វិថីស្នេហ៍ម៉ាហ្វៀ ( រដូវកាលទី 2 ) [ Complete ✔️]

វិថីស្នេហ៍ម៉ាហ្វៀ

      Part 36              « មានអារម្មណ៍ថាមិនចង់បាត់បង់នាង »

    ____________________________

ជុងហ្គុកឡើងមករំងាប់ភ្លើងបិសាចនៅក្នុងបន្ទប់ ដោយអំណាចនៃភ្លើងដុតកម្តៅពេញរាងកាយរបស់គេធ្វើអោយគេទប់ស្មារតីអារម្មណ៍លែងបាន ឡើងមកដល់ក៏បោកប្រាស់គប់វាសរបស់របរបែកបាក់ខ្ទិចខ្ចី គេខឹងនាងឡើងញ័រសាច់ស្ទើរតែលើកដៃសម្លាប់នាងទៅហើយ

“ មីនយ៉ុនអុី ! មីនយ៉ុនអុី ” ជុងហ្គុកស្រែកទន្ទេញឈ្មោះនាងនៅជាប់មាត់ទាំងញ័រ គេខឹងគេស្អប់ ហើយរឹតតែស្អប់ទៀតនោះគឺនាងព្យាយាមរត់ចេញពីជីវិតរបស់គេ ស្អប់រអើមដែលនាងហ៊ានក្បត់គេជ្រើសយកអាប្រុសផ្សេងតែគេក៏មិនពេញចិត្តប៉ុន្មានដែលនាងធ្លាក់ក្នុងដៃអ្នកផ្សេងទើបគេព្យាយាមរិះរកគ្រប់វិធីធ្វើយ៉ាងណាអោយនាងធ្លាក់មកក្នុងដៃរបស់គេអោយទាល់តែបាន

ជុងហ្គុកប្រើរយះពេលមួយម៉ោងទម្រាំតែពន្លត់បិសាចនៅក្នុងខ្លួនរបស់គេបាន ! ពេលនេះចិត្តក៏ស្ងប់បានច្រើនណាស់ហើយទើបគេដើរចុះមកជាន់ក្រោមវិញ ... នៅពេលបានឃើញរាងកាយស្តើងគេងសំប៉ាបៗនៅកណ្តាលផ្ទះត្រង់ចំណុចដើមដែលគេបានវាយធ្វើបាបលើនាង ចិត្តរបស់គេក៏ចាប់ផ្តើមប្រែប្រួលគឺទទួលបានអារម្មណ៍អាណិតនាងយ៉ាងមិចក៏មិនដឹង

ជុងហ្គុកទម្លាក់ខ្លួនចុះក្បែររាងកាយរបស់យ៉ុនអុី ហើយគេក៏ទាញនាងមកអោបក្នុងរង្វង់ដៃ ទឹកមុខរបស់នាងស្លេកស្លាំងជាខ្លាំង រីឯងខ្លួនវិញក៏ក្តៅប្រៀបដូចជាភ្លើង ចំណែកបបូរមាត់របស់នាងក៏ហើមប៉ោងចេញឈាមឡើង សភាពគួរអោយស្រងេះស្រងោចជាខ្លាំង ! ក្រោយពីឃើញបែបនោះហើយអ្នកកម្លោះក៏ក្រាលចិត្តអាណិតនាងភ្លេចអារម្មណ៍ខឹងស្អប់អស់

“ នាងកុំកើតអីណា យ៉ុនអុី ” ជុងហ្គុកលើកបីយ៉ុនអុីឡើងទៅបន្ទប់របស់គេ គេធ្វើអីក៏មិនត្រូវប៉ះនេះក៏ខុសប៉ះនោះក៏ខុស អារម្មណ៍ច្របូលច្របល់ភ័យព្រួយដល់រាងកាយស្តើងដែលដេកដូចមនុស្សលែងមានវិញ្ញាណនោះជាខ្លាំង ជុងហ្គុកមិនដឹងធ្វើយ៉ាងណាខ្លាំងសភាពនាងធ្ងន់ធ្ងរជាងនេះគេក៏ប្រញាប់យកទូរស័ព្ទខលទៅពេទ្យអោយមកពិនិត្យនាងភ្លាមៗ