🖤 انت كل شيء 🖤

28

رواية🖤"انت كل شيء"🖤
      البارت الثامن و العشرون
تأليف: Rayan

في البارت الماضي:
رنا: شو بدك طارق؟
طارق: رنا بترجاكي اسمعيني
رنا: شو بدي اسمع بعد يلي صار؟
طارق: انا بهديك الليلة ما كنت واعي صدقيني.... كنت شربان شوي
رنا: شو بعملك ازا كنت شربان؟
طارق: سامحيني و عطيني فرصة بترجاكي..... بعدين مين هالمستر العضلات يلي اجا و ضربني
رنا: هاد حبيبي
طارق: شو؟ 🤯
رنا: اي ليش مستغرب..... يعني مو لابقلي؟
طارق: رنا انا بعرف انو انتي ما ارتبطي.... كيف هاد صار حبيبك... انتي وعيانة عالشي يلي قلتيه؟
رنا: ارتبطت فيه من اسبوع و بعدين انت لا تدخل بحياتي
طارق: لا ما حزرتي... بدي اتأكد
رنا: كيف يعني؟
طارق: بدي اعرف ازا هي حجة لتبعديني عنك و لا القصة حقيقية
رنا: يعني شو بدك تعمل؟
طارق: بدنا نتقابل وجه ل وجه انا و انتي و حبيبك مستر العضلات
رنا سكرت الخط و صارت تقول بقلبها : ولي على هالمصيبة... شو بدي قلو ل حسام.... الحق علي انا يلي دجيت الكلام دج.... و هلئ شو لازم اعمل
فريدة: نانا شوبك يا روحي... شو صار معك وشو يلي شاغل بالك؟
رنا: ولا شي امي.... بس واحد غليظ نزعلي مراقي
رنا راحت و وقفت و صارت تسقي الورود و هية متوترة
فريدة: فيفي شو صرلا ل نانا؟
فرح: تكة قوم شوف شوبها
فريدة: يا خوفي يكون صار معها شي للبنت
فرح: نانا خير شو صار... اتصل حسام؟
رنا: ياريت بس اتصل طارق الغليظ
فرح: هلئ طارق صار غليظ كان اهم شي بالنسبة ل الك
رنا: انا حاليا مو طايقة شي فيه
فرح: المهم شو صار؟
رنا: سألني على حسام... و تهورت و قلتلو انو هوي حبيبي و طلب مني انو يقابلو و يتأكد.... قوليلي بقا شو بدي قلو ل حسام؟
فرح: اي عادي حسام كتير انسان منيح... اشرحيلو الوضع و هوي رح يتقبل الموضوع
رنا: هيك قولتلك؟
فرح: اي... هاتي عنك الخرطوم لحتى كمل سقاية الورد
رنا: طيب لكن بدي روح لعند حسام و احكيلو القصة
فرح: تمام
رنا: امي انا رايحة مشوار و برجع مارح اتأخر
فريدة: الله معك نانا
..........LAILA........
زكوان كان واقف قدام باب المدرسة و عم ينطر البنات ليطلعو... زكوان رغم انو عمرو 36 سنة... الا انو شكلو بيوحي انو عمرو 16 سنة يعني مو متل حسام... كان لابس بنطلون بيج و بلوزة برتقالية و حاطط قبوعة شمسية 🧢... و بالنسبة لشكلو فهوي كتير وسيم و حلو و هاد الشي يلي خلى البنات يحبوه و ماعندو دقن او شوارب يعني فينا نقول بيبي فيس.... فجأة بينصرفو البنات و بتطلع ليلى و كانت معها سارة رفيقتها و فجأة ليلى بتنتبه ل زكوان و بتحاول تتجاهلو
زكوان: ليلى ليلى... لا تحاولي انو تتجاهليني
ليلى: زكوان انت شو جابك لهون؟
زكوان: كنت عم انطرك
ليلى: شو بدك مني؟
زكوان: ليلى لا تكوني قاسية علي شوفيني اديشني حلو حرام تكسري بخاطري
ليلى: من جهة حلو حلو بس هالعادة ما بحبها فيك
زكوان: يعني وين بدك ياني انطرك؟
ليلى: ما تنطرني بالمرة
الاستاز فاتح كان طالع من المدرسة و كانت عينو عم تدور على ليلى و فجأة بيشوفها واقفة مع زكوان و بينصدم و بيزعل 🥺
ليلى التفتت و شافتو عم يطلع عليها و قالت: لك زكوان الله لا يوفقك ولك هاد استازي هلئ شافنا
زكوان: اي طولي بالك و يشوفنا عادي
ليلى: والله؟... زكوان حل عني مو طايقة حالي هااا
راحت ليلى و هية خجلانة من نظرات فاتح الها و زكوان الكلب بقيان عم ينطر بنت تانية ليضحك عليها و يطبقها
اما بالنسبة ل فاتح كمل طريقو و وهوي مصدوم من الشي يلي شافو و مو عرفان ليش هوي مكبر الموضوع لهالدرجة
........ HUSSAM......
حسام كان قاعد بمكتبو و مشغول بالوراق و فجأة بينفتح الباب عليه و بيدخل احلا ملاك شافو بحياتو
حسام: رنا 🤤
رنا: اي.... فاجئتك ؟
حسام: بصراحة اي... لأنو قبل شوي كنا مع بعض
رنا: بصراحة في موضوع مهم رح قلك ياه
حسام: شو هوي؟
.......... انتهى البارت..........
🙂🖤🌈🌸