🖤 انت كل شيء 🖤

27

رواية🖤"انت كل شيء"🖤
       "البارت السابع و العشرون"
تأليف: Rayan

رنا غيرت تيابها و طلعت
فرح: لك ليش تأخرتي.... هلئ امك بتنزعج
رنا: شوبك فيفي......امي من ايمتا انزعجت منا ازا تأخرنا.... بعدين امي بتعرفيها بتتسلا بالدكان لولاه كنا لا قدرنا ناكل و لا قدرنا نتسلا... والشي الاحلا انو صرلنا شعبية بهالدكان
فرح: اي يلا يلا... بلا كر... خلينا نمشي
..............HUSSAM...........
حسام كان ماشي بالسيارة و بعدين بيتصل امير فيه
حسام: اي امير... شوفي؟
امير: لحقنييي يا حسام
حسام وقف السيارة و قال : شوفي؟ 😨
امير: لك الخانوم عم تتوحم على يبرق و انا ما بعرف اعملو.... شو بدي اعمل بهالمصيبة؟
حسام: لك رعبتني 😂😂.... عملا شو ما كان.... بعدين انت قلتلا انو بدي اخدمك ب شواربي
امير: مظبوط لأنو اول ولد
حسام: شو بدي قلك.... حكيت مع الدكتورة رنا
امير: خطبتو ؟ 😃
حسام: امير مو وقت غلاظتك هلئ..... حكيت معها كرمال تروحو انت و مرتك لعندها و تطمن عالجنين و تعرفلكن عمرو و شو وضعو
امير: اي الله يعطيك العافية..... بكرا باخدها بعد ما اخلص من هالمصيبة يلي وقعت فوق راسي
حسام: روح 😂😂
انتهت المكالمة
حسام: مسكين... بس نيالو رح يصير عندو بيبي... ليش في احلا من هيك..... لازم روح على شغلي
................ LAİLA..............
و منجي للبطلة الصغيرة الامورة ليلى
ليلى: اخت رنا الصغيرة... هية بكالوريا..... هية حدا كتير لطيف و ملتزمة بس عصبية شوي وهاد الشي الوحيد يلي مميزها
الاستاز عم يشرح الدرس و ليلى 😒
سارة: ليلى... شوبك عم تنفخي طول الدرس
ليلى: مالك شايفة انو الاستاز صاير ممل كتير و طول الوقت شرح و ما بيعطينا استراحة صغيرة
سارة: نحنا بكالوريا... و كل دقيقة عنا ياها كنز
فاتح: ليلى و سارة ليش عم تحكو 🤨
سارة: شرفي برري للاستاز
ليلى: استاز ما عم نحكي.... كنت عم قلا انو الوظيفة يلي كتبتها كلا صح و هاد دليل اني فهمانة الدرس
فاتح: ماشالله
ليلى: اي استاز... ما عجبك 😒
فاتح: لا ما عجبني... ورجيني شطارتك و حليلي هالتمرين
ليلى: اااه؟..... اي شو بعرفني
فاتح: مو فهمانة الدرس؟
ليلى: استاز انت بدك تجنني؟.... ليش عم تعاملني بهالطريقة... كلها ع بعضها كلمة قلتها ل سارة ما خربت الدنيا
فاتح: لا خربت الدنيا... انتي بكالوريا
ليلى: اوكي بعتزر 😒
فاتح: اي اقعدي لكن
ليلى: قعدت
فاتح: بعرف انو قعدتي
ليلى: اي منيح 😒
زميل ليلى: لك شوبو الاستاز عم يراقب ليلى كتير
زميل ليلى 2: والله ما بعرف.... لو بنتو ما كانت هيك
زميل ليلى: اي والله ياما تحت السواهي دواهي
.............. NANCY.............
نانسي: اوف هلئ انا رح ضل قاعدة هيييك لحتى يجي حدا يسأل عالمدير 😩.... اشتقت ل مكتبي القديم..... احسن الشي اتصل ب رنا... اتصلت......
اوف فصلت... اكيد عندها شغل 😩..... انا الوحيدة يلي حاسة ب فراغ..... لحظة لحظة... رنا اليوم عطلتها يعني ما عندها شغل ليش فصلتلي... اكيد بتكون مواعدة شي شب.... اي شو عليه يا رنا.... انتي بتربطي و انا بضل سينغل بائس 😣
................ RANA..............
رنا: امي كيفك
فريدة: اهلين يا روحي
رنا ركضت و قعدت بحضن امها و صارت تضمها
فريدة: خليلي الامور انا
فرح: ايوا ايوا اختي فريدة بتدللي رنا و بتنسيني
فريدة: فيفي تعالي لحضني التاني
فرح: يا عيني عليكي هاد الكلام الحلو
فرح قعدت و خبصت فريدة 😂
فريدة: الله لا يوفقك على هالتقل حضني اتكسر.... قومي.... رنا اخف منك
رنا: 😂😂😂
فرح: الله يسامحك يا اختي فريدة... نسيتي اني عم اعمل حمية
رنا: اي عالمظبوط
فرح: اي بتعرفو انو الاكل كتير مهم بالنسبة الي
فريدة: لك فيفي شو صرلك ليش زعلتي.... من يوم يومنا منقلك هيك
فرح: بس يا اختي فريدة... انا ما بدي ابقى هيك
فريدة: اكيد مارح تبقي هيك فيفي..... طيب شوفي نانا و حاولي تاكلي متلا
فرح: مستحيل اكل متل نانا
رنا: وليش ما بتقدري تاكلي متلي؟
فرح: ليش انتي بتاكلي متل عادة.... اكلك كلو لقمة
رنا: 😂😂
فريدة: نانا بتاكل لقمة.... انتي بتاكلي 10 كليات
رنا: امي ما تقارني بيني و بينها... بعدين بتزعل
فرح: حبيبتي يا نانا
رنا: شفتي انا بحس فيكي
فرح: نحنا ربينا سوا انا و انتي و دانا و ميرا
رنا: لك صعي شو صار ب دانا و ميرا؟
فريدة: اي والله صرلي فترة ما سمعت عنن
فرح: يعني فترة و رح يرجعو لهون
رنا: اشتقتلن كتير..... تتزكري كيف كنا نقعد اربعتنا على هالطاولة و نحكي و نبيع الورود بنفس الوقت
فريدة: اي والله خليلي قلبن.... كلكن ربيتكن
فرح: اي والله يا اختي.... الك فضل علينا كلنا و رغم هيك و انتي صبية لسا
فريدة: تؤبريني فيفي
فرح: اختي فريدة قوليلي انتي شلون حافظتي على جمالك و بقيتي ضعيفة... لأنو ام الولاد بهالايام ديما بتكون سمينة
فريدة: هههههه... انا مالي متلك باكل كتير
رنا: شفتي انا و امي اضعف منك
فرح: هلئ كنتي عم تحني علي و تجبري بخاطري... فورا بلشتي تعيريني
رنا: عم امزح معك فيفي
علي: طلبتيني اختي؟
رنا: علي بزكاتك عمللنا شاي... انا فارطة
علي: حاضر اختي
فريدة: اليوم رح نتغدى هون
رنا: يا سلااام..... شو رح ناكل ؟
فريدة: عملت كيكة رح تعجبكن رح ناكلها بعد شوي لما نجوع
فرح: كيكة 🤤
رنا: بلشنا 😂😂
فريدة: طولي بالك فيفي رح تاكليني
رنا: هيك الظاهر 😂
اتصل طارق ب رنا
فريدة: خير نانا مين عم يدقلك؟
رنا: مو حدا امي يمكن الدكتور... رح روح و احكي معو
فرح: 😉
فريدة: فيفي احكيلي ل شوف.....نانا مخبية شي علي؟
فرح: شي
فريدة: شو هوي الشي؟
فرح: انا بدي اكل الكيكة 🥺
فريدة: خلص مخك علق على محطة الاكل
ردت رنا عالمكالمة بعد ما بعدت عن امها و فرح
رنا: شو بدك طارق؟
طارق: رنا بترجاكي اسمعيني
رنا: شو بدي اسمع بعد يلي صار؟
طارق: انا بهديك الليلة ما كنت واعي صدقيني..... كنت شربان شوي
رنا: شو بعملك ازا كنت شربان؟
طارق: سامحيني و عطيني فرصة بترجاكي... بعدين مين هالمستر العضلات يلي اجا و ضربني
رنا فكرت بطريقة لتبعد طارق و تهورت و قالتلو
رنا: هاد حبيبي
طارق: شو؟ 🤯
............ انتهى البارت................
🙂🖤🌈🌸