🖤 انت كل شيء 🖤

🖤🖤🖤🖤

رواية🖤"انت كل شيء"🖤
"البارت الرابع"
بيصير الصبح
............... Rana..............
و رنا بتفيق بكير بتقوم بتفيق اختها الصغيرة ليلى
رنا: لولو فيقي
ليلى: اييي هلئ بفيق
رنا: يلا بسرعة
بتقوم ليلى و هية عم تقول: قمت والله قمت
رنا: يلا مافي احلا من النشاط
ليلى: اي بس مافي ابشع من المدرسة
رنا: 😂😂
ليلى بتلبس و بتجهز
رنا: يلا لولو عملتلك صندويشة
ليلى: حاسة حالي ولد صغير لحتى اخد الصندويشة
رنا: يلا بلا دلع بنات 😂
ليلى: يسلم ايديكي
رنا باست راس ليلى و قالتلها: يلا ديري بالك على حالك و انتبهي منيح عل استاز
ليلى: اي بس هي اول السنة و هيك كيف بعدين
رنا: خلص شدي الهمة من هلئ... روحي بقا مشان ما تتأخري
بتروح ليلى و بتجي نانسي
نانسي: صباح الخير رنوش
رنا: صباح النور 🙂
نانسي: انا بدي اروح على شغلي
رنا: الله معك
نانسي: اي بس انا غرت من ليلى عطيتيها الصندويشة و انا نسيتيني 😔
رنا: لك ما عاش يلي بدو ينساكي نانسي... و هي احلا صندويشة
نانسي: يالله حسبتي حسابي..... لك انتي احلا اخت بل عالم و انا محظوظة لأنو عندي ياكي
بيضمو بعض و بيبوسو بعض و بعدين بتروح نانسي على شغلها
و رنا بتفطر امها و بتلبس ل تروح عل مشفى
............. Hussam............
فاق حسام الساعة 11 و قام بسرعة عمل فطور و اكلو بسرعة من كتر جوعو و بيروح بيعمل دوش و بيلبس احلا بدل عندو و بيكتر بخ البارفان و بيمشط شعراتو و غرتو الطويلة وبيحط مسدسو على خصرو و بيروح عل مشفى
........ Hussam&Rana.......
في المشفى :
امير وصل الصبح بكير و عم ينطر حسام
رنا و حسام وصلو بنفس اللحظة عل مشفى و ما انتبهو لبعض بل اول و لما راحو ليفتحو باب المشفى ليدخلو بيحطو ايديهن على بعض على مسكة الباب و بيتطلعو على بعض.... رنا من شدة الخجل سحبت ايدها و نزلت عيونها بل ارض بس حسام ضل باهت فيها و بيفتحلها الباب و بيقلها: تفضلي
و رنا بتدخل بسرعة و بتركض على مكتبها و بتسكر الباب و قلبها عم يدق بسرعة و ايديها عم يرجفو و قالت : لك انا شو صرلي ليش هيك قلبي عم يدق و عم ارجف وازا يعني شو صار... يلا خليني البس الصدرية و ابدأ ب شغلي
حسام دخل عل غرفة يلي فيها ماجد
حسام: صباح الخير
امير: يا زلمة قول مساء الخير صارت الساعة 12 انا جيت بل 8
حسام: والله من كتر التعب نمت و تأخرت بل فيقة..... يلا الحمدلله على سلامتك يا ماجد
ماجد: الله يسلمك يا كبير
حسام: شو وينا الدكتورة مشان تجي تطمن على ماجد
امير: والله ما اجت اجا دكتور
حسام: ايوا طيب انا رايح ابعت على دكتور او هية مشان يطمنونا على وضع ماجد
امير: اي
امير بقلبو: والله من بعد امبارح و انت مو طبيعي معقول عشقت الدكتورة... كل شوي بيسأل عليها

حسام عم يدو على رنا هون و هون و عم يحاول يسأل بس ما بيعرف اسمها و لا شي عنها و هوي كان رح يدخل على غرفة و بنفس الوقت رنا كانت رح تطلع منها و بيخبط فيها و بتخبط فيه و بيتطلعو ببعض و رنا كالعادة بعدت بسرعة و قلها حسام: عفوا دكتورة بس كنت بدي اسألك مشان المريض يلي جبناه امبارح طمنينا عن وضعو كيف صار زال عنو الخطر..... حسام و هوي عم يحكي كان شارد ب ملامح رنا و عم يحكي ب توتر
رنا: اي مشي حالو صار منيح
حسام: يعني صار فينا ناخدو؟
رنا: لاااا.... لسا جرحو تازة لازم يرتاح
حسام بقلبو: الحمدلله انو رح يضل مشان يصرلي حجة اجي لعندك و اتصبح بوجهك البريء و الابيض و الناعم 🤤
رنا بتوتر: عن ازنك بدي كمل شغلي
حسام: ازنك معك.... ازنك معك...... ازنك معك
صار يكررها اكتر من مرة ب صوت واطي من كتر ما اتأثر بحكيها
............ انتهى البارت.............
🙂🖤🌸🌈