رواية🖤"انت كل شيء"🖤
"البارت الخامس عشر"
تأليف: Rayan
حسام راح عالفرع و هوي معصب كتير كتير و صار يتفشش بكل حدا بيطلع بوجهو
رفس باب مكتبو بقوة و خبطو و بعدين دخل عالكرسي
حسام بقلبو: شوبني انا ليش هيك عصبت... معقول كون غيران...... بس انا ما بحبا ل رنا انا معجب بس و بعدين انا صديقها يعني متل اخوها و مافي شي بيناتنا... هووف خلص خلص خلص خلص خليني انسى الموضوع بقا
دخل امير و سكر الباب وراه و قعد
امير: لك حسام شوبك.... ليش الشر طالع من بين عيونك و ليش هيك معصب... احكيلي
حسام: ولاشي يمكن كون متوتر
امير: يمكن ههه.. اكيد... احكيلي يا زلمة انا اخوك
حسام: خلص امير بتعرفني ما بحب حدا يلح علي انو احكي... هلئ خبرني كيف الشغل... زكوان ما عم يعمل مشاكل؟
امير: زكوان لهلئ ما عم توصلنا اخبارو.... معقول يكون تاب؟
حسام: أعوذ بالله مستحيل
امير: بس هاد بعمرو ما هدي متل هلئ
حسام: وحياتك رح يرجع لمشاكلو.... خبرني كيف المراقبة؟
امير: تمام التمام... الامور ماشية و مافي مشاكل.... مسكناهن بالايد يلي بتوجعهن
حسام: اي..... يارب نمسكو و ننتصر عليه بقا
امير: انشالله
حسام: امير ازا خلصت حكي من بعد ازنك طلاع و اتركني لوحدي
امير: رح اطلع اساسا انت كل يوم ب مراق شكل
طلع امير و ترك حسام
حسام صار يفكر ب زكوان والايام الحلوة يلي عاشوها مع بعض
1990:
حسام: زكوان شو عم تعمل هون؟
زكوان: كنت عم ادخن... تعبان و جاي ع بالي اتفشش ب شي
حسام: بس نحنا صغار عالدخان... مو منيح النا
زكوان: حل عني بدي اروق انا
حسام: الله يصلحك
.............
زكوان: لك يؤبرني يلي خلقك
حسام: شو عم تعمل زكوان... عيب تلطش البنات.... هالشي يلي عم تعملو غلط
زكوان: هوهو علينا هلئ انا ازا عطست انت رح تحاسبي.... بنت و مدحت جمالها و صار يعني... ما خربت الدنيا
حسام: زكوان انت ليش هيك صاير.... تصرفاتك كلها متغيرة صايرة سلبية... وين زكوان رفيقي و صاحبي و توأم روحي
زكوان: اي انت خروق و معتبر كلشي بعملو غلط... حل عني
امير: اتركو اتركو هاد من يوم يومو هيك
حسام: بس زكوان ما كان هيك كان شخص كتير منيح... مالك شايفو عم يدخن و يلطش البنات و مرة تحرش ب بنت... هي اسمها قلة ادب و قلة شرف
امير: فهمان عليك... بس شو طالع ب ايدنا نعمل
حسام: معك حق
.................
زكوان: حسام
حسام: شو ابو الزيك؟
زكوان: شو رأيك نطلع مشوار مع بنات؟
حسام: بنات؟
زكوان: لك اي...... خلينا نتسلا
حسام: بشو بدنا نتسلا؟
زكوان: فيهن
حسام: زكوااان 😠
زكوان: اييي شو حكينا يعني
حسام: لااااا انت كتير متغير..... انت كنت مؤدب كتير.... مالك ملاحظ انك عم تفلت
زكوان: ازا ما عجبك روح... ما حدا ضربك على ايدك و طلب منك تكون صاحبي
حسام: لك زكوان انا رفيقك من صف الاول بالابتدائي... من ايمتا كنت هيك تقلي؟
زكوان: سيدي زمان اول تحول
حسام: ما بيناسبني اقعد مع واحد بيفكر بهالطريقة
.................
حسام راح لعند زكوان
حسام: هووف انشالله يكون بالبيت
دق الباب...... فتحتلو بنت
حسام: مين انتي؟.... شو عم تعملي ب بيت رفيقي؟
البنت: انت يلي مين؟
حسام: بعدي من وجهي
دخل حسام عالبيت و شاف قناني الكحول عالطاولة و زكوان قاعد و سكران و ضامم بنات و عم يضحكو
حسام: ولاك... شو هاد يلي عم تعملو يا وسخ..... قومي وليك انقلعي انتي وياها
حسام قلع البنات ل برا البيت... و دخل يضرب زكوان كفوف و يحاول يوعيه لأنو سكران
حسام: زكوان رد علي... ليش هيك يا صاحبي... ليش عم تشرب و تجيب بنات عالبيت.... اصحى اصحى و رد علي
زكوان: مممين انننت؟
حسام: ولك انا رفيقك
زكوان: انقلع من بيتي
حسام طلع و هوي ما عم يستوعب يلي صار و من وقتا ترك زكوان و ما عاد يقرب منو
الحاضر:
حسام بقلبو: اوووووو شو هلئ زكرني بالماضي الوسخ يلي عشتو مع زكوان... عنجد اديش ندمت لأني رافقت واحد وسخ..... هلئ خلينا ب طارق افندي يلي التقا ب رنا اليوم الصبح... يا ترا شو اعمل... هوووووف اديش صعب التفكير بهيك مواضيع 😩... لازم اعمل شي
............. انتهى البارت................
🙂🖤🌈🌸
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
