🖤 انت كل شيء 🖤

17

رواية🖤"انت كل شيء"🖤
           "البارت السابع عشر"
تأليف: Rayan

حسام وهوي قاعد عم يشرب كولا بالنادي الليلي رن موبايلو بس ما سمعو... يا ترا هية من حدا مهم
رجع حسام عالبيت.وهوي تعبان فتح موبايلو لاقى مكالمة فائتة من رقم غريب
حسام: شيه..... مين هاد يا ترا؟... رح رد الاتصال
حسام: الو
...... : اهلا و سهلا ب حسام افندي
حسام: مين حضرتك؟
.......: ههههههه... شو نسيتني يا صاحبي
حسام: زكوااان 😠
زكوان: يا عيني عليك
حسام: انت كيف بتتجرأ و بتتصل فيني و من وين جبت رقمي؟
زكوان: هي شغلتي.. بعدين مين انت ل خاف منك و ما اتجرأ و اتصل
حسام: انت واحد حقير فعلا
زكوان: هههههه......اصلا انتو هاد يلي شاطرين فيه
حسام: وين انت؟
زكوان: ما احلاني قلك ويني.. مشان تخون صحبتنا و تمسكني
حسام: اوعك تقول مرة تانية صحبتنا... نحنا قطعنا صحبتنا من 20 سنة
زكوان: والله.. خوفتني
حسام: اي رح خوفك و خوف امثالك و رح امسكك و دفعك تمن كلشي خربتو... المخدرات يلي عم تبيعها..... السرقة.... النصب و الاحتيال.... الاغتصاب..... تجارة اعضاء..... وصلت معك لهالدرجة... لك يخرب بيت قلبك ما شبعت جرايم بالناس
زكوان: هههههه... ولك الجرايم عم تمشي ب عروقي
حسام: لك بعدك شب و انت هيك كيف لما تكبر وتصير 50 سنة شو بيطلع معك؟
زكوان: ما بعرف بجوز اخترع جرايم جديدة
حسام: انقلع و لا تتصل فيني مرة تانية... تفي
سكر المكالمة
زكوان: لك هاد شو مفكر حالو.... عم يتحدى زكوان بيك بزاتو
المساعد: شو نعمل هلئ
زكوان: ولاشي بس نهايتو عم تقرب.... لك انا مالي مصدق ايمت رح اقتلو و موتو ب ايدي... ساعتا رح اعمل حفلة 7 ايام من دون توقيف..... رح ورجيه من بيكون زكوان

حسام عصب من المكالمة كتير و قال : ياربي ليش العالم مصرة تعصبني هيك..... الكل عم يستفزني بطريقة وقحة و يعصبني وانا ما عم اقدر امسك حالي.... هوووف مين بيفهمني بهالدنيا
اتشطح و نام
الصباح:
نانسي: عطيني ياها
ليلى: بس هي الي
رنا: خلص بقا انتو التنتين.... نانسي اتركي الصندويشة... انتي مالك صغيرة
نانسي: بس انا جوعانة و ما بلحق افطر
رنا: عملتلك وحدة... روحي خديها هية بالمطبخ
نانسي: لك خليلي العسل
ليلى: معناتا انا فيني روح عالمدرسة
رنا: اكيد... الله معك
فريدة: رنا
رنا: اي امي
فريدة: ايمت دوامك اليوم؟
رنا: بعد ساعة
فريدة: اي منيح
رنا: امي ليش قمتي.... خليكي متشطحة.... بدك شي؟
فريدة: لك شوبك امي..... وازا قمت... انا مالي ختيارة.... و صحتي تمام و بقدر بمشي بسهولة انا مالي معاقة
رنا: بعرف انك صبية... بس انو ما تتعبي حالك
فريدة: الشي الوحيد يلي بيخليني امرض هوي اني اقعد بالفرشة و اتمارض و انا ما فيني شي..... كلو شقفة ضغط انتو عملتوه مرض كبير
رنا: حتى ولو كان ضغط بس نحنا منخاف عليكي يا ست الكل
فريدة: ياروحي
نانسي: يلا سلام ماما... سلام رنا
فريدة و رنا: الله معك
رنا: يلا لازم جهز حالي
.............. Hussam............
حسام: ااااه يا راسي.... جسمي مكسر.........مالي مشتهي روح عالفرع اليوم...... بس هاد شغلي....... طيب خليني روح اتصبح ب وجه رنا و بعدين بروح عالفرع
قام حسام و لبس تيابو و بخ البارفان و مشط شعراتو و حط المسدس على خصرو و طلع و ركب السيارة و راح عالمشفى وصل و دخل عالمشفى و طلع على غرفة رنا ولما دخل عالغرفة شاف بنوتة حلوة كتير دايرة ضهرها و ملتهية بالوراق
حسام: رنا 😍
رنا: هاه.... حسام رعبتني.... تفضل اقعد
حسام: ههه... الله يزيد فضلك
رنا: شو بتحب تشرب؟
حسام: قهوة ☕
رنا: كيف بتحبها؟
حسام: حلوة متلك 🤤
رنا: ☺️.... تفضل
حسام: يسلموو
رنا: الله يسلمك..... خبرني لشوف ليش كل يوم الصبح عم تجي لعندي؟
حسام: عم ازعجك؟
رنا: بالعكس عم تسليني... بس في شي ببالك؟
حسام: انا بحب اتصبح ب حدا لطيف و يكون مهم بالنسبة الي... بتعرفي مهنتي مافي حدا بالفرع لطيف كلن عابسين ب وجهي
رنا: هههههه... حتى عنا
حسام: والله؟
رنا: اي.... ههههه
حسام: ههههه.... ليش عم تضحكي 😅
رنا: ضحكتني لما قلت الكل عم يزوروني و يعبسو ب خلقتي 😆
حسام: 😆😃
........ : مرحبا يا جماعة
رنا: طارق 😍🤤
طارق: كيفك رنا 😍
رنا: منيحة كتير
طارق: انا كنت مالي منيح بس لما شفتك صرت مكيف 🤤
رنا: قول والله
طارق: والله
رنا: 🙂☺️
طارق: حليانة رنا 🤤😍
رنا: تسلم ☺️
حسام بقلبو: لاااا هيك كتير وصلت معو يقطعلي حديثي مع رنا و عم يغازلها قدام عيوني و كأنو عم يستفزني..... هاد شكلو عم يحفر قبرو ب ايدو 🤯🤬
طارق: مرحبا استاز
حسام: اهلين 😒
طارق: مين حضرتك؟
حسام: انا بكون رفيقها ل رنا
طارق: يعني صديقها
حسام: لا رفيقها... غير صديقها... شكلك فهمت علي ما هيك؟
طارق: ما كتير
حسام: بيكون احسن 😏
طارق: طيب شو اسمك؟
حسام: ما بيخصك
طارق: هههههه... رنا الله يعينك شكلو عصبي كتير.... حاسسو رح يعملي فلقة😂😂😂😂
حسام: 😒😒
رنا: ههههه.... حسام دمو خفيف حب يمزح معك... ما هيك حسام؟
حسام: اي اي..... مطول الاخ؟
طارق: لا مارح طول عليكن رح روح شوف اخي يلا سلام رنوش 😘😍
حسام: شو عم يعمل هاد؟
رنا: شوبك طارق كتير حدا منيح
حسام: هاااد؟ 😒
رنا: اي
حسام: شو بيكنلك؟
رنا: بصراحة.......طارق حبيبي 🤭
حسام: شوووووو 🤯
رنا: شوبك؟
حسام: ولاشي
رنا: نحنا ما اعترفنا بالحب... بس كنا نحب بعض من لما كنا بالجامعة... كنا نحب بعض من بعيد ل بعيد... و شكلو القدر كاتبلنا انو نكون لبعض
حسام: 😶😶
رنا: شوبك حسام؟
حسام: ولاشي.. بس خبريني في شي مرة قرب و باسك؟
رنا: شو؟..... ليش ليبوسني
حسام: انو بتحبو بعض.. باسك شي؟
رنا: لا
حسام بقلبو: هوووووف فكرت انو باسك.... اي كان رح يطير عقلي
رنا: حسام وين صافن؟
حسام: معك معك... بس لازم روح عالفرع.... بعتزر ازا دايقتك... سلام
رنا: الله معك
............. انتهى البارت...............
🙂🖤🌈🌸