رواية🖤"انت كل شيء"🖤
"البارت الثالث و العشرون"
تأليف: Rayan
كانت رنا عم ترتب البيت و فجأة دق الباب راحت و فتحت الباب
رنا: اهلا وسهلا
الضيفة: شلونك تؤبريني
رنا: منيحة خالة.... بس ممكن تزكريني مين انتي؟
الضيفة: معقول نسيتيني... ما صرلنا اسبوع شايفين بعض
رنا: ما تواخذيني نسيت.... جلّى من لا ينسى 😅
الضيفة: انا امو للشب يلي عملتيلو العملية من كم يوم
رنا: ايواا.....اهلا و سهلا.... شلون صار ابنك؟
الضيفة: متل الحصان.... رح نضل واقفين عالباب؟
رنا: يبعتلي حمى نسيت ادخلك... تفضلي
الضيفة: يسلمو
رنا: و انتي مين بتكوني؟
الضيفة 2: انا بكون اختو
رنا: اهلا و سهلا تشرفنا.... بس ممكن اعرف شلون جبتو عنوان بيتي؟
الضيفة: يلي بيسأل ما بيضيع يا بنتي
فريدة: السلام عليكم
الضيفة: و عليكم السلام ورحمة الله وبركاته..... اهلين
رنا: بعرفكن امي.... امي بعرفك هدول اهل المريض يلي عملتلو العملية من كم يوم
فريدة: يا اهلا وسهلا.... يامو قومي عمليلنا عصير البرتقال
رنا: حاضر
فريدة: الله يرضى عليكي
الضيفة: اي يا ام رنا... بما انو راحت رنا عالمطبخ....خلينا ندخل بالموضوع
فريدة: تفضلي
الضيفة: الحقيقة ابني سالم شخص كتير مؤدب و واثق من نفسو و عم يشتغل و عين الله عليه.... بعد عمل هالعملية يلي عملتلو ياها بنتك الله يسلمها صار متل الحصان... كان مرضان شوي... بعد ما رجع كويس و صار احسن قلت لازم جوزو لأنو كبر ما شاء الله... و انا سألتو في وحدة ببالك؟.... قلي يا امي الدكتورة يلي عملتلي العملية عجبتني كتير و رايدها بالحلال.... فنحنا جايين نطلب ايد رنا و منتمنى ما تردونا خايبين
فريدة: يا اهلا وسهلا.... بس لازم نشاور البنت.... ما لازم نجوزها و هية مو رضيانة
الضيفة: خدو وقتكن
دخلت رنا و معها كاسات العصير و ضيفتن و قعدت.... و الضيفة صارت تتأملها و تطلع فيها
رنا بقلبها: يا ترا شو بدها... اكيد ما جابتلنا حلوان شفاء ابنها بس ليش عم تطلع فيني هيك....معقول بدها تخطبني... ما بعرف الله اعلم
الضيفة: اي يا عمري كيف المشفى معك... انشالله مبسوطة
رنا: كتير مبسوطة انا
الضيفة: الحمدلله... يلا يا جماعة عن ازنكن ما بدنا نطول... وبكرا راجعين
فريدة و رنا: الله معكن
وودعوهن و راحو
رنا: هووووف... شو بدها هي؟
فريدة: بدها تزوجك ل ابنها
رنا: هاد يلي متوقعتو
فريدة: اي يامو ايمتا رح شوفك عاروس و شوف ولادك
رنا: بتشوفيهن بس مع الشخص يلي بحبو
فريدة: هلئ بكرا رح يجو
رنا: بكرا عندي دوام ماما
فريدة: اعتزري يامو هي الشغلة اهم من الشغل
رنا: ما بعرف
و بيدق الباب.. فتحت رنا
فرح: بخخخخ هادا انا
رنا: اهلين فروحة تعالي
فرح: ايي اليوم المشفى مو حلو من دونك
رنا: تسلمي
فرح: حزري مين اليوم سأل عليكي
رنا: حسام ☺️
فرح: لا حبيبك
رنا: طارق..... شو بدو؟
فرح: بدو يحكي معك
رنا: مو طايقة احكي مع حدا
فرح: ما عم بعرفك... ايمتا رفضتي الحكي مع طارق.. مو هاد حبيبك
رنا: ما بعرف يا فرح... امبارح لما قلي انو بيحبني ما ارتحت بنوب و فجأة حسيت حالي ما بحبو
فرح: يا عيني عليكي... اصحي بقا... شو رأيك بحسام؟
رنا: حسام انسان محبوب و بطل و منيح و دمو خفيف و حلوووووو كتير 🤤😍
فرح: هي اصحي.... دبتي بالزلمة
رنا: اااه؟..... لا شوبكي نحنا رفقات
فرح: بس الوحدة ما بتحكي هيك ع رفيقا
رنا: ليش انا شو حكيت؟
فرح: قلتي انو كتير حلو و محبوب..... هوي محبوبك يعني؟
رنا: لك لااا... انو محبوب... ع سيرة المحبوب اجوني خطابين
فرح: لا تقوليها 😭
رنا: لبش؟
فرح: و حسام ؟
رنا: شوبو؟
فرح: حرام عليكي تفوتيه.... انتي كتير مهمة بالنسبة الو
رنا: و هوي مهم بالنسبة الي 🥺... بس شو اعمل
فرح: هووووووف.... روحي بوسيه و قوليلو انك بتحبيه و خلصنا
رنا: لك شوبك انتي... انا ما عم قلك اني عشقانتو.. انا بصراحة معجبة فيه ما بحبو... اوكي؟
فرح: اوكي اوكي
............ انتهى البارت................
🙂🖤🌈🌸
أنت تقرأ
🖤 انت كل شيء 🖤
Romanceرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
