بس اسألك سؤال من كتلي روح
وجع عينك بعيني كليك مانكسر
ماكلت هذا خطيه ولك انه كلبي يرف
من يجي طاريك وانت بكل سهوله
تمشي وتروح
خلي بس اكلك شي اني حبيتك
وجانت نيتي صافية
بس انت خنت بيه واغدرت
حب من طرف واحد
فرح العكيدي
البارت الثالث والعشرون
طلعت عبير من الامتحان تنتظر زينة برة باب المدرسة شافها محمد واقرب منها وكال: اشلونج عبير
صدت عبير على محمد ابتسمت : اهلا محمد الحمدالله انت شلونك
محمد: تمام الحمدالله عبير اكدر احجي وياج بموضوع
عبير استغربت : خير اتفضل احجي
.محمد: اكدر اعرف سبب رفضج الي
استغربت اكثر عبير وهي تباوع عليه وكالت: مافتهمت عن شنو تحجي انت
محمد: اني تقدمتلج قبل يومين وخطبتح من اهلج بس البارحة اهلج ردو خبر انج مموافقة لهذا جيت اليوم عمود اسالج
عبير : اني اسفة محمد بصراحة اني مجنت اعرف اصلا انت الي متقدملي صح بابا فاتحني بموضوع الزواج واني رفضت لان اشوف نفسي بعدني اصغيرة عالزواج والمسؤلية وعندي هواي أحلام اريد احققه بعدني مامستعدة لخطوه مثل الزواج
محمد: عبير اني معجب بيج ومستعد احققلج كل احلامج ومراح امنعج من شي ابد اني ظابط ومثقف واتمنى زوجتي تكون دارسه ومتعلمة واني اتمنى انتي تكونين زوجتي وام جهالي
عبير: محمد انت خوش ولد وخلاق وابن ناس واي ابنيه تتمناك بس صدكني اني مو الابنية الي انت تحلم بيه اني مافيدك امحمد صدكني
محمد: ليش تحجين هيج عبير انطيني سبب مقنع اترجاج اذا عدراسه اني مستعد اخليج تكملين وتحققين كل احلامج واذا تردين اني مامستعدة انتظرج لاحد ماتكملين وبعدين نزوج المهم تنطيني امل صدكني عبير اني راح اسعدج ومستحيل ازعلج بيوم
عبير غمضت اعيونه بالم وهي تحاول مفتقد اعصابه : محمد ارجوك سد الموضوع وروح دورلك وحدة غيري اني مافيدك
محمد: عبير جاوبيني بصراحة اكو احد بحياتج
صاحت عبير بعصبية: شتحجي انت انت واعي لحجيك هذا محمد
محمد بعصبية: انطيني لعد سبب مقنع يخليج فهميني كل حجيج هذا مقانع بيه اني ..
عبير فقدت اعصابه وحجت: يعني شنو اله اكلك اني مريضه وايامي معدودة بالحياة هذا سبب مقنع عمود تعوفني بحالي عن اذنك وراحت طبت جوه بالمدرسة وعافن محمد بصدمته من حجيه
كعدت عبير على المصطبه وهي ترجع بذاكرتها قبل أشهر وهي تحجي ويه لدكتور
عبير: طمني دكتور شبيها التحاليل مالتي فهمني دكتور شنو شبيه اني
الدكتور: بنتي انتي تعرفين كلشي يصير بأمر الله واحنه منكدر نعترض على امره وكلشي يصبنه امتحان من رب العالمين
عبير بخوف وتوتر وقلق: دكتور الله يخليك احجي كلشي مجاي افتهم من حجيك
الدكتور: للاسف بنتي انتي مصابة بالسرطان
عبير بصدمة وعيونه يجرن دموع شنووو انت شتحجي دكتور
الدكتور: اني اسف بنتي لأفضل انو اسافرين باسرع وقت عمود تتعالجين قبل لاينتشر المرض بجسمج
صاحت عبير من شرودها على صوت زينة ونور
زينة: عبير عبير يمعودة وين صفنتي صار ساعة اصيح عليج
عبير: هااا مابيه شي خلصتن امتحان يلا خلي نمشي تعبانه واريد انام
زينة: اي يلا خلصنه
طلعت البنات جان بوقته رعد بره ينتظرهن جان يباوع على محمد الي اول ماطلعت عبير وهو عينه عليه وهذا الشي خله رعد يضوج ويعصب
صعدت زينة ليورة وكعدت عبير ليكدام وخلت راسه عجامة وصافنه عالشارع بدون متحجي ولا كلمه رعد جان يباوع عليه بين فترة وفترة انتظر منه تحجي شي بس ماحجت ولاكلمة عاد هو حجه وكال: اي زينة طمنيني شلون جان الامتحان مالكم
زينة: الحمدالله زينة جاوبت
رعد: اي الحمدالله وصد على عبير وانتي عبير
عبير ماردت لان جانت صافنه واصلا مامنتبه عليهم لاحد ماراحت زينة بصوت عالي: عبيييير
فزت عبير وصدت على زينة : شكو شبيج
زينة بسخرية: سلامات حببتي يا يتهنى المآخذ عقلج بسلا تفكرين بالعريس
عبير: هاا لا يا عريس اصلا رفضته الموضوع سديته خلاص بس دافكر بغير موضوع جنت
رعد ابتسم كانو فرح بداخله لان رفضت بس مابين هالشي وحجه: عبير شبيج اشو موضوعج معاجبني بيج شي انتي مريضه شي
عبير بحزن وسخرية وصوت ناصي كنت محد سمعه بس رعد سمعه لان جان كاعد بصفه: يعني عساس اذا بيه شي راح احد يهتم
رعد: كلتي شي
عبير : لا مابيه شي تعب دراسه مواكثر تعرف السادس مايرحم كله فترة وتعدي
زينة كاعدة بغرفته تبجي تحاول تتصل على حيدر وميرد اندك الباب لكن مرتضى طب وابتسمله وهو يكعد بصفه وحجه: شبيه حببتي ليش ضايجه
زينة: مابيه شي كلي انت شسويت بموضوع عامر
مرتضى: انتهد وحجه اسمعيني زينة ادري الي راح احجي مراح يعجبج بس لازم احجي لان ماعدنه حل غيره
زينة: احجي اسمعك شصاير
مرتضى: اسمعي زينة انتي لازم توافقين على عامر
زينة بصدمة: مرتضى انت شتحجي انت واعي لكلامك هذا مستحيل مستحيل ازوجه اموت ولاازوجه سمعت اموت نفسي ومازوجه وكامن تبجي
حضنه مرتضى : اششش اهدي حببتي اهدي وسمعيني الاخر اني ستشاريت واحد صديقي يداوم شرطي وكلي لازم نحاول نسايسة عمود تكدر نتخذ منه الصور والتسجيلات لان اذا وصلت الرعد راح يصير بيه كاتل ومكتول
زينة: بس اني ماريده اكرهه اعرف شنو اكرهه اشلون تريدني ازوجه
مرتضى: زينة انتي مراح تزوجينه بس راح انسوي خطوبه لاحد ما الكه طريقه اخذ من الصور والتسجيلات لازم انسوي هاي الخطوة ضروري لازم
زينة: مااكدر مااكدر وضلت تبجي
مرتضى: زينة انتي مواثقة بيه اني اخوج تتوقعين اخلي هذا الحقير ياذيج
زينة: طبعا واثقه منك بس صعبه والله صعبه وخايفة اني ماطيقه
مرتضى:ششش لاتخافين دام اني عايش وبضهرج لاتخافين ماشي يلا امسحي ادموعج واسمعي الخطه عمود انفذه باسرع وقت ماشي...
مر يومين وصارت خطوبة عامر وزينة والكل انصدم بالخبر حيدر جان اكثر واحد مصدوم حبيبته صارت الواحد غيره عبير زعلت من زينة وكاطعته ومقبلت تحجي وياهه
صاحت زينة: عبير عبير اوكفي خلي احجي وياج
عبير بعصبيه: شتحجين ها شتحجين كليلي مو هذا الي جنتي تكرهينه مو هذا الي جنتي ادكولين اموت ولااخذه وهسه لابسه حلقته وحيدر مافكرتي بيه مو هذا الي جنتي ادكولين احبه وماكدر بدونه وانتي ادكولين اخاف يعوفني وبنهاية منو عاف منو هااا منو يابت عمتي منووو
زينة كامت تبجي وهي تعيط: موبيدي والله موبيدي قبلت غصب عني هو ماخذلي صور وتسجيلات وهددني اذا ماقبلت ينشرهن واذا ماصدكين اسألي حيدر هو يعرف كلشي
عبير انصدمت : انتي شتحجين ها شتحجين
زينة: والله والله العظيم ماجذب حتى مرتضى يدري
عبير: واني اخر من يعلم مو مو اني اختج ليش مادري ليييش
زينة: الان هو هددني ماكلج شي ولا راح يأذيج خفت عليج والله خفت عليج
عبير وهي تحضنه : خلاص لاتبجين خلاص
زينة: سامحيني عبير اني مااكدر بدونج والله مااكدر
عبير: خلاص اهدي وهذا عامر اني اعلمه الاخليه يعرف ان لله حق
زينة:شراح اسوين
عبير: معليج عوفي الموضوع علي اني اصرف
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
