهرت من حجيه بعد غياب سنة كاملة جاي يحاسيني ويطعن بيه ماحسيت على نفسي واني اضربه براشدي وصحت بيه: كااافي كااافي انت شنووو اهااا انت شنووو ماتحس كاافي حرام عليك حس على نفسك شوي سنة عايفني عمرك مافكرت تسأل عني ولاتتصل بيه هسه هسسسسه حاليا تذكر اني زوجتك هااا احجي وين جنت انت اناني وتفكر بس بنفسك اناني انت عبير مو بس اختك عبير اختنه كلنه وكلنه مقهورين بس انت انت واحد اناني ولا مرة فكرت تتصل وتسأل الاعلي ولا على خواتك ولاحتى على عبير الي كل ماتتصل تسالني عنك واني كل مرة اطلعله الف حجه وحجه وانت ولايمك فلاتجي هسه وتمثل دور الزوج ياحيدر وعفته ومشيت واني ابجي
رجعت للبيت مقهورة كلش من ويه حيدر طبيت بغرفتي وضليت ابجي دك تلفوني جانت نور جاوبته وكتله الو
نور : الوو ولج زينة وينج دورت عليج بالكافتريا مالكيتج وين انتي
زينة: اني بالبيت نور
نور: شنوو بالبيت ليش موعساس تنتظريني
زينة: اي بس صارت شغله ومكدرت اضل
نور: ليش شصار
زينة: باجر اشوفج واحجيلج هسه مالي خلك احجي اي شي
نور: تمام المهم انج بخير
زينة: لاتخافين اني بخير اي وباركي لمحمد على المولود الجديد
نور: الله يبارك ييج سمر جابت ابنيه اتخبل سموهه رسل
زينة: تتربى بعزه ان شاء الله يا حببتي اروح انام كلش تعبانه
نور ماشي حبتي روحي ارتاحي
قفلت التلفون وافقت راسي ونمت ماكعدت للعصر طلعت من الغرفة مالكيت احد جانت تقى رايحة لاهله هي وامي ورعد طالع ويه مرتضى رحت لغرفة رغد داشوفه موجودة لولا وقبل لادك الباب سمعتها تحجي ويه شخص: شنو يعني بعد كل هذا الي سويته تالي كلشي مااحصل بس انت وعدتني راح تنطيني الفلوس اذا جبتلك صور زينة شنوو يعني الاتفاق الغه اسمع هذا الحجي موعلي سمعت اريد الفلوس اني هذا الحجي ميخصني والله مو مشكلتي اذا انت غبي ذيج لعبت عليك ويه الظابط وسولك كمين انت الغبي مو مشكلتي اني
اني سمعت هيج لو تخبلت طبت عليه واني مصدومه: ولج حقيرة ياجلبة ياساقطه طلعتي انتي رأس البله
رغد اول ماسمعت صوت زينة فزت ومع التلفون منه وهي تباوع على زينة: هي انتي شلون اطبين غرفتي هيج بدون احم والادستور
زينة: اكلي خره اليوم راسج اكسره بعد ياجلبه لج اني اني تاخذين صوري ودزيهن الكلب عامر والله اليوم موتج على أيدي ياحقيرة وجان اكمشه من شعره وهي تحاول توخرني طبو رعد ومرتضى على صوتي طبو يركضون يحاولون يوخرونه بس اني ماسكتت ورجعت اضربه وبعدها حجيت كلشي الرعد مرتضى رعد من عرف كمل عليه وشبعه كتل وطلكه ودزه لهله ......
حيدر
بعد مرض عبير الدنيا سودت بوجهي عبير مو بس جانت اختي جانت اختي وصديقتي وبنتي وكلشي بحياتي جنت اني وياهه واحد سرنه واحد جان يومي مايكمل اذا ماتكون هي وياي من سافرت البيت خنكني كنت ماتحمل اكل للبيت ومالكه جنت كلما اجي اذكره وهي تتلكاني اذكر ضحكتنه وسوالفنه سوه وسهراتنه صح عندي خوات اثنين قبلها بس هي جانت شي ثاني جان تعلقي عبير يختلف عملت نفسي وحياتي وشغلي عملت زينة الي هي مرتي كمت مااحجي ويه احد ولاسال على احد لاحد مابيوم جنت طالع ويه صديقي صديقي خابرته اخته عمود يجي ياخذه من الكلية لان الخط مالته السيارة مالته عطلانه ورحت وياه وبين ماطبيت للكلية شفت زينة كاعدة ويه ولد طبعا محد يتخيل شعوري شلون صار نعميت على عيوني وفقدت من العصبية وماحسيت على نفسي واني اضربه الولد وتعاركت ويه زينة حتى مااذكر شحجيت ولاشكلت لان ماحسيت على نفسي اني شحجي وماصحيت عدالاعلى الراشدي جان حجي زينة مثل الخناجر جنت اسمعه واني مصدوم ادري بنفسي غلطان بس مجنت مصور اني جرحته هالدرجه مشت وعافتني حاولت اتصل عليه مترد علي شكد حاولت واعتذر منه بس مجانت تقبل تسمعني لاحد مابيوم رحت لبيت عمتي بحجه اشوف تقى كعدت يمهم وكعدت العب خالد شوي جانت هي كاعدة بس مامعبرتني كلش ضجت وقررت اكوم اروح بس عمتي جلبت بيه اضل عل العشى وضليت رعد جان طالع وتقى كامت للمطبخ ويه عمتي بقى مرتضى سولف شوي وكام ينوم خالد بقينه بس اني وزينه ضلينه فترة ساكتين لاحد ماقررت اكسر حاجز الصمت وكتله : زينة
باوعتلي وهي ساكته كملت: اسف اسف على كل كلمة جرحتج بدون مااقصد مرحبا اسف على كل دمعه نزلت من عيونج الحلوه اسف على كل الهجر وعلى كل الحزن الي سببته الج اسف على البعد اسف على كل شي سويته بحقج اني اسف زينه اني جنت ضايع تايه ماعرف شنو اسوي عبير كسرت ضهري
زينة:اسف اسف على شنو حيدر اها اسف على شنو تعرف شكد انتظرتك تخابرني تسأل عني تواسيني تعرف جم ليلة نمت واني ابجي مقهورة وحزينة ليش هيج حيدر ليش ضيعت حبنه ليش
حيدر كام وكعد يمه وكمش يديه: ابد عمري مراح ابطل احبج لواخر يوم بعمري راح اضل احبج وماابطل احبج زينة اني اسف اعترف اني غلطت بحقج جنت ضايع وتعبان عبير مو بس اختي عبير جانت بنتي من راحت حسيت روحي راحت وياهه
زينة: كافي حيدر مو بس انت فقدت عبير كلنا فقدنها كلنه جنه مقهورين بس انت مافكرت بينه وفكرت بس بنفسك كلنه جنه نتوجع بس ضلينه صامدين عمود عبير ترجعنه بخير وسلامه بس انت ستسلمت ومافكرت لاحد غير نفسك وبس
حيدر: وهاي اني جايج زينة اني محتاجج لاتتخلين عني ارتجاج زينة خليج وياي لاتعوفيني
زينة دموعه نزلت: انت تعرف عمري مراح اعوفك ولااخلي عنك لاني احبك وماكدر بدونك بس هذا مو معناه اني مسامحتك
ابتسم حيدر: واني اوعدج اني راح اخليج سامحيني اهم شي خليج وياي
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
