بدماي جرن ادموعي وبيك صحت الف آه
من سمعت بيك راح تروح
جن روحي راحت وياك
ليش هيج تأذيني وتريد تكسر بكلبي
زينة مافكرت بيه ماهنت عليك
ادموعي من طاحن ماكسرن بيك
ليش مصمم تعذبني وتجرحني
مو انت الي كلت احبك
وخليتني افكر بيك
ليش هسه جاي ادكلي انساني
هذا جزاتي من اتعلقت بيك
تهجرني وتروح لواحد ثاني
حب من طرف واحد
فرح العكيدي
البارت السادس والعشرون
ضليت بالمستشفى اخذ علاج مؤقت لاحد ما اسافر وجه محمد ونور المستشفى بعد ماعرفو بوضعي محمد دخل وحجه وياي انو كلشي صار تمام والخطه ماشية بقت خطوه وحدة بس
حجت عبير: محمد اليوم تنفذ قبل باجر ماريد اي تأخير لازم عامر موضوعه ينتهي بسرعه
محمد: اطمني اليوم باليل راح أنفذ الخطه وكلشي راح يكون مثل متردين
عبير: شكرا محمد ماعرف اشلون اشكرك
محمد: ماكو داعي اشكريني ماسويت غير واجبي
نور: عبير باركي لمحمد خطب بت خالتي سمر
ابتسمت عبير: الف مبروك محمد سمر تستاهل خوش ابنيه وتحبك..
محمد: تعرفينه انتي
عبير: اكيد اعرفه شلون ماعرفه خوش ابنيه وحبابه وتحبك يامحمد جنت اتمنى احضر عرسكم بس مثل ماشوف وضحكت
دمعت عيون محمد ونور كامت تبجي
عبير:ششش لاتبجين هذا أمر الله الحمدالله على كل حال
ندكت الباب وطب رعد شاف محمد ضاج وصارن عيونه حمرمن العصبيه كوه جان مصيطر على نفسه كدامهم وكال: شسوي هنا انت
عبير: تعال رعد فووت
فات رعد وكعد يم عبير بعد ماسلم عليهم وابتسم اله: شلون صرتي طمنيني عنج
عبير: الحمدالله بخير بعدني مامتت
رعد : اسم الله عليج لاتحجين هيج ان شاء الله تتعالجين اصيرين زينة وترجعينه بالسلامه
عبير: رعد بارك لمحمد على خطوبته من بت خالته
باوع رعد على محمد وابتسم وكله : مبروك حضرة الظابط
محمد: شكرا يلا اترخص احنه ان شاء الله نجي وقت ثاني قبل لاتسافرين ونشوفج
..ستأذن محمد ونور وراحو
بقى رعد يباوع على عبير بعد ماراحو وحجه شنو الي ديصير بينج وبين محمد
باوعتله عبير شتقصد
رعد بعصبيه :عبييير احجي لاتخبليني شنو الشي الي بينكم لاعابلج اني ناسي الحجي الي حجيتي بتلفون بيتنه احجي عبير لاتخليني اعرف بطريقتي
تنهدت عبير بتعب وكالت : اهدى رعد باليل كلشي تعرف
باوعلها بنظره
عبير بملل خلاص رعد كتلك باليل احجيلك هسه اريد ارتاح لان تعبت
هو رعد راسه وطلع وعافها بدون ميحجي شيى
باليل عامر راح الشقة مال دعارة ويه شله مال اصدقائة وجان محمد ورجال الشرطة مسويلهم كمين وجاي يراقبون بيهم وينتظرونهم وره ساعة من الشرب والسكر ويه البنات
طبت الشرطه عليهم وألقت القبض عليهم ثاني يوم الكل سمع بالخبر عبير بتسمت براحه وحجيت بتلفون: الو هاا محمد كلشي تمام اسمع الجزء الثاني من الخطة .. اسمعني حاول ما تخلي المحامي يقابلة وخوفهةوهدده وخلي يوقع على الورقة الي طلبته منك قبل اي شخص من اهله يشوفونه الان اعرف اهله مراح يسكتون وراح يحجون ويه رعد بس اني راح اصرف بالموضوع تمام اول ما يخلص الموضوع راح ارجع اخابرك سلام
طب رعد : هاي ثاني مرة اسمع اسمي ينذكر مراح تحجيلي شنو الموضوع
عبير: اني وعدتك اليله احجيلك كلشي اكعد واسمع مني بس بالأول وين البقية
رعد :هسه يجون
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
