ضلي ياروح شبعي صفنات
شلون تاليه وياج
كافي العمر يمشي
وانتي بعدج عالجمات
(حب من طرف واحد)
(فرح العكيدي )
البارت الاول :
دك المنبه الساعة سبعه الصبح فتحت الام باب للغرفة باوعت على بنته لكته واكفه كبال المراية جاي تعدل بحجايه ابتسمت وكالت:صباح الخير يمه
باوعت عليه وكتله:صباح الجمال على احلى وجه بالهصباح ورحت عليه وبسته من خدوده
كالت امه وهي تباوع على اخته:هاي شوكت تبدل طبعه صار بنفسي يوم اجي اطب للغرفة والكاهه كاعدة
ضحكت وكتله ماما مستحيل اختي تقى تبدل طبعه تدرين بيه شكد اتحب النوم ومستعدة اضحي بكلشي بس اضل نايمة
الام :اووف اووف من هالابنيه شوكت ازوجه وارتاح وخلي رجله هو يبتلي بيه
ضحكت وكتله والله ماما خوش فكرة شنو رأيج نخابر على مرتضى يجي يكعده
تقى اول ماسمعت اسم مرتضى فزت من النوم وكعدت وكالت :اهاا مرتضى لالا كلشي ولامرتضى خلص كعدت هياتني
الام وبنتها كانت من الضحك جان شدكول اخته :هههه ههههه اخ بطني ههههه محد دواج غير بس مرتضى
تقى صارت عصبيه وكامت على حيله تريد تكمش اخته وتضربه ولج عبير اليوم اموتج تخوفيني بمرتضى مو اني الج وكامت تركض ويه عبير وعبير تركض طلعت من الغرفة وكعدت يم ابوهه وهي ادكول :بابا لحكلي تقى تريد تضربني
باوع الاب على بناته حضن عبير وخلاها بحضنه صباح الورد على حبيبتي الشقية كليلي اشسويتي وخليتي اختج تركض وراج وتريد اضربج
برطمت عبير وكالت بتمثل متفاجأة:اني بابا اني والله ماسويت شي اصلا اني اكو افقر مني بس هي بنتك ماكعدت من النوم شوف الساعة بيش صارت وهي بعده لاحد لان بهدوء النوم اليوم عدنه دوام تعبت وياها ومتقبل تكعد من النوم كلي الي سويته كتله راح اخابر مرتضى يجي يكوم بالمهمة بس وسون عيونه مثل اعيون القطه البريئة وكالت كلشي ماسويت ابدا
كعدت تقى يم ابوهه وهي ضايجة:شفت بابا كل هذا وادكول اني مامسويه شي
الاب :يله يله كافي تتعاركن من الصبح يله حبيباتي كومن تريكن امجن اليوم كاعدة من الصبح تحضر بالريوك عمودجن يله كومن
البنات:حاضر بابا وباسنه وكامن
اجتمعت العائلة على الريوك وجان تندك الباب
كام حيدر وفتح الباب جان تطلع عمته زينب شايلة صينية مغطاية وكالت :صباح الخير يمه حيدر اشلونك
حيدر :هلا هلا عمه صباح النور تفضلي عمه تفضلي وجان يصيح بصوت عالي عبير عبير اجه الكبد مالج
طفرت عبير من مكانه وراحت على عمته وهي تباوسه هلاهلا والله هلا بهالمصباح الزين اي هذا الوجهه الحلو الي واحد يصبح بيه هلا بالكبد مالي هلا بالجلاوي والكلب والمعلاك هلا بزيزو اوف يازيزو لو تدرين شلون عندي الج عريس يخبل يلوك على هالوجهه الحلو ( عمه عبير ارملة )
عمته زينب:صباح العيون الحلوه ولج ماتبطلين هذا السانج الطويل
عبير وهي تبلطم:شبيه عمه الساني
عمته زينب وهي تضحك:يخبل السانج يمه انتي اكلج على بعضج اتخبلين
عبير:اوووي خجلتني عمه فديتج وفديت هذا الجمال
عمه زينب:تعالي تعالي شوفي جبتلج اشلون ريوك كا هي وكيمير يلوك هالحلك الحلو ...........
عبير:
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
