رواية🖤"انت كل شيء"🖤
"البارت الثالث و الاربعون"
تأليف: Rayan
في اليوم التالي:
فاقت رنا و هية متوترة.... مافيها تستوعب انو اليوم رح تصير متزوجة
رنا بقلبها: ياربي شو اعمل..... ليش انا وافقت عالخطبة ليش..... انا غبية كتير.... كيف انخطبت بهالسهولة وانا ما بعرف شي عنو غير انو خياط و فقير
دخلت امها عالغرفة و هية عم تقول: صباحو يا عسل... يا عروستي الامورة.... شوبك روحي... ليش متوترة؟
رنا: امي.... انا حاليا بموقف لا يحسد عليه...... انا رح اتزوج هيك.... انا كنت بحلم اتزوج عن حب.... كيف صارت هالقصة؟
فريدة: بس يا نانا انتي وافقتي
رنا: ما بعرف انو لهالدرجة انا جحشة لأني وافقت.... كأنو روح لبستني بهديك اللحظة
فريدة: يا روحي انا فهمانة عليكي... انتي مالك متعودة على الارتباط لهيك انتي محبطة.... نصيحتي الك خليكي ريلاكس
رنا: طيب رح حاول
فريدة: يلا يا امورة قومي و غسلي وجهك و حضري حالك... صارت الساعة 1... اليوم فقتي متأخرة
رنا: اي لأنو امبارحة ما نمت الليل من التفكير
فريدة: متل ما قلتلك خليكي مرتاحة
رنا: طيب ماشي رح قوم و جهز حالي
............................
HUSSAM
حسام بهاللحظة كان قاعدة ب سيارتو و عم يعض اصابعو و يشرد.... و يفكر... كيف رح ينهي هالقصة.... لكن ما قدامو غير حل وحيد.... غير هيك مارح يطلع معو شي..... اتصل ب امير و سامي
حسام: شباب.... يلا تعالو لازم ننفذ بسرعة.... الوقت ما بدنا نضيعو
امير: طيب ليكنا جايين
حسام: ما تنسو مسدساتكن
سامي: اكيد مارح ننساهن... نحن رجال الشرطة... ما منطلع من دون مسدس
حسام: يلا بسرعة... ناطركن
.....................
حسام: كل يلي بتمناه انو ما نوصل متأخرين
............................
سالم كان مبسوط كتير و لابس احلا لبس عندو.... و عم يشوف حالو عالمراية... دخلت امو و قالت: ما شاء الله....طالع بتجنن.... رنا لما تشوفك رح تنبسط كتير
سالم: امي انا مو مصدق حالي.... عم فكر انا روح قبل و بعدين انتي و ابي بتجو و معكن الشيخ ليكتب كتابنا
امو: كمان بصير تؤبرني.... رح احكي مع امها
............................
وفي المساء: الساعة 6
رنا جهزت حالها و لبست فستانها و حطت الماكياج و كانت فرناحة و زعلانة بنفس الوقت... مشاعرها ملخبطة
............................
سالم كان جاية و معو بوكيه ورد 💐...و مبسوط كتير لكن بعد ما وصل لبيت رنا بيجي حدا و بيضربو على ضهرو...... سالم ارتعب و لما التفت شاف رجالين وراه
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
