🖤 انت كل شيء 🖤

34

رواية🖤"انت كل شيء"🖤
      "البارت الرابع و الثلاثون"
تأليف: Rayan

رنا رجعت عل بيت بعد مشوارها مع حسام و كالعادة كانو فرح و نانسي عم ينطروها
فرح: رنا
رنا: هاه... فيفي رعبتيني
فرح: شو ما بدك تحكيلنا شو صار معك؟
رنا: اكيد... بس الوقت تأخر
نانسي: وهاد الشي المهم.... انو ليش رجعتي و الوقت متأخر
فرح: اوف نانسي.. رنا مالا ولد صغير..... المهم خبريني شو صار بالضبط؟
رنا: ما صار شي صدقوني
نانسي: شو قصتك انتي كل يوم عم تطلعي مع هاد الزلمة؟
رنا: الزلمة طلب مني مساعدة وانا ساعدته
فرح: يعني بدك تقنعينا انو مافي بينك و بينو شي
رنا: صدقوني يا بنات ماعم كزب عليكن... هاد يلي صار.... بعدين حسام متل اخي الكبير
فرح: هاهاها... لو كان متل اخوكي كان متل جان
رنا: اي وهوي هيك
نانسي: اقنعتينا
رنا: انا تعبانة كتير... لهيك بدي فوت نام... تصبحو على خير
فرح: وانتي من اهلو نانا
فرح و نانسي رجعو و قعدو عالكنباية و صفنو
فرح: هوف... البنت عم توقع بالحب شكلها
نانسي: و نحنا يا حسرتي علينا.... لهلئ ما وقعنا بالحب
فرح: ايمت رح يجو فوارس احلامنا يا ناسو؟
نانسي: مو مصدقة ايمت هايصلو
فرح: يا ترا كيف رح يكون شكل فارس احلامي؟
نانسي: انا بالنشبة الي شلون ما كان المهم انو يحبني و حبو
فرح: معك حق

وفي الصباح:
رنا فاقت الصبح بكير... قامت و لبست تيابها و مشطت شعراتها و فرشت اسنانها
رنا: فرح
فرح: اي رنا تركيني نايمة بس 5 دقايق
رنا: ولا دقيقة.. اليوم عنا دوام بكير يلا قومي خلينا ناكل كم لقمة و نروح ع شغلنا
فرح: هوف... حاضر حاضر

قامت فرح ظبطت حالها و قعدت هية و رنا عالفطور
كانو عم ياكلو سوا و فجأة رن موبايل رنا
فرح: مين؟
رنا: واحد غليظ
فرح: ليش فصلتي؟... هاد حسام؟
رنا: لا طارق
فرح: سبحان مغير الاحوال يغير و لا يتغير.... كنتي تموتي ب طارق هلئ ما عاد يهمك
رنا: اي

رجع رن موبايل رنا.... رنا بدون ما تشوف اسم المتصل ردت و قالت: لك تركتني بقا... من وين طلعتلي انت..... مو قلتلك اني ما بحبك بحب حسام و انت ما بتهمني... ما عدت تفهم
جان: رنا روقي انا جان
رنا: اه جان... ما تواخزني بس كنت معصبة من واحد غليظ من شوي اتصل فيني ف فكرتك هوي... لهيك بعتزر منك
جان: هلئ مو مهم الاعتزار... المهم فهميني شو يلي قلتيه... مين حسام و من ايمتا حبيتيه و ليش انا اخر من يعرف بهالموضوع؟
رنا: جان صدقني مافي شي من هالشي يلي قلتو بنوب.... هي قصة طويلة و رح نحكي فيها بالمشفى... هلئ انا و فرح عم نفطر و رح نطلع من البيت
جان: رح اجي وصلكن
رنا: تمام... بشوفك
جان: بشوفك
انتهت المكالمة
فرح: ولك شو هاد يلي عملتيه يا مجنونة.... الله ستر طلعلك جان ما طلع حدا تاني و الا كنتي رح تفضحي القصة
رنا: ما بعرف يا فيفي عصبت و فكرتو اتصل مرة تانية كنت رح قلو هيك و افصل بوجهو.... بس طلع جان.... يلا مو مشكلة جان صديقنا و متل اخونا وما لازم نخبي عليه شي
فرح: اي
....... HUSSAM.....
حسام فاق و راسو عم يوجعو
حسام:  ااه... راسي(قالها وهوي عم يطلع حوليه)
قام حسام من السرير و طلع.. نزل الدرج و طلع لاقا البيت كلو مكركب كتير
حسام: هوف... هلئ بدي رتب كل هاد 😩... يلا الله ب يعيني
بعد 2 ساعة
حسام رتب كل البيت و المسكين فرط من كتر التعب.. راح عالمطبخ فتح البراد... لاقاه فاضي و مافيه اكل
حسام صار يضحك و هوي عم يقول: كملت
فجأة لاقا سامي عم يفتح الباب و يدخل
حسام: شو جايب معك؟
سامي: الواحد بيقول صباح الخير بالاول حسام بيك
حسام: ليك مو ناقصني غير فلسفتك.... انا جوعان كتير و برادي عم يصفر ما فيه لقمة اكل.... لهيك قلي شو هاد الكيس يلي ب ايدك؟
سامي: خود هاد صحن فول من عمتي
حسام: اوووه... اجا بوقتو... رغم اني ما بحب الفول بس الجوع قتلني.... روح جيب صحنين و تعال ناكل
سامي: اي بس ما تاكلي حصتي
حسام: ازا تأخرت باكلها
سامي: تكة و بكون جبتن
........ RANA.........
رنا لما وصلت عالمشفى الكل صار يستقبلها و مبسوط ب جيتها
فرح: لكن يا عمي العز للرز و البرغل شنق حالو
رنا: لا فيفي لا تحمي هيك... بيحبوكي كمان
فرح: اي مبين صرلي يوم غايبة و ما حدا استقبلني
رنا: بس هاد ما بيعني اننن ما بيحبوكي
جان: اي رنا ايمتا رح تحكيلنا القصة
رنا: اوكي... لما نرجع رح احكيلكن... بدي روح اطمن ع كل المرضى صرلي يومين ما شفتهن
فرح: اوكي
رنا راحت و اتصلت ب حسام.... حسام كان مخلص فطور.. رن موبايلو و رد عليها
حسام: هلا رنوش
رنا: كنت بدي قلك صباح الخير
حسام: صباح النور
رنا: كيفك
حسام: مشتقلك
رنا:  شو مشاريعك اليوم؟
حسام: حاليا رح روح عالفرع.... و انتي؟
رنا: انا هلئ بالمشفى.... اطمنت عالكل و قلت بطمن عليك كمان... يلا معناتا ما بدي ازعجك يلا روح و كفي شغل... سلام
انتهت المكالمة
حسام بهت و قال : عم تطمني علي 🥺....يا الله اديشك حنووونة
........ انتهى البارت...........
🙂🖤🌈🌸