رواية🖤"انت كل شيء"🖤
"البارت الرابع و الخمسون"
تأليف: Rayan
فرح كانت طالعة من المشفى لتشم هوا و فجأة بتشوف حنان
فرح: خالتي؟
حنان: اوف فرح رعبتيني فكرتك رنا
فرح: ليش متخبية من رنا؟
حنان: جيتي و الله جابك.... انا كنت عم راقب رنا
فرح: ليش... انتي بتعرفي انو رنا بالغة راشدة
حنان: لك بعرف بعرف..... بس انا شاكة انو رنا واقعة بالحب قمت جيت راقب و شوف مين صهري
فرح: ما بخفي عليكي في هيك حكي
حنان: عنجد؟.... و اخيرا بنتي رح تتزوج... قوليلي شو اسمو و شو بيشتغل و احكيلي مواصفاتو
فرح: ليكي خالتي هي شغلات خاصة ب رنا لهيك انا مجبورة حافظ عليها... لسا الشب ما اعترفلها و ما صار شي بينو و بينها عم قلك بس انو ممكن تطور علاقتهن
حنان: انا شو استفدت بهالحالة؟
فرح: من ايمتا انتي هون؟
حنان: هلئ وصلت
فرح: الحمدلله يعني ما شافت رنا لما راحت مشوار مع حسام (بصوت منخفض)
حنان: قلتي شي فيفي؟
فرح: ابدا عم قول رنا هلئ مشغولة و الشغل لفوق راسها يعني مارح تواعدو بالمشفى شي اكيد
حنان: يعني هوي مو دكتور معكن؟
فرح: لاااا
حنان: يعني مو جان؟
فرح: شو عم تحكي خالتي جان صديق الطفولة يعني متل اخونا مستحيل ترتبط فيه
حنان: لازم اعرف
فرح: رح تعرفي بس مو هلئ... يلا خالتي روحي هلئ و عمليلنا اكلة طيبة لأنو بعد ساعتين رح نجي عالبيت
حنان: اي تمام تمام
فرح: هوف منيح حسيت عليها
فرح دخلت لجوا و ركضت باتجاه الغرفة يلي فيها رنا
فرح: رنااا
رنا: شو؟
فرح: تعالي شوي بدي حاكيكي بموضوع خاص
رنا: جيت... شوفي؟
فرح: رنا.. هلئ طلعت لبرا و شفت خالتي فريدة
رنا: حنان مو فريدة
فرح: نفس الشي... المهم طلعت عم تراقبك
رنا: ليش؟
فرح: ما بعرف قالتلي انو حاسستك عم توقعي بالحب قامت اجت لتراقبك و تتأكد و تتعرف على حبيبك
رنا: ولي... معقول شافتني مع حسام قبل شوي
فرح: لا الحمدلله ما كانت موجودة وقتا.. بس انا عم فكر مين قال ل امك هالحكي؟
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
