رواية🖤"انت كل شي ء"🖤
"البارت التاسع و الاربعون"
تأليف: Rayan
رنا رجعت عالبيت بعد ما شافت ابوها.... كانت منهارة تماما و تعبانة راحت و دخلت على غرفتها و رمت حالها عالسرير و نظرت للسقف و هية بتفكر بحل شغلة عم تصير معها فتحت موبايلها و صارت تتفرج على صورها و بالصدفة طلعت صورتها مع حسام.... بدأت تتفرج عليها و تتفرج على نظرات حسام بالصورة ابتسمت لا اراديا بعدين سكرت الموبايل و بدأت تفكر ب حسام و كل ما تفكر فيه تنسى الهم
...... HUSSAM......
حسام معصب بعد المشكلة يلي عملها زكوان بس ايديه مربطة و مو عرفان شو يعمل.... بعدين دخل امير عليه
حسام: طمني امير شو صار معك؟
امير: حكيت مع الزلمة و حققت معو
حسام: و شو قال؟
امير: قال انو لما كان رح يسكر الدكان هجمو عليه تنين زلم و ضربوه على راسو
حسام: يا حرام و بعدين
امير: بعدين نبتو عصابة كبيرة و دخلو عالدكان كسروه و كسرو البلور و سرقو الغلة و ما عافو شي على حالو
حسام: يخرب بيتن.... طيب ما اتعرف على شكلن؟
امير: قال انو كان ليل و الدنيا عتمة ما شاف وجهن
حسام: ليش هيك عم يصير معنا؟
امير: روق اخي هدول عم يعملو هيك كرمال يعصبونا
حسام: نفسي يقتلوني الي و ياخدو بتار ابوه ل زكوان مني انا بس مو يقتلو الناس و يأزوها
امير: معك حق... عمليات البحث شغالة و لحد هلئ الشباب ما هدو
حسام: كويس خليهن مستمرين
......... RANA........
فرح خلصت دوامها بسرعة و رجعت عالبيت لعند رنا... دخلت على غرفتها
فرح: رنا شوبك حبيبتي؟
رنا: فرح شو جابك هلئ؟
فرح: خلص دوامي.... احكيلي شو صاير معك؟... ليش ما جيتي عالمشفى؟
رنا: ااااه؟..... اي اتفركشت عالطريق و ما قدرت كمل رجلي عم توجعني
فرح: بس لما حاكيتيني عالموبايل ما كنتي موجوعة كنتي تعبانة
رنا: وقتا كانت رجلي هديانة بس هلئ عم توجعني
فرح: ورجيني ياها...... رنا ما تخبي علي... رجلك مو صايرلا شي
رنا: فرح انا تعبانة
فرح: احكيلي يا عمري
رنا: رح احكيلك بس مو هلئ بس ارتاح
فرح: طيب روحي لما ترتاحي خبريني
رنا: اوعك تقولي ل امي انو ما جيت عالمشفى... تمام؟
فرح: تمام
و بعد مرور اسبوع من دون ازعاج:
حسام فاق الصبح اتصل ب رنا......
حسام: صباح الورد و الفل و الياسمين
رنا: اهلين حسام صباح النور
حسام: شو عم تعملي؟
رنا: انا رايحة عالمشفى
حسام: امممم... طيب شو رأيك اليوم نلتقي؟
رنا: اممم... بس اليوم ما بيخلص دوامي ل الليل
حسام: مو مشكلة بجي باخدك
رنا: تمام عالساعة 9
حسام: ماشي... سلام
رنا: سلام
.......
فرح: شوبك عم تبتسمي؟
رنا: اليوم رح نلتقي انا و حسام المسا
فرح: يا سلام.... اديش حلو العشق؟
رنا: مين جاب سيرة العشق؟
فرح: انا
رنا: اي يلا هلئ لازم نمشي
فرح: لحظة بس اليوم انتي رح تنصرفي الساعة 9 يعني بعدي... شلون رح تلتقو؟
رنا: رح يجي و ياخدني من المشفى و نروح
فرح: يا سلام.... معقول صار وقت الاعتراف؟
رنا: اعتراف؟... اعتراف شو؟
فرح: و لا شي ابدا
رنا: يلا اجا جان خلينا نمشي
و بعد ما صارت الساعة 8:30 المسا:
كانت رنا عم تتحضر و تتجهز ل يجي حسام و ياخدها
و حسام كمان واقف قدام المراية و عم يلبس
و لما صارت الساعة 9 رنا طلعت لبرا المشفى و كانت عم تنظر يمين و يسار و عم تدور على حسام.... و من بعيد كان في سيارة سودة و بقلبها رجال غامض
...... : صار وقت الانتقام يا رنا
رنا اتصلت ب حسام
رنا: الو حسام وينك؟
حسام: يلا انا دقيقة و بكون عندك
..... : الوداع يا رنا
رنا من دون ما تحس بتجي سيارة سودة و بتدعسها..... رنا بتوقع عالارض و بتغيب عن الوعي و بينزل من راسها دم
حسام: الو رنا وينك.... شو هالصوت..... رنا رنا رنااااا
......... انتهى البارت...........
🙂🖤🌈🌸
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
