رواية🖤"انت كل شيء"🖤
"البارت الخامس و الاربعون"
تأليف: Rayan
بعد ما رنا دخلت عالبيت كانت مبسوطة كتير كتير و عم تغني و بتلاقي البنات قاعدين بالحديقة
رنا: هاي كيفكن بنات سهرانين شكلكن صح؟
فرح: شو؟.... انا شايفة انو روحتك على دكان امك قلبتك قلب.... ما عم اعرفك.... كيف رحتي و كيف جيتي
رنا: اي والله بتعرفي اليوم مع مين قضيتو؟
فرح نطت بهاللحظة و قالت: مين؟..... اكيد مع واحد امور
رنا: يعني قربتي مع حس
فرح: ايييي
رنا: مع حس
فرح: يلا قوليها
رنا: ام..... مع هسام
فرح: حسام مو هسام بس مو مشكلة..... قلك انو بدو يتزوجك؟
رنا: يتزوجني؟..... تضربي اديشك سريعة.... اكيد لا رحنا مشوار سري
نانسي: اوف اوف رنا اجت ومالي خبر
رنا: اهلين نانسيتي يا روحي انتي
رنا دخلت على غرفتها
نانسي: هي جنت.....راحت مكتئبة اجت عم تغني..... سكرانة شي؟
فرح: لا على حسب ما فهمت منها قابلت امير ابو عضلات
نانسي: لا هيك كتير... ل ايمتا رح تبقا تلتقي فيه هي؟
فرح: لحد ما يتزوجو 😍 و يجيبو بيبي كتكوت و بعدين بيفكرو انو يبعدو عن بعض..... الله لا يقدر
نانسي: الله يثبت علينا العقل و الدين.... وينا امي؟
فرح: بالمحل
نانسي: انا رايحة لعندها و اخلص من جنانك انتي و هية
فرح: والله ما حدا مجنون غيرك يا نانسي.... ليش في احلا من الحب.... اااه ايمتا رح يجي لعندي واحد امور و عندو عضلات و ابيضاني من حسام و يطالعني ب سيارتو الكشف و نروح مشاوير...... اوف نيالك يا رنا
....... HUSSAM.....
امير: شو حسام... شو صار معك؟
حسام: مشي الحال و نسيتها ياه
امير: عم تحكي على رنا؟
حسام: ليش في غيرها يا بغل
امير: روق روق انت دغري بتعصب.... قلي المهم كيف نسيتها ياه؟
حسام: اخدتها على الملاهي و لعبنا كتير كتير.... ووووو
امير: شو؟
حسام: صار بيناتنا بعض المواقف الرومانسية
امير: الله عليك.... قلي لشوف.... بستها؟
حسام: لا يا حيوان.... شلون بدي بوسها ازا ما اعترفتلا
امير: معناتا قلتلا انتي كتير حلوة
حسام: من يوم يومي بقلا انها حلوة بس صار شي اتقل
امير: لمحتلا؟
حسام: كنا عم نلعب فجأة تفركشت ووقعت فوقها ☺️
امير: يا سلام... قلي انشالله ما خبصتها للمخلوقة... الله يجعلو رومانسي
حسام: انت دب من يوم يومك...شو اعمل فيك؟.... ما انا حطيت ايدي حولينها و حملت تقلي يعني انا ما خبطت عليها عم تفهم
امير: ايوا ايوا فهمت يعني حملت تقلك على ايديك طيب شو عملتلا
حسام: قربت منها كتير كتير.... يعني انفي لزق ب انفها على شوي كنت بدي بوسها بالغلط
امير: لك اي قوي قلبك و عطيا ياها
حسام: اخرس ولاك قليل الادب.... انت صرت فلتان من بعد ما سافر ابوك عالضيعة
امير: هلئ ازا قلتلك بوسها صرت فلتان.... اي كل العالم لما بتحب بتبوس
حسام: بس مو بهالسهولة.... بدي حس فيها بالاول... بيجوز ما بدها ياني لأنو بعدها عم تقلي يا صديقي
امير: بسيطة حبيبي البنات كلهم هيك ما احلاها تقلك حبيبي دغري
حسام: هيك برأيك؟
امير: طبعا اسأل مجرب و لا تسأل حكيم.... انا مجرب الحب
حسام: لك نيالك اتزوجت لونا و ليكا حامل ب ولادك
امير: اي بس اديش تعزبت لحتى خليت ابوها يرضى فيني
حسام: لك انا رنا بعمرها ما جابتلي سيرة ابوها يا ترا ميت ولا شو؟
امير: ما بعرف اسألها انت
حسام: ازا كان ميت انا ما بدي اجرحها و زكرها فيه
امير: بالوقت المناسب اسألها.... بالنهاية هي حبيبتك و بيجوز تصير مرتك و ام ولادك
حسام: مظبوط
..........RANA........
رنا كانت قاعدة على سريرها وعم تفكر ب حسام و باللحظة يلي وقع فوقها و قرب منها..... رنا بعمرها ما حدا قرب منها هيك..... حست ب شعور جديد و حست انو عقلها ما عم ينسيها هديك اللحظة
رنا بقلبها: حسام كتير لطيف و حباب و مؤدب و لا مرة حسيت انو عم يتسلا فيني.... يا ترا شو بيحس تجاهي؟.... انا شو بعنيلو؟.... انا صديقة و لا حبيبة؟
انا تعبت كل يوم بسألي حالي هالسؤال والله مليت و تعبت.. خلص خليني نام بكرا عندي دوام بالمشفى
............................
في اليوم التالي:
كانت رنا بالمشفى و عم تساعد المرضى و تشجعهن و الشغل ل فوق راسها و بعد ساعتين دخلت على مكتبها و عم ترتاح فجأة بيدخل حدا
...... : كيفك يا دكتورة رنا
رنا بتلتفت لتشوف........
........... انتهى البارت..............
🙂🖤🌈🌸
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
