يا دنيا لاتظلميني
ومن ذاك الاحبه لاتحرميني
شحصلت من دنياي وشفت منها
ماشفت غير بس الاه والصدمات
ياعمر كافي افراك كافي عذاب
صبري خلص وماضل غير بس الحسرات
كافي اختبارات جن بمتحان
وخايف من الدرجات
ومالكه لامركب الهم يوديني
ولامن الي يرجعني ويرجع كل شوقي وحنيني
البارت العاشر
حب من طرف واحد
فرح العكيدي
مرت ايام وعامر ابن عمي اتقدملي رفضت بحجت الدراسه وأني بعدني اصغيرة طبعا بوكته حيدر صار عصبي نار وراد يهد على عامر بس بالكوه سكت بعد ماسمع اني رفضت وانسد الموضوع ياله هده
علاقه تقى بمرتضى تحسنت وخاصة بعد الحفلة الي قبل تروح بيه بس شرط انو هو يروح وياهه لاحد لان اذكر فرحتها وهي راجعه من الحفلة جنت بوقته كاعدة اقرا كالعادة بالغرفة باوعتلي وبتسمت كالتلي : الله يديم السعادة وهالبسمه الحلوه
ركضت على وحضنتني وكالت: فرحااانه فرحااانه متصورين شكد فرحااانه اليوم اسعد يوم بحياتي
عبير: الله يسعدج ويهنيج يارب بس كليلي شنو سر هالسعادة
تقى : اليوم مو جانت حفلة عيد ميلاد سرى صديقتي وعزمني اني والبنات مرتضى راح وياي للحفلة طبعا بالبداية جنت متفاجاة بس هذا جان شرطه واني قبلت بدون ماعرف ورحت وياه جنت متوترة كلش وخايفة رعد فعل صديقاتي شنو بس من رحت تفاجأت البنات جانت كلهن عيونهم منه وكله تسألني هذا منو بصراحة بالبداية ماقبلت اكولهم هذا خطيبي بس من شفت هاي سلمى المغثة وهي عينه على مرتضى من اول مطب ماعرف حسيت بإحساس غريب اول مرة احسه ضجت وقبل لاارد مرتضى عرفهم على انو هو ابن عمتي ضجت حيل لان مكللهم اني خطيبته مع ذالك كملت الحفلة وباركت اسرى ونطيته هديته وجنت اضحك وسولف لاحد ماتفاجئت بسلمى وهي كامشة ايد مرتضى ماعرف شصار بيه حسيت نار وكبت بداخلي ستأذنت من البنات ورحت عليهم وجان اسمعهم يحجون
سلمى: تدري اول ماشفتك انعجبت بيك شنو رأيك انطيني رقمك
مرتضى: رقمي شسوين بيه
سلمى بدلع: عادي نتواصل ممكن تنصير اصدقاء او احباب
ضحك مرتضى بصوت عالي انتبه عليه الكل
سلمى باستغراب : على شنو تضحك مكلت شي يضحك
مرتضى: اسف موقصدي بس بصراحة حجيج هواي يضحك اني وياج نصير احباب
سلمى وهي تتقرب من مرتضى وخلت ايده على قميصه وتلعب بدكم مالته: وليش لا اني حلوة واخبل وزنكيلة اي واحد يتمناني ومناقصني شي ولاانت
مرتضى:، اممم فعلا انتي حلوه واي واحد يتمناج بس مو اني تدرين ليش
سلمى: ليش
مرتضى وهو يباوع على تقى الي واكفه وتسمعهم وعيونه كله غضب كال: لان عندي حبيبة تسواج الف مرة وعافه وراح على تقى وكمشه من خصره وباسه من خده كدام الكل
الكل نصدم وأولهم سلمى الي نزلت عيونه كله كرة وحقد وكال : اعرفج انسة سلمى تقى بت خالي وحبيبتي وخطيبتي ومرتي قريبا
الكل صفك وكاموو يصافرون وقته تقى خجلت حيل وهو حضنه اكثر وجان يمس باذانه: احبج واحب الغيرة الي اول مرة اشوفه بعيونج ......
تقى: تدرين عبير اليوم بعد الموقف الي صار اكتشفت اني جنت ظالمة مرتضى جنت معمية على عيوني بس قررت من اليوم انطي فرصة لان اكتشفت مرتضى فعلا يحبني
عبير ابتسمت بتعب وكالت: الحمدالله الله يسعدكم ياارب تقى اكدر اطلب منج طلب
تقى : اكيد اطلبي حببتي
عبير: اكدر اطلب منج تقرببين موعد زواجكم
تقى بستغراب: ليش تدرين احنه متفقين انه متزوج الا نخلص الكلية ياله
عبير: اعرف بس تقى ارجوج الخاطري اريدج تزوجين مرتضى اريد اشوفج عروس اريد اشوفج وانتي لابسه الفستان الابيض
تقى: اكيد حببتي راح اشوفني بس بعد وكت على زواجنه هسه اني اريد اخلص الكلية ياله
عبير بصوت هامس منو يكول ابقى البعد سنتين
تقى:كلتي شي عبير
عبير ابتسمت: لاحببتي ماكلت شي يله روحي بدلي ملابس وروحي ارتاحي باجر وراج دوام
تقى : ماشي تصبحين على خير
ثاني يوم كعدت اني تقى بدلنه ملابسنه وطلعنه اتريكنه بعد واصبحنه على الكل وكعدت اتريك بس فجأة لعبت نفسي ورحت الحمام ورجعت ابتسمت الهم شافت القلق بعيونهم وكلت : شبيكم ترى موشي مهم تدرون هالفترة معدتي مخربطه لان ادرس هواي تاكلي قليل وامتحانات بس اخلص ارتاح يله رايحة اني للمدرسة باي وطلعت بدون لاتسمع كلمة من احد
بعد مارفضت عامر كام يومية يجي يوكف اكبال المدرسة اسويلي مشاكل تعبت منه واني احجي وياه وكتله ماريدك جنت اهدده اكل لاخوتي عليك بس ماكو فايدة رعد جان بدوام مرتضى جان ملتهي بشغله وكام جانت صحته تعبانه مات اقلقهم لذالك اخذت اجازة لاحد ماارتاح كم يوم
اني رحت قبل فترة للمستشفى بدون ماكل لاحد جنت مفكرة الموضوع عادي يعني وجع معدة وخربطة بالاكل والطبيب كلي تعالي بعد كم يوم واخذي للتحاليل وصادف اليوم طلعت من المدرسة وطلعت بكل للمستشفى على لمختبر واخذت التحاليل وطلعت لدكتور عمود اشوفه وصلت للغرفة الطبيب ودكت الباب وطبت وسلمت كعدت اكبالي الطبيب وكالت : دكتور اني عبير رحمان جيت عمود هاي التحليل الي سويته قبل أسبوع
الدكتور: تفضلي بابا استريحي وطلب تحاليله اخذهن الدكتور وشاف التحاليل وباوع على عبير ورجع باوع على التحاليل وكال : بابا انتي جاية وحدج اهلج وين
حسيت اكو شي غريب وكالت: ليش دكتور شبيه التحاليل
الدكتور: بابا لازم احجي ويه واحد من اهلج
عبير: دكتور اني بالغة بما فيه الكفاية احجي وياه أترجاك دكتور كلي شبيه التحاليل
تنهد الدكتور من شاف اصرار عبير على انو تعرف شبيه وكال : بابا انتي........
أنت تقرأ
حب من طرف واحد
Romanceقصتنا اليوم تحكي عن بنيه اسمها عبير اتحب ابن خالها حب من طرف واحد هو ما ادري بيها ولا يعرف عن مشاعر شيء برأيكم شنو راح يصير وياها هل راح يعرف بحبها مثل ما تحبه يعيشون حياه سعيده والنهايه جميله لو راح يكون في القدر راي ثاني تابعوالقصه وياي وشوف اي...
