វិថីស្នេហ៍ម៉ាហ្វៀ ( រដូវកាលទី 2 ) [ Complete ✔️]

វិថីស្នេហ៍ម៉ាហ្វៀ

Part 48          
  « មួយកាំផ្លៀងលាងភាពថោកទាប »

រាងក្រាស់ដាក់នាងអោយដេកក្នុងសភាពននលគោក ក្រោយពីគេបានដាក់ទារុណកម្មនាងរួចរាល់ហើយគេក៏ក្រោកចេញពីបន្ទប់នោះ ! លុះដល់ព្រឹកឡើងរាងកាយស្តើងក៏ក្រោកឡើងមក នាងល្ហឹតល្ហៃគ្មានកម្លាំងក្នុងខ្លួនប្រាណទាល់តែសោះ ដល់ថ្នាក់ក្រោកលែងរួច

ដាយ៉ាណាបាត់មិនឃើញស្រមោលរបស់យ៉ុនអុី នាងបារម្ភខ្លាចថាយ៉ុនអុីឈឺទើបមកមើលដល់បន្ទប់ ! មកដល់នាងក៏មិននិយាយអ្វីក្រៅពីសម្លឹងមើលរាងកាយរបស់យ៉ុនអុីដែលពោរពេញទៅដោយស្នាមជាំពណ៍កុលាប គឹតមិនខុសនោះទេកាលពីយប់មិញជុងហ្គុកមិនដេកជាមួយនាងក៏ព្រោះតែមកដេកជាមួយយ៉ុនអុី ពួកគេទាំងពីអ្នកមានរឿងសុីជម្រៅដែលនាងសង្ស័យពិតមេន

“ អ្នកនាងដាយ៉ាណា ” យ៉ុនអុីរៀងរអៀសក្នុងចិត្តដែល នាងកំពុងពពោះគួរតែជួបរឿងដែលល្អ មិនធ្វើអោយមានសម្ពាធក្នុងចិត្តនាំប៉ះពាល់ដល់ក្នុងក្នុងផ្ទៃ
“ មិនបាច់បកស្រាយទេ ” ដាយ៉ាណាហាក់គ្មានអារម្មណ៍អ្វីទាល់តែសោះ នាងញញឹមធម្មតាតបមកយ៉ុនអុី

“ ខ្ញុំសំទោសតែបណ្តោយអោយជុងហ្គុកធ្វើរឿងបែបនេះ ” យ៉ុនអុី
“ មិនបាច់សំទោសទេ គេជាមនុស្សប្រុសគេចង់មានស្រីប៉ុន្មានអ្នកក៏មិនខូចខាត ខ្ញុំមិនឃើញនាងនៅខាងក្រៅទើបដើរមកមើលខ្លាចនាងឈឺ មិនអីល្អហើយតាមសម្រួលចុះ ” ដាយ៉ាណានិយាយតែប៉ុណ្ណឹងក៏ដើរចេញ យ៉ុនអុីពិតជាតានតឹងនៅក្នុងអារម្មណ៍ខ្លាំងណាស់ នាងអាម៉ាស់នាងស្អប់ខ្លួនឯង នាងចង់ចាកចេញពីទីនេះ

“ ខ្ញុំស្អប់ខ្លួនឯងខ្លាំងណាស់ ” យ៉ុនអុីលើកដៃរុសស្លាកស្នាមដែលដាមពេញរាងកាយរបស់នាងដោយសារស្នាដៃរបស់ជុងហ្គុក នាងរុសឡើងស្បែកក្រហមរបកតឹចៗស្ទើរតែចេញឈាម គេធ្វើអោយនាងឈឺចាប់ទៀតហើយនៅពេលដែលមានឱកាសនាងនឹងមិនលើកលែងអោយគេជាដាច់ខាត គេត្រូវតែសងចំពោះគ្រប់យ៉ាងដែលបានសាងមកលើនាង

       ទីនេះត្បិតតែធំតែមានសភាពដូចជាចង្អៀត យ៉ុនអុីមិនអាចលាក់ខ្លួនរឹតតែមិនអាចគេចផុតពីគេបាន ! តែនាងក៏ព្យាយាមធ្វើដូចជាគ្មានអ្វីកើតឡើង ព្យាយាមមិនរំលឹក ហើយក៏មិនចូលក្បែរជុងហ្គុកជាដាច់ខាត ។ បើទោះជាផ្ទៃចង្អៀតយ៉ាងណាក៏នាងតាំងចិត្តមិនរវីរវល់មិនប៉ះពាល់ជាមួយនឹងរូបគេអោយទាល់តែបាន