رواية🖤"انت كل شيء"🖤
"البارت الاربعون"
تأليف: Rayan
بعد وصل حسام رنا و رفقاتها الكل اتوجه ل بيتو و هوي مبسوط.... َرنا ركضت لعند الصبايا و خدودها حمر و عيونها بالارض و عم تضحك
فرح: رنا شو عملتو بعد ما طلعنا؟
رنا: ولا شي ابدا..... خلونا ندخل عالبيت
نانسي: استنو... ما بدنا امي تحس علينا
فرح: اي والله... لأنو طلعنا هريبة
رنا: امي بتنام بكير... هلئ بتكون نايمة لهيك فوتو
دخلو شوي شوي و بعدين كل وحدة ركضت لغرفتها.... رنا دخلت مبسوطة و طايرة من الفرح كانت عم تتزكر كيف رقصت مع حسام... كانت عم تدور بغرفتها و تضحك و بعدين رمت حالها عالتخت و تتخيل كلشي.... قامت بدلت تيابها و نامت
............................
حسام بنفس الوقت رجع مبسوط طلع على غرفتو... و صار يتزكر كيف باستو و باسها... هي اللحظة علقت براسو.... بقي؛شارد لحتى نام ب تيابو
............................
في الصباح:
فاقت رنا على صوت نانسي
نانسي: رنا قومي اجا سالم... بدو ياخدك مشوار
رنا: سالم؟.... هاد يلي اجا ل يخطبني؟
نانسي: اي يلا انزلي
رنا: اوكي فهمت يلا انقلعي
نانسي: حاضر
قامت رنا و جهزت حالها و طلعت مع سالم
رنا: ما توقعت انو تاخدني مشوار بدون موعد
سالم: اسف بس كنت مستعجل لحتى شوفك... متل ما بتعرفي امي طلبتك من امك
رنا: شو؟... ايمتا صار هالحكي؟
سالم: امبارح.... و امك ما عطت جواب... لهيك انا رح طلعك مشوار نتعرف على بعض
رنا: فكرة حلوة
......... LAİLA........
ليلى كانت مالة و ضايجة من الدراسة كتير و فجأة بتجي رفيقتها حلا
حلا: شوبك ليلى؟
ليلى: اوف طقت روحي من المدرسة.... كل يوم كل يوم دوام و دراسة و ملل
حلا: معك حق بس لازم نصبر
ليلى: طيب هلئ شو عنا؟
حلا: فيزيا.... يعني استاز فاتح
ليلى: ياربي... مو طايقتو 😩
حلا: ليش... والله الاستاز كتير منيح معنا
ليلى: الا معي.... كتير لئيم.... الله يمضي حصصو على خير
حلا: هاا... ليكو اجا... تعالي ندخل عالصف
ليلى: اوف... يلا
........ RANA.........
رنا كانت قاعدة مع سالم بالكفتيريا...وكانو عم يحكو
رنا: بصراحة انت كتير لطيف و دمك خفيف يعني بتمزح كتير.... وانا ديما بحلم بالشب يلي يكون عندو هالمواصفات
سالم: فرحتيني لأني عجبتك... لهيك انا بدي اطلب منك هالطلب
رنا: شو هوي؟
سالم طالع من جيب جاكيتو خاتم 💍 و قدملها ياه
سالم: بتقبلي ترتبطي فيني؟
رنا سكتت من الخجل وبعدين فتحت عيونها و قالت : اي
سالم فرح و لبسها الخاتم و قال: انتي هلئ خطيبتي
رنا: وانت خطيبي
سالم: انا مو مصدق لأني ارتبطت بوحدة متل جمالك
رنا: شكرا.... وانا شو بدي غير انك تكون ابن حلال و تخاف الله و تتفاهم معي
سالم: رح اعجبك
رنا: سالم انا صار لازم روح عالمشفى... رح اتأخر.... يلا سلام
قامت و راحت و بعدين اتصل ب امو وقلها : امي انا خطبتها قبل شوي و لبستا الخاتم... شو رأيك بعد بكرا نكتب الكتاب.... انا مو مصدق ايمتا تصير مرتي.... احكي مع امها... وانا رايح سلام امي
............................ حسام فاق الصبح و قام من تختو واول شي فكر فيه هوي رنا... نظر للساعة و قال: هلئ رنا بتكون بالمشفى... بدي قو روح لعندها... اشتقتلا كتير
قام و غسل وجهو و فرشا اسنانو و لبس اللباس المعتاد عليه و بخ بارفان و مشط شعرو و حط مسدسو على ضهرو و النضارات الشمسية على عيونو و طلع
و لما وصل دخل عالمشفى و كانو كل الممرضات عم ينظرولو و شاردين بجمالو و جمال عضلاتو... لما شافتو فرح ركضت لعند رنا و خبرتها.... رنا قامت و راحت لتستقبلو
حسام: صباح الخير رنوش
رنا: صباح النور حسام
حسام: كيفك اليوم.... انشالله مبسوطة ؟
رنا: الحمدلله
حسام: شو رأيك اليوم نروح و نحضر فلم؟
رنا: اي ليش لأ
حسام كان عم يوزع نظراتو عليه كلها و فجأة انتبه للخاتم يلي ب ايدها
حسام: حلو هالخاتم.... ما كان امبارحة على ايدك
رنا: انا اليوم انخطبت
حسام حدق بعيون رنا و كانت نظراتو الها متل نظرات الطفل الصغير لما بيبكي
وبعدين رجع لوعيو و قلا: هاد يلي اجا و شافك من اسبوع؟
رنا: اي
حسام: شو اسمو؟
رنا: سالم
حسام: شو بيشتغل؟
رنا: ب ورشة خياطة
حسام: عندو عضلات متلي؟
رنا: هههههه... لا ضعيف ما عندو عضلات بنوب
حسام: على كل حال مبروك.. بتمنالكن التوفيق و السعادة بحياتكن
و التفت و دار ضهرو ليروح و كانت عيونو عم تدمع.... و كان عم يحط ايدو على راسو و يمسح شعرو من الصدمة يلي اكلها
......... انتهى البارت.............
🙂🖤🌈🌸
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
