انت سند الي
انت ظهر الي
انت كلشي بحياتي
انت روح ونفس
انت دنيا وعشرة عمر
انت حب انت عشق
انت الهوي والصبر
انت الصديق وانت الاخ
انت الحبيب وانت المحب
انت ابوية وكلب لام
انت رحلة بيه كل الفخر...
حب من طرف واحد
فرح العكيدي
البارت الواحد والعشرون
زينة جنت كاعدة بالغرفة اقره دك تلفوني شفت حيدر متصل عليه استغربت ليش يتصل صار شهر مزاعلين اخير شي فتحت التلفون وكلت:
الوو
وفجأة سمعت صوت حيدر وهو يصيح ويعطي ويغلط صاحت : حيدر شبيك شكو ليش تغلط واصيح فهميني شصاير
حيدر:مغشمه نفسج عساس متدرين شصاير مو وهذا السكط ابن عمج بكل فخر دازلي صور وتسجيلات الج
يكلي شوف عن قريب راح تجي هي تتوسل بيه عمود ازوجه الأكسر خشمه وخشمك لج كليلي انتي شمسويه مين جاب صورك هااااا
زينة مصدومه: انت شتحجي حيدر شنو صور شنو تسجيلات كلشي مجاي افتهم منك
حيدر : مجاي تفتهمين مو روحي فتحي تلفونج شوفي وقته راح تفتهمين وسد التلفون
زينة بسرعة طلعت على الاستوديو وفتحت الفديوات والتسجيلات الي دزه حيدر اله ونصدمت وكامت تشهك وتبجي رجعت اتصلت على حيدر ويديه ترجف وهي مصدومة: ششنو حيدر هذا مقلب مو كلي هذا مقلب منك شافته ساكت ميحجي نزلن ادموعه وكامت على حيله وهي تفتر وتحجي وياه : حيدر انت ماصدكته مو كلي انت ماصدكت حجي شي كلي انت مامصدكه احجيلي ليييش ساكت حيدر حيدر صدكني هاي مو اني ورحمه ابويه الي ماحلفت بيه يوم جذب مو اني هذا كله جذب تصدك اني اسوي هيج حاجيني حيدر كلي انت مصدك اني ممكن اسوي هيج شي
حيدر: لاماصدك ومستحيل اصدك وادري هذا كله مفبرك بس وغلاتج الا اندمه وخلي يعرف انو لله حق وسد التلفون وضلت هي اتصيح عليه بس بدون فايدة طب مرتضى عليها شافها تبجي واصيح وكال زينة شبيج ليش تبجين شصاير
زينة : مرتضى الحكلي مرتضى حيدر راح يموت عامر الحك عليه بسرعة الله يخليك
مرتضى انصدم وكال : زينة شتحجين انتي شنو الي صاير
زينة : موقته مرتضى بعدين افهمك الله يخليك روح الحك على حيدر
مرتضى: ماشي رايح رايح وطلع مرتضى بسرعة من البيت وضلت زينة تبجي وتندب حضه
مارجع مرتضى غير قليل وكبل راح على زينة زينة اول ماشفته وقت وكامت : مرتضى شصار احجيلي الله يخليك
مرتضى: اهدي مصار شي منعته باخر لحظة ورجعته للبيت بس ماقبل يحجيلي ليش يريد يتعارك ويه عامر زينة اكيد تعرفين بالموضوع احيجلي شكو شصاير بين حيدر وعامر
ضلت زينة تبجي وحجتله كلشي وشوفته الفديوات مرتضى تخبل : هذا اكيد اتخبل ليش هيج يسوي شنو عباله نسكتله
زينة: كل هذا لان رفضته هو جان يدك علي وهددني اذا ماقبلت بيه راح يخليني اقبل غصب عني اني جنت مارد عليه وجنت كل مره احظره بس مجنت متوقعة راح يسوي هيج
مرتضى: زين شعنده ويه حيدر ليش دز الفديوات الحيدر
زينة : مادري مادري ليش ادزهن الحيدر صدكني مادري
مرتضى: كافي كافي يابعد اخوج كافي لاتبجين وعيونج لاجيبلج حقج منه واني اعلمه هذا النذل بس انتي لاسولفين لاحد وخصوصا رعد ماشي تدرين بيه خبل ممكن يروح يكتله خلاص اني اصرف وعيونج
زينة: خايفة مرتضى خايفه ومرعوبة
مرتضى: لاتخفين دام اخوج يجر النفس لاتخافين من شي اني وياج وبضهرج يلا خيتي مسحي ادموعج روحي اقري وركزي بدراستج وبس وعوفي البقيه علي ماشي
بهاي الاثناء تقدم محمد اخو نور اليى لان جان معجب بيه كلش وحجه ويه واهله وكلش فرحوله وجتي امه واخته المزوجه وحجت ويه امي بس اني كالتلهم نحجي ويه ابوهه واخوته وان شاء الله خير
وباليل كعدت امي وحجت وياهم بموضوع العريس الي تقدم الي
عزيز قبل وكال اي هاهيه نسأل عليهم اذا خوش ناس شكو بيه الابنيه مصيرة الزواج اول وتالي
حيدر: اني اعرفه الولد خوش ولد واخلاق هو ظابط بالشرطة اله مركزة ومكانته بس عادي اذا تردون هم سألو عليه
الام: اي والله ومبين عليهم خوش ناس طيبين واكيد الولد هم خوش ولد وابن حلال
الاب: الله كريم خلي الولد يسألون عليه وعلى اخلاقة ونشوف بنهاية القرار الاخير العبير
عبير جنت طول الكعدة ساكته واني شوفهم يحجون ومن حجه بابا كلت بكلبي : همزين اكو احد عبرني صار ساعة يحجون ولاكأنو اني موجودة والي رأي كتلهم: بابا اني مامفكرة بزواج هسه تعرف اريد اخلص دراستي هسه
عزيز: وليش ما تفكرين أوله وتاليه راح تزوجين اذا هسه او بعدين
باوعت عليه : اي صحيح بس اني بعدني اصغيرة عالزواج وثاني شيى اريد اكمل دراسة اني وبعدين اني ماريد اخلص حياتي بالمطبخ اريد ادرس لان الزواج مو طباخه وخدامه الزواج تفاهم واستقرار وعشره عمر ومشاركة حب واحترام وتقدير مودة لمره عمرها مانخلقت خدامة ولا ماكنه للخلفه وبس لتلبيه طلبات الرجال وبس بدون تعب وملل انماهي عمود تتشارك الرجل بكلشي بحياتهم سوى مثل مانخلق الرجل حتى يكمل المره يعني نص بنص وبالنسبة للرجال الي يكول المرة مكانه المطبخ هذا رجال متخلف وجاهل مايعرف شنو قيمه المره الحقيقة واني مستحيل اقبل على نفسي اعيش ضاله على رجال يمن علي بلكمه الي اكلها بس لان هو رجال مسمحوله بكلشي ولمره لا مثل مالرجال اله دور المره هم اله دور ....باوعت على ابوهه اني اسفة بابا بس اني مو موافقة عالزواج هسه ورجعت باوعت على خوها عزيز اني اريد اكمل دراسة عن اذنكم باجر عندي امتحان لازم اقره وعافتهم ومشت طبت الغرفته وكمشت دفتر مذكراته وكتبت:
رغم كل شيئ لايزال قلبي يخونني وبمجرد سماع اسمه يخفق بقوة مازلت روحي تغدر بيه وتغادرني لتذهب اليه مازلت عيوني تهرب مني بحثا عنه متى ياقلب تسمع مني وتتوقف عن كل هذا الألم والوجع والحرمان........
أنت تقرأ
حب من طرف واحد
Lãng mạnقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
