رواية🖤"انت كل شيء"🖤
"البارت الثاني و الخمسون"
تأليف: Rayan
نانسي عملت القهوة ل جان و لما اجت لتدخل على غرفة المدير اخدت نفس و دخلت
لما دخلت جان صار ينظرلها نظرة اهتمام و قال: يسلم هالايدين
نانسي: الله يسلمك
و قربت نانسي ل جان مشان تسلمو القهوة و جان صار يدقق نظرو عليها و نانسي كانت عم تنظر للارض من الخجل و بعدين طلعت نانسي من الغرفة
شادي: شو جان.... شايف انو في بينك و بين نانسي تناغم كبير و لا انا غلطان
جان: بصراحة انت مالك غلطان انا كتير معجب بهالبنت و هي بتكون اخت رفيقتي رنا
شادي: كمان اختا ل رنا؟
جان: اي ما انا عرفتا بسبب رنا
شادي: يعني ناوي تخطبها؟
جان: لا شو خطبة انا معجب بس
شادي: هههههه.... خجول من يوم يومك
جان: 😁
........... H&R.........
حسام وصل رنا عالمشفى رنا كانت عم تفكر هية و حسام
حسام: رنا
رنا: شو؟
حسام: ما بدي ياكي تنزعجي... اذا بدك بعد ما تخلصي دوام منروح مشوار و بتحكيلي القصة
رنا: انا مالي مزعوجة بس هاد موضوع قديم و هلئ عم اتزكرو.... انا انصدمت كتير
حسام: خلص ما تاكلي هم طول ما انا جنبك
رنا: تمام... رح انزل
حسام: ب حمى الله
رنا دخلت للمشفى ولما طلعت بالمصعد صارت تفكر
رنا: انا بثق ب حسام... ليش انا خايفة.... بس انا ما بدي ورط حسام... ما بدي ياه ينأذى بسببي.... انا بخاف عليه متل ما هوي خايف علي
طلعت رنا من المصعد لتشوف فرح قدامها
فرح: اهلا و سهلا رنا خانوم
رنا: اهلين فيفي
فرح: على اساس كنتي بالمشفى و جيت ما لاقيتك
رنا: رحت عالمطعم اتغديت و جيت
فرح: اقتنعت.... خير نانا ليش زعلانة؟
رنا: انا زعلانة؟.... لا مالي زعلانة انا منيحة.. بس انا تعبانة و مرهقة
فرح: لحظة شو هاللزقة يلي على جبينك.... رنا شو صار معك؟
رنا: و لا شي فيفي كل القصة انو امبارحة انطرقت بالخزانة على جبيني و انجرحت شوي
فرح: انشالله ماعم يوجعك؟
رنا: لا كلو جرح صغير
فرح: تمام
رنا: وينو جان؟
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
