🖤 انت كل شيء 🖤

32

رواية🖤"انت كل شيء"🖤
       "البارت الثاني و الثلاثون"
تأليف: Rayan

بعد يلي صار... رنا اتوترت كتير و صارت قلقانة ع يلي صار ب حسام و المشكلة انو الخطابين وصلو بالوقت الغلط..... دخلت رنا عالمطبخ و ايديها عم يرجفو من كتر القلق و عيونها تشرد في كل لحظة كانت مو مركزة و هية بتعمل القهوة... دخلت فرح و صارت تساعدها
فرح: *رنو شوبكي..... خلص لا تتوتري... هلئ بيرجع بيتصل لا تاكلي هم*
رنا: *مابعرف شو صرلي يا فيفي.......حاسة حالي مو وعيانة ع يلي عم يصير بنوب*
فرح: *خلص انتي روقي هلئ...... وانشالله ما بيصير الا كل خير.... بس انتي قوليلي شو صار*
رنا: *كنت انا وحسام عم نحكي طبيعي و فجأة بسمع صوت خبطة و عاد يرد حسام وقتها*
فرح: *ايوااا... طيب روحي على بيتو*
رنا: *المشكلة يا فيفي اني ما بعرف عنوان بيتو....الشي الوحيد يلي ما بعرفو*
فرح: *هووووف مسكرة*
رنا: *وهلئ شو رح اعمل*
فرح: *بتطلعي و بتضيفي القهوة و بتقعدي طبيعي لوقت ما يروحو ساعتها رح نفكر ب حل*
رنا: *ماشي*
........ '''HUSSAM'''
سامي كان عم يطلع ع الدرج لعند غرفة حسام
سامي: *حسااام.......لك تعال عملت فطور..... شو بعدك نايم...... تأخر الوقت*
سامي فتح باب غرفتو ل حسام.... و بيشوف حسام وقعان عل ارض
سامي: *حسام... قوم شو صرلك... حسام عم تسمعني... بترجاك قوم*
حسام: *اااااااخ*
سامي: *عم تسمعني يا روحي*
حسام: *اااااخ*
سامي: *سلامتك..... يلا قوم معي*
سامي ساعد حسام بالمشي و قعدو عل كنباية... و حسام صار يسعل
سامي: *يلا يلا رح جبلك كاسة مي*
حسام: *كح كح كح*

سامي راح بسرعة و جبلو كاسة مي ل حسام و شربو ياها و بعدين سامي اتصل ب امير و خبرو بالشي يلي صار
امير: *شو عم تقول... يلا جاية بسرعة*
سامي: *اي و جيب معك دواء مشانو......حسام كتير تعبان ولحد هلئ ما نطق ب كلمة... بس قال اااخ*
امير: *يلا سامي لا تخوفني اكتر من مالي خايف... يلا انا عم سوق السيارة.....10 دقايق و بكون عندكن*
سامي: *ناطرينك*
سامي: *اي حسام خود نفس...... قلي ب شو حاسس*
........ '''RANA'''.........
رنا طلعت لحتى تضيف قهوة للضيوف
رنا: *يا اهلا و سهلا*
الحماية: *اهلين تؤبري قلبي*
حازم العريس صار يطلع ب رنا بنظرات دقيقة... عيونو ما فارقتها... رنا عصبت بالاول بس بعدها تقبلت القصة... اجت رنا لحتى تضيف حازم القهوة... حازم ما نظر للقهوة ابدا كان بس بينظر ل رنا و بعدين انحرقت ايدو بالقهوة... رنا ضحكت بصوت واطي و هوا صار يضحك من الاحراج.... رنا قعدت
حازم: *والله يا دكتورة ما اتغيرتي*
رنا: *اي بس انت شفتني من اسبوعين يعني مو من سنين*
حازم: *بعرف بس كنت موجوع و ما اتأملت جمالك الساحر متل هلئ*
رنا: *يعني اتغيرت*
حازم: *لا.... انتي متل ما انتي حلوة*
فريدة فرحت على كلام حازم... وفرح قلقانة على رنا... كانت رنا تبتسم بوجه الضيوف لكن لما تلتفت كانت نظراتها نظرات قلق و حزن
..........'''HUSSAM'''...........
امير وصل و صار يركض باتجاه سامي و حسام
امير: *خير خير حسام شو صار معك*
سامي: *وين الدوا*
امير: *ليكو... خدو و روح ع المطبخ دوبو بالشوربة و تعال*
سامي: *يلا*
امير قعد جنب حسام و صار يفركلو ضهرو و جسمو
امير: *انا بعرفك كتير منيح يا حسام..... وبعرف انو هالحالة نادرة ما تصير معك......هي العادة بلشت معك من لما ماتو امك و ابوك.... وقتا اجاك الخبر و انت وقعت عل ارض......ومن زمان ما صار هيك معك.... قلي لشوف شو سمعت خبر لحتى هيك صار معك*
حسام: *امير انا حاسس حالي مخنوق* 🥺
امير: *ليش.... طيب احكيلي*
حسام: *المشكلة انو انا ما بعرف ليش*
امير: *كيف يعني*؟
حسام: *كل يلي بعرفو اني تعبان كتير*
امير: *خلص لا تزعل*
.........'''RANA'''.........
بعد مرور ساعتين راحو الضيوف من عند رنا.... رنا راحت هية و فرح لغرفة رنا
رنا: *شو لازم اعمل*؟
فرح: *اجتني فكرة*
رنا: *شو هية*؟
فرح: *انتي ما عندك رقم حدا من رفقاتو*؟
رنا: *عندي رقم رفيقو امير*
فرح: *يا عيني عليكي.... دغري اتصلي فيه و اسأليه عن حسام*
رنا: *لك الله لا يحرمني منك يا ام الافكار*
رنا اتصلت ب امير

امير و حسام قاعدين جنب بعض و عم يتحادثو و بيرن موبايل امير
حسام: *مين*؟
امير: *رقم غريب*
حسام: *ورجيني.... لك هاد رقم رنا*
امير: *الدكتورة*؟
حسام: *لك اي*
امير: *من وين جابت رقمي*؟
حسام: *انا عطيتها ياه امبارح مشان تتواصل معها بخصوص حبل مرتك*
امير: *ايوا*
حسام: *لك رد هلئ بتفصل*
امير: *الو*
رنا: *مرحبا امير... انا بكون الدكتورة رنا*
امير: *اهلين رنا*
رنا: *من طبعي انو ما بحب المقدمات بنوب لهيك رح فوت بالموضوع يلي اتصلت فيك مشنو*
امير: *تفضلي*
رنا: *امير... بصراحة انا من قبل ساعتين كنت عم احكي مع حسام و فجأة ما عاد يرد علي و سمعت صوت خبطة.... وانا قلقت عليه كتير... والمشكلة اني ما بعرف عنوان بيتو.... المهم... بتعرف شو صار مع حسام.... بعرفك صديقو المقرب*
امير: *لا تاكلي هم رنا حسام كتير منيح*
حسام اخد الموبايل من ايد امير
حسام: *رنا انا منيح*
رنا: *حسام* 🤤
حسام: *لا تقلقي علي... رح اشوفك المسا و كمان بدي اخدك مشوار صغير*
رنا: *ماشي*
حسام: *يلا سلام*
انتهت المكالمة
امير: *ايوا كنت عم تحكي مع رنا.... انا فكرت انو اتصل فيك زكوان و حكى كلام بيهز البدن*
حسام: *لا زكوان ما عم اسمع عنو شي بهالفترة.... كان قبل ما يتركنا في حالنا*
امير: *طيب قلي شو قالتلك السندريلا*؟
حسام: *ولا شي... موضوع خاص*
دخل سامي و معو الشوربة
سامي: *وهي احلا شوربة ل احلا حسام*
حسام: *يسلمو... ليش عزبتو حالكن والله انا ما فيني شي بس تعبت قبل شوي بس هلئ انا منيح*
امير: *اي زيادة الخير خير*
........ انتهى البارت..........
🙂🖤🌈🌸