🖤 انت كل شيء 🖤

22

رواية🖤"انت كل شيء"🖤
       "البارت الثاني و العشرون"
تأليف: Rayan

رنا دخلت لبيتها و سكرت الباب و راحت على غرفتها و اتصلت ب فرح
فرح: طمنيني رنا شو صار معك؟
رنا: ما بعرف يا فرح شو صرلي
فرح: شو صرلك؟
رنا: طارق اعترفلي بحبو الي.... بس انا رغم اني بحبو حسيت حالي مالي مرتاحة معو ابدا و طلعت و تركتو بعدين لحقني و مسكني بقوة و شدني لعندو و قلي بدي ياكي
فرح: يخرب بيتو...و بعدين؟
رنا: بعدين ما بشفلك الا شب قوي و حلو ضربو بوكس... هوي حسام
فرح: يا سلاام... اكيد بيكون غار عليكي
رنا: سألتو شو جابك... قلي كنت مارق من هون بالصدفة و لاقيتك... بس انا بصراحة ما اقتنعت انو هوي مارق.. ياترا هوي عم يراقبني؟
فرح: لا تستغربي......انا بثق ب حسام انو بيريد مصلحتك و بيحبك ديما تكوني مبسوطة
رنا: مابعرف.....بس حاسة حالي مشوشة.....ليش هيك عم يصير معي؟
فرح: هلئ كمليلي بعدين شو عملتي مع حسام؟
رنا: بصراحة.. بستو 🤭☺️
فرح: الله يخرب بيتك... دغري تباوستو
رنا: لا من خدو انا بس بستو
فرح: هاااا... فكرت تباوستو 😁
رنا: لا ليش لنتباوس.... نحنا مالنا حبيبين و ازا كنا نحنا مالنا ب امريكا لنبوس بعض هيك 😄
فرح: عادي ولو كلها شقفة بوسة
رنا: بس مو اية بوسة 🤭
فرح: يلا هانت... بكرا بتحبو بعض و بتتباوسو...لا تقوليلي امريكا وما امريكا 😂😂
رنا: اخرسي وليك.. بخجل 😂
فرح: 😂😂..... والله بالنسبة الي ما بخجل ابدا... دغري منتباوس انا و حبيبي 🤭
رنا: لك انتي ما بتعرفي الخجل 😂......انا ازا وقف قدامي حدا بحبو بموت بارضي كيف ازا بسنا بعض 😂😂😂
فرح: معك حق الشغلة بتموت رعبة..... ليكي وين كنا ووين صرنا 😂😂😂😂
رنا: 😂😂😂.... ما يلي بدو يحكي معك بيدخل ب مغامرات غير شكل
فرح: 😂😂
رنا: يلا روحي تصبحي على خير
فرح: وانتي بخير روحي 😘
..............Hussam.............
حسام رجع عالبيت و فايق و رايق و مبسوط عالبوسة يلي عطتو ياها رنا.... وصار كل لحظة يتزكر الموقف يلي صار و يضحك
حسام: يا الله اديش انبسطت..... الدنيا اديش حلوة........مين كان بيعرف انو لما رحت اسعف ماجد التقيت ب وحدة متل الملاك... و صارت ملكة افكاري 😌..... عنجد شي غريب..... لك صعي امير شو صار معو؟.... اتصل فيه
امير: الو
حسام: امير
امير: اي حسام
حسام: شو صار معك... انشالله لونا اتحسنت
امير: والله ما بخفيك.... لونا متغيرة كتير
حسام: كيف يعني؟
امير: لك صايرة عم تحب الاكل زيادة عن اللزوم
حسام: اي عادي صحة وهنا
امير: لك اليوم طلبت من المطعم يوصللنا علبيت طبق كبير فريكة و فروج.... الله وكيلك صار تبلع الاكل بلع... ما كانت هيك
حسام: بيكون جاعت كتير.. ليش هية كيف كانت؟
امير: لك كان اخر همها الاكل.... انا باكل اكتر منها... بس اليوم اكلت اكتر مني
حسام: شوبك ولو عم تلحقها عاللقمة 😂
امير: لا... خليني كملك... شو صار
حسام: شو صار؟
امير: بعد ما اكلت و عبت بطنها.... راحت و نامت و وصتني اني اجلي الجلي و اضب الاكل
حسام: 😂😂🤣
امير: الله وكيلك ما كانت تخليني مد ايدي على شي.....صرلا 5 ساعات نايمة و لهلئ ما فاقت
حسام: خدها عالدكتور
امير: وهاد يلي رح يصير..... بس ادعي انو ما تاكل الدكتور
حسام: 😂😂😂😂.... شو هية اكلة لحوم
امير: هيك الظاهر يا شريك 😂😂
حسام: يلا تصبح على خير... بكرا رح تجي عالفرع؟
امير: مابعرف شو بيصير معي
حسام: مو مشكلة.... يلا سلام
امير: سلام
...............Rana................
رنا فاقت الصبح بكير وكانت رايقة عالاخر... قامت صارت ترتب البيت و تغني و لبست احلا لبس عندها و عملت شعراتا.... و قعدت...... اتصلت فرح
رنا: اي فرح
فرح: لك وينك صارت الساعة 1 ليش ما جيتي عالمشفى؟
رنا: نسيتي انو اليوم عطلتي.... ما عندي شي
فرح: اييييي... اتزكرت.... نيالك.... انتي لحالك بالبيت؟
رنا: لا... انا و امي بس
فرح: ايوا... بس خلص دوام... رح اجي لعندك
رنا: اوكي... انا بانتظارك
و قامت رنا و صارت تكمل شغل و از.... اندق الباب... اجت لتفتح
و فتحت الباب..........
............انتهى البارت.................
🙂🖤🌈🌸