اشوفك من جنت تمشي بدربنه
وبكصايبك السودة الطويله
جنت لمح مشيتك من بعيييد
واشم عطرك لو بعد عني الف ميييل
جنت اناطرك من الفجرية ولحد
الساعة ال12 بذيج الضهرية
جنت بعيونك تبسملي وجنت
اصيحن ااااخ ياربي .....
حب من طرف واحد
فرح العكيدي
البارت الخامس والعشرون
العمه زينب عزمت الكل عمود خبر حمل تقى والكل جان فرحان بالخبر عزيز جان مقهور وحزين انتبه عليه مرتضى وكال: عزيز شبيك
ابتسم عزيز: ماكو شي سلامتك
سالت شهد : عبير شبيج اشو مو على بعضج ضعافنه وعيونج تعبانه مريضه بيج شي
عبير: لامابيه شي حببتي شوي تعب مابعد الدراسه والامتحانات لاتخافين علي مابيه شي
دك تلفون حيدر باوع عاالتلفون وحجه: عبير هاي نور جاي اتصل عليج
عبير: نطينياه احجي وياهه من رخصتكم كامت وراحت وجانت أنظار رعد عليها ورغد جانت تباوع على رعد شلون يباوع عليه بينما حجه عامر وكال : اي يا جماعه بما انو الكل مجتمع اني هم عندي خبر لكم واكيد راح تفرحون بيه جان يحجي ويباوع على حيدر زينة وهو يبتسم بخبث بينما زينة جانت كامشه كلبه من الي راح يحجي عامر
ابو عزيز: خير ابني احجي
عامر: قررت انو عرسي اني وزينه الشهر الجاي اتفقت اني و مرتضى على موعد العرس وهو وافق
شهقة زينة بصدمة وهي تباوع على حيدر الي جان يباوع عليه بنظرات قهر وحزن ومرتضى مرتضى هزله براسه بمعناه لاتحجين شي طلعت للغرفة تركض كلهم عبالهم استحت باركولهم كلهم طبت للغرفة تبجي شافته عبير وحجت: تمام نورة يلا نحجي بعدين عود باي
راحت على زينة شافته تبجي كعدت يمه : شبيج زينه ليش تبجين شصاير
زينة وهي تبجي: ماريده ماريد ازوجه ولج راح اموت عبير راح اموت مداكدر شسوي كليلي شسوي
عبير: غير تفهميني شصاير
زينة: الكلب الحقير متفق ويه مرتضى زواجنه عالشهر الجاي شلون شلون ازوجه واني ماطيقه كليلي شسوي اموت نفسي عمود ارتاح مااحبه ماريده ولج ماطيقه وضلت تبجي
اخذت عبير تمسد على راسه: خلاص حببتي لاتبجين اني موكتلج راح اصرف خلاص اهدي اني راح اخلصج من هذا عامر عبالج اخليج تزوجين غير اخوي غير اذبحج
زينة: يعني شتكدرين اسوين اذا مرتضى كلشي ماكدر يسوي شي
عبير: راح اشوفين شراح اسوي ماكون عبير اذا ماندمته على كل دمعه طاحت منج انتي وحيدر شوفي شراح اسوي وهسه كومي غسلي ورجعي كعدي وياهم عندي مكالمه اخلصه واجي وراج
زينة: هاي شنو من شوكت تخابرين من وراي واج
ضحكت عبير: امشي ولج توج جنتي كالبته مناحه يلا كومي يلا
راحت زينه غسلت وطلعت كعدت يمهم سالوها على عبير كالتلهم بعده تخابر نور
بينما عبير رجعت اتصلت بنور وحجت: الوو نور محمد بعده يمج
نور: اي ليش
عبير: انطينياه احجي وياه
نور:تمام هاي وياج محمد
محمد: الو ها عبير شصاير
عبير: اسمعني زين اريدك تنفذ للخطة الي تفقنه عليه خلال هاي اليومين ماريد اي تأخير لازم نخلص من الموضوع بسرعه
محمد: ليش شنو الي صار
عبير: مصار شي بس الحقير حدد موعد عالشهر هذا
محمد: تمام راح اخلص الموضوع باسرع وقت ممكن
عبير: تمام لاتنسى ملازم احد يعرف بالموضوع نهائي وخاصة رعد
محمد : لا مناسي اعتمدي علي وكلشي راح يخلص بسرعة
عبير: تمام خليني على تواصل بكلشي يصير
طب رعد وهو يفتح الباب وحجه: شنو هالشي الي ملازم اعرف بيه اني عبير
تفاجئت عبير من طبت رعد عليه وهي كامشة التلفون ومخليته على اذنه وكالت : خلاص نحجي بعدين سلام
عبير: انت شلون اطب هيج جنت تصنط علي رعد
رعد: عبير مو اني الي اصنط تعرفين كل الزين مو طبعي هذا
عبير: لعد شعندك هنا
رعد: عبير جاوبيني على سؤالي شنو هذا الي سمعته شنو الشي الي لازم ماعرف بيه اني بالذات ويامن جنتي تحجين احجي
عبير: موضوع ميخصك ورادت تمشي بس هو كمشه من ايده بقوه وجره عليه ونصدمت بجسمه وصل واحد يباوع على الاخ صلة فتره هيج تاهو بعيون بعض وكل واحد منهم يحجي شي وماحسو الا فجأة على صوت رغد تلعلع : هلا هلا هاي شنو شنو الي ميصير هنا شنو هاي الرومنسيات الي كثير من وراي تعالوووو تعالووووو شنووو شوفي بنتكم الشريفة العفيفه شدسوي بغرفه بت عمته ويه رجلي تعالوووو شوفو
كله جتي على صوته وهم كلشي مايفتهمون حجت العمه زينب : شكو شصاير شبيج رغد يوم رعد شكو شصاير
رغد: اني اكلج عمه شصاير الي صار المحروسه المحترمة بت اخوج ورجلي الي ابنج المحترم شفتهم متحاضنين سوه جاين يتمعشكون هنا عينيك والله أعلم شصاير بيناتهم بعد
شهكت بصدمة وعيوني كامن يجرن واني اباوع على رغد وعلى الكل وهم يباوعون عليه ساكتين بس عيونهم بيه حجي اشكال
صاح بيه رعد : ررررررغد اسكتي احسلج الموضوع فاهمه غلط
رغد: اي طبعا راح تحجي هيج شتحجي شدكول كللهم كلهم جنت اسوي بغرفة اختك ويه بت خالك احجي وكللهم شراح اطلع جذبه للهم
حيدر صار عصبيى: رغد احترامي نفسج احسلج كلج الموضوع مو مثل ما انتي فاهمة
مرتضى: رغد كافي تحجين اكيد الموضوع مووهيج
رغد : اي طبعا منو يشهد للعروس راح طالعة ملاك ونازل من السمه سألوها سألوها شسوي ويه رجال مزوج بغرفة نوم
متحملت اني وحجيت بعصبية : اكافي كااافي انتي شنو متستحين بكيفج تحجين ماكو شي من الي بعقلج المريض هذا مو عبير الي اذب نفسه على واحد مزوج وقبل لا يكون هذا رجلج فهو ابن عمتي روابي وياي يعني حاله حال عزيز وحيدر سمعتي مو انتي الي تحددين علاقتي بأبني عمتي افتهمتي وجان ادفعه وطلعت اركض ابجي واني اذكر كل كلمه جنه خنجر ونغرزت بكلبي ضليت ابجي واني افكر ليش ليش هيج يصير وياي بشنو غلطت بشنو أذنبت ليش كلما احاول انسى يرجعون يذكروني ليش هيج يصير بيه اخ ياكلبي ليش هيج انت السبب انت الي كل مرة تغدر بيه انت ضليت امشي عيوني غوركت بالبجي والدنيا صارت تفتر بيه وماحسيت على نفسي بعدها
بعد مدة فتحت عيوني باوعت داير مدايري لكيت نفسي بغرفة بيضه عرفت نفسي اني بالمستشفى شفت الممرضة يمي واكفة ابتسمت اله وكالت : الحمدالله على سلامتج اخيرا كعدتي
عبير: شنو صار من شوكت اني هنا
الممرضة: صارلج ساعتين هنا واهلج جابوج وانتي فاقدة الوعي كلهم بره ميتين من الخوف عليج
طلعت الممرضه وكالتلهم المريضة صحت وطلبت الطبيب وجه فحصني واطمنهم عليه وبعده طلع وحجه الطبيب: سمعوني ياجماعه الوضع ما يتحمل أي تاجيل لازم المريضة أسافر للعلاج باسرع وقت ممكن المرض لاسف بده ينتشر بجسمه لي تأخير مو لصالحه
ام عبير حجت:دكتور انت شتحجي شنو مرض شنو منتشر الله يخليك فهمنه شبيه بنتي
الدكتور ياريت تتفهمون الوضع خطير على حياة المريضه بكل لحظه تأخير ممكن تموته لان بتكم عده سرطان والسرطان بعد ينتشر بجسمه
ام عبير "يبووووو بنتي راح اتروح مني يبووووو وضلت امه وتلطم
زينة: لالا مستحيل عبير مابيه شي اكيد غلطانين اي دكتور انتو غلطانين اني اعرفه مابيه شي هي قوية قوية كلش محد يعرفها مثلي عبير مابيها شي
رعد: زينة اهدي حببتي اهدي
زينة وهي تضرب رعد بصدره: اكلك عبير مابيه شي شنو اهده اكيد هم غلطانين كلي رعد هم غلطانين عبير مابيه شي رعد حضنه حيل وهي ضلت تبجي بحضنه
تقى: انتو شتحجون مستحيل لا اختي اختي مابيه شي لا مابيه شي عبير اختي حببتي
مرتضى غمض اعيونه بقهر واخذ تقى بحضنه وهي تبجي
حيدر كعد بالكاع وضل يبجي وكلشي ماحجه
العمة زينب ماتحملت الخبر وكعت والكل راح يركض عليه: يمممممه / عمممممه
ضلوا كلههم كاعدين يدعون تقى خابرت شهد وهي تبجي: ولج شهد ولج الحكي اختج راح تموت اختج راح تروح من ايدينا ولج تعالي شوفي شصار عبير راح اتمووووت ياشششهد
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
