حب من طرف واحد

البارت الحادي عشر

من اشتاك الك اكعد اذكر سوالفنه
اشوف الصور والذكريات الي بينه
دموعي تنزل واكولن له لو انت يمي
ليش الوكت غدار وابعدك عني
ثاري العيب موش عالوكت
العيب عليك انت العفتني....

حب من طرف واحد

البارت الحادي عشر

فرح العكيدي

زينة 

جنت كاعدة بغرفته سمعت الباب اندكت  بس ماكمت  وره شوي سمعت امي اصحيني طلعت لكيت عامر  ضجت  منه هسه هذا شعنده حجيت: ها ماما صحتيني

الام: اي ماما تعالي شوفي ابن عمج  شنو يشرب
باوعت زينة على عامر بانزعاج وكالت: تفضل شنو تشرب

عامر: شلونج بنت العم

زينة: جنت زينة قبل لاشوفك بس من شفتك معدتي كلبت

عامريباوع عليه بنظرة غضب بينما صاحت بيه امه: زيييينه يله روحي سوي جاي بسرعة

زينة: ان شاء الله ماما

رحت  للمطبخ اسوي جاي واني  تتأفأف : اووف هسه هذا شجابه شكد غثيث اني الك عامر اذا ماخليك تندم على جيتك ماكون زينة اصبرلي ..

عامر : مرت عمي اني جيت احجي وياج بخصوص زينة انتي تدرين بيه اني سبق و خطبته منكم بس هي رافضه بحجه الدراسه بس اني مستعد اخليه لتكمل دراسه يمي بس توافق اني ابن عمه أولى بيه من الغريب لو شدكولين مرت عمي

ام مرتضى: والله يابني ماعرف شكلك بس انت تعرف اني عمري ما جبرت واحد من ولدي على شي مخليتهم همه ياخذون قراراتهم وانت تعرف زينة مامفكرة بزواج لانه تريد تكمل تدرس واني مااجبره على شي هي متريده

عامر: بس عمه اني اريده هي بت عمي واني احبه  واريد  ازوجه عمه ومستعد كلشي اسويله وشتطلب

طبعا جنت سمع حجيهم وجنت كلش عصبيه واكفه على اعصابي  ومتحملت وطلعت اني اصيح : واني ماريدك وماااحبك انت ليش ماتفهم اني مستحيل ازوووجك سمعت لوتموت مااخذك

عامر صار كلش عصبي وكام عليه وضربني  براشدي وكالي : اخذج وغصبا ماعليج سمعتي لولا انتي بت عمي انهي عليج انتي الي وماصيرين الغيري برضاج او غصبا عنج سمعني
اني تخبلت من شفته ضربني فقدت : لك كلب حقيير جباان تضربني يانذلللل لككك لو تمووووت ماخذكككك سمععععععت لو تموووت اضل بدون زواوااج اموت نفسي وماااخذك ياحقيرة يانذل ياااكلب

عامر هو يباوع علي بعصبية و رجع يريد يضربني ويحجي : لج حقيرة اني اعلمج اليوم واعرفج هذا الحقير منووو ياكلبه ويريد يجي يضربني  بس وكفت امي  بوجهه تريد تدفعه ماكو فايده تعبت وهي تحاول توخره شافته كمشني  من شعري وضربني  ماتحملت فجاة وكعت بالكاع اني شفت امي وكعت لو تخبلت  ضليت اصيح ادعي عليه  عالي: ماماااااااااا