عاشكته وكلبي يرف رايدته
شلون بيه انه روحي لهفانه
ماعندي صبر ...ياناس
كلولي اشلون اخلي العين تنام
بكلبي رجفه حب بكلبي رجفه شوك
بعيوني لمعه هوانه كلولي شلون عاشكته
هو مايدري بلي جوانه وعشكه والله جوانه
حب من طرف واحد
البارت السابع عشر
فرح العكيدي
طلع مرتضى وتقى بسيارة رعد وزينه
فرقد ويه شهد زوجته بسيارة
وعزيز وطيبه وعبير وحيدر بسيارة
بعد مدة وصلنه للمدينة العاب كعدنه كلنه سوه راح حيدر ورعد اشترولنه عصائر وكرزات مي ضلينه كاعدين نسولف ونضحك اني وزينة وتقى كعدن ياخذن صور ويضحكن وطيبة وشهد يسولفون سوه
عزيز وفرقد ومرتضى سوى وحيدر ورعد سوه اخير شي كام فرقد اخذ زوجته وراحو يتمشون عصافير الحب نسميهم لان رغم صارلهم خمس اسنين مزوجين وبعدهم واحد يحب الاخ رغم جان زواجهم زواج تقليدي مو عن حب وعافو الجهال يمي حجه فرقد : عبوره راح اعوف يمج عبودي راح اخذ شهد نتمشى شوي
عبير: بعيوني ادللو روح اتونسوا ولايهمكم تعال عبودي حبيبي ناخذ اني وياك صور لذكرى
عبودي: هييي صور احب الصور خاله
عبير: يمه فديتك ياروح خالتك واني احبك اموت عليك وكامت تاخذ صور وياهم وجان رعد يباوع هو ساكت
راح فرقد واخذ شهد يتمشون وراه مرتضى اخذ تقى وهم راحو وراهم
حيدر اكلك عزيز اخذ طيبه انت هم روحو تمشو خلي رهف ورنين يمي لاتخاف عليهم
عزيز : لا لا وين اروح خليني كاعد هنا يمهم اخاف يصير عليهم شي
حيدر: هاي شبيك عزيز كوم اخذ مرتك وروح اتمشى خطية شكو عليهم الجهال احنه موجودين روح قابل كل يوم طالعين خطيه كوم كوم
ضحكت ادري لحيدر يريد يكوم عزيز عمود يستفرد بزينة بس يا ترى شلون راح يخلص من رعد
كام عزيز بعد اقناعات طويلة من حيدر اخذ طيبة وراح يتمشون هم هم بقيت اني وزينة وحيدر ورعد الجهال جانو يلعبون بالمراجيح قريب عليهم
كعدو الاربعه يسالفون
حيدر همس باذانه عبير: اكلج ماترحمين اخوج شوي وتخليني استفرد بحبيبتي اشوي
ضحكت عبير وحجت بنفس الهمس: شلون بله اجيبلك مصباح علاء الدين عمود يخفي رعد اكعد راحة واسكت احسلك لان اذا تكدر تعبره على مرتضى رعد مستحيل تعبر عليه
حيدر بيأس:، والحل
عبير كامت اتنغني بصوت ناصي بس يسمعونه والحل إتيرارا اشلون اشلون تيرارا وحبك بكلبي شلون اشلون تيرارا وعيونك الحلوه ذبحني اشلون تيرارا مااكدر انسه كلي اشلوووون تيرارااااااا
حيدر يباوع عليه بغيض زينة حجت عبير ليش سكتي كملي صوتج حلو من زمان ماسامعينه
أنت تقرأ
حب من طرف واحد
Romantizmقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
