رواية🖤"انت كل شيء"🖤
"البارت الثاني و الاربعون"
تأليف: Rayan
في الصباح :
فاق الكل.... رنا فاقت و قامت من سريرها و نزلت لتحت لتشوف امها وهية عم تحضر الفطور
فريدة: هااا.... فاق العسل
رنا: صباح الخير امي
فريدة: صباح النور يا روحي
رنا: امي.... شو عم تعملي؟
فريدة: عم حضر الفطور
رنا: جاية ساعدك
فريدة: بالمناسبة مبروك الخطبة يا قمر... خبرتني حماتك
رنا: الله يبارك فيكي
فريدة: بس لازم تجهزي حالك بكرا.... لأنو عريسك رح يكتب كتابو عليكي
رنا: بهالسرعة... بين يوم و ليلة
فريدة: اي شوفيها امي.... مو انتي بدك ياه و هوي بدو ياكي... لازم تفرحي
رنا: بس يا امي انا ما لحقت اعرفو منيح
فريدة: اي مو مشكلة بتعرفيه بعد الزواج
رنا: طيب.... سالم بيضل انسان طيب يلي انا ارتحتلو.....انشالله يصير نصيب
فريدة: اي طبعا... قال طار عقلو عليكي
رنا: لهالدرجة انا حلوة
فريدة: لك طبعا.... بدون شك
نزلو الصبايا
فرح: صباح الخير فرودتي
نانسي: صباح الخير امي
فريدة: اهلا يسعدلي هالصباح
فرح: يا سلام الفطور جاهز.... منين بدنا نلاقي متلك يا فرودة
فريدة: هههه.... مو لهالدرجة... خجلتيني.... يلا قعدي و كلي و عطيني رأيك يا ام راس احمر
فرح: تكرمي
رنا: انا خايفة فيفي تاكلنا شوي تانية
ضحك الكل
فرح: جوعانة... بدي ملي بطني... تركوني بحالي
فريدة: فيفي يا قلبي انتي ما تزعلي... بعدن اطفال ما كبرو
رنا: امي هلئ نحنا اطفال؟
فريدة: رح تضلو بعيوني اطفال مهما كبرتو.... يلا تعالو كلو مع فيفي... قبل ما تخلصلكن الصحون
............................
........ : كيفو
....... : ماشي حالو سيدي
حسام: عم تراقبو؟
الضابط: نعم سيدي
حسام: شو عم يعمل؟
الضابط: سيدي عم يروح على ورشتو... وما عم يدايق حدا... قلبو طيب
حسام: طيب عم يروح على بيت الدكتورة؟
الضابط: حاليا ما راح... بس سمعتو وهوي عم يحكي مع امو
حسام: شو قلا؟
الضابط: قلا انو هوي مستعجل و بدو بكرا يصير هالشي
حسام: ما حاولت تعرف شو هالشي؟
الضابط: سمعت عم يقول كتب كتاب... غير هيك ما سمعت
حسام: شكرا الك.... انت فدتني كتير... فيك تروح و تبقى عم تراقبو
الضابط: احترامي سيدي
حسام بعت على امير ليجي لعندو.... بعدين دق الباب و دخل
امير: خير حسام.... قلي الضابط انو بدك ياني
حسام: مظبوط.... انا كنت بدي قلك انو حطيت ضابط ليراقب كل تحركات سالم خطيبها ل رنا.... و قلي انو سمعو عم يقول انو بكرا كتب الكتاب
امير: اوووووووو..... مصورخ
حسام: ما بعرف منين اجتنا هالقصة.... لسا قبل امبارح ما كان صاير شي
امير: طيب ماشي... شو ناوي تعمل؟
حسام: في براسي خطة..... و رح نفذها... و بدي مساعدتك انت و سامي
امير: و نحنا معك
حسام: يلا روح على مكتبك
............................
RANA
فرح: شوبك نانا مو على بعضك؟
رنا: يعني كيف رح كون على بعضي ازا بكرا كتب كتابي على شخص ما صرلي اسبوعين بعرفو
نانسي: شو ؟
فرح: والله معك حق... صعبة
رنا: المشكلة انا مقتنعة... ومالي مقتنعة
فرح: نانا... لازم تعرفي منيح انو نحنا جنبك... لو شو ما صار... ها جان عم يرنلي.... يلا خلينا ننزل
جان: صباحو يا صبايا... كيفكن.... كيفك يا انسة نانسي
نانسي: منيحة... انت كيفك
جان: الحمدلله..... خلينا نوصلك معنا
نانسي: لا طريقي غير طريقكن
جان: طيب متل ما بدك... يلا طلعو انتو
............................
LAİLA
ليلى: هوف انا تعبانة كتير... ما صدقت لحتى انصرفنا
حلا: يلا بكرا ما بتحسي الا و خلصنا بكالوريا
ليلى: انشالله
حلا: ليكي مين عم ينطرك
ليلى: زكوان..... يا ربي هاد علقني
زكوان: ليلى
ليلى: نعم شو بدك مني؟
زكوان: فينا نحكي على انفراد.... خليني فهمك القصة بالتفصيل
ليلى: اسمع يا خاين.... انت خنتني... وانا مالي شغل مع الخونة اي
زكوان: وقفي يا ليلى بترجاكي... انا بحبك
ليلى: قول هالكلمة للزعرة يلي كانت معك
فاتح كان واقف عم ينظر ل ليلى و زكوان من بعيد
حلا: ليلى الاستاز فاتح عم يطلع عليكي
ليلى: زكوان هاد استاز الفيزيا بترجاك اتركني.... انا وياه اعداء بكرا بيشكيني للادارة..... اتركني زكوان اتركني
زكوان شد ليلى لعندو
ليلى: بعد عني.... اصحك تفكر تعيد هالحركة والا رح يصير شي مارح يعجبك
ليلى راحت و تركت زكوان... اما فاتح بقي عم يطلع عليهن من بعيد و بعدين مشي
......... RANA........
رنا كانت بالغرفة عم تأشرف عالمرضى.... فجأة بيجي سالم لعندها عالمشفى
سالم: صباحو دكتورتي
رنا: سالم انت شو جابك لهون؟
سالم: جيت صبح على خطيبتي
رنا: ما توقعت جيتك
سالم: انزعجتي؟
رنا: لا اتفاجئت
سالم: امك خبرتك ما هيك؟
رنا: اي بس مو ملاحظ انو استعجلنا
سالم: احسن ما بدي نتزوج بالشتا
رنا: بس بين يوم و ليلة خطبنا و بكرا رح نكتب الكتاب.... شو هاد؟
سالم: قوليلي هلئ انتي رضيانة فيني؟
رنا: اي
سالم: خلص مو مهم غير انو رضيانين ببعض.... ما بدي اتأخر على ورشتي سلام
رنا: الله معك..... مو مصدقة انو هالزلمة رح يصير زوجي
............................
HUSSAM
حسام قاعد بمكتبو... بتجيه مكالمة من الضابط
حسام: الو شو صار معك؟
الضابط: سيدي راح لعند الدكتورة و قابلها و هلئ طلع من المشفى
حسام: شو؟.... منيح خبرتني... يلا استمر... سلام
حسا بقلبو: هاد شو عم يعمل عندها... يا ترا شو عم يقلا.... ينعن حظي
........... انتهى البارت..............
🙂🖤🌈🌸
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
