Make You Stay (Book 2 of You Trilogy)

Kabanata 2

"Kamusta ka na? Ayos na ba ang pakiramdam mo?" nakakunot-noo kong tanong kay Bench

Naabutan ko siyang nakaharap sa kanyang macbook. I bet he's answering a make-up quiz.

"Oo. I'm even sweaty right now," aniya

Bumuntonghininga ako. 

"Then you should rest for more, Bench. Baka mabinat ka." 

Binalewala niya ang sinabi ko at nagpatuloy sa pagsasagot. Ngumiwi ako at hinayaan nalang siya.

Sa aming dalawa talaga, siya etong grade conscious. Obvious naman at heto siya, kahit hindi pa lubusang gumagaling, nagsasagot na ng quiz. Hindi ako honor student pero hindi rin naman bulakbol. Sapat na sa aking makapasa. 

The next day, he went to school with me. Hindi ko na sinaway dahil talagang matigas ang ulo. Magkapatid nga kami.

"Claui!" I heard Joshua

Nilingon ko siya at pinagtaasan ng kilay. Papasok palang ako ngayon sa classroom namin, si Bench nagpunta na sa classroom nila. Josh's room is just a few steps away from ours.

Mukhang papasok pa lang din siya. Naka-uniform at may malapad na ngiti. 

"O?" 

"Josh tara na!" I heard his classmates

"Saglit lang." sagot ni Josh sa kanila bago bumaling sa'kin

Lalong umangat ang aking kilay nang mahagip ng aking mata ang lalaking kumuha sa'kin ng picture kahapon. He only glanced at me once before going inside their classroom.

Kunwari snob. Nilitratuhan naman ako. Tss.

"Huy!"

Napaigtad ako nang hawakan ni Josh ang aking balikat. 

"Ano ba?!" pa-singhal kong tanong dahil sa ginawa niya

"Hindi ka kase nakikinig eh! Sabi ko may ipakikilala ako. Mamaya." 

Nangasim ang mukha ko panigurado. Yun lang? Yun lang ang sasabihin niya? Napakawalang-kwenta naman.

"Para saan?"

"Anong para saan? Syempre para may boyfriend ka na." 

I gave him a sharp look. Natawa naman siya.

"De joke lang. Gusto ka kaseng maging kaibigan nung tao. Mukhang naduduwag kase ang sungit ng mukha mo." paliwanag niya

"Babae?"

"Lalaki malamang!"

Lalaki pala. Lolokohin pa akong friends-friends lang. Hello?! Alam ko na 'yan. At this age, I somehow know how boys make move. Kakaibiganin. Liligawan. Jojowain. Tapos lolokohin sa huli. Sinong kawawa? Ang mga babae. Kaya huwag nalang.

"Huwag na-"

"Mamaya ah? Daan kayo sa court!" binalewala niya ang pagtanggi ko at tumalikod na

Napairap nalang ako at pumasok narin sa classroom. Bahala si Joshua. Siya makipag-usap kung gusto niya.

"Kamusta?" malisyosa ang ngiting ibinungad ni Hannah sa'kin

"Anong tanong 'yan?"

"Hmm. Syempre, baka inisip mo si Mister Cute!" 

Mister Cute. Yuck. Napakabaduy.

"Cute pala? Edi ikaw ang nag-isip?" pambabara ko

"Hoy hindi ah! He likes you, it was obvious so why would I think of, you know. Ayoko sa lalaking hindi ako gusto no."