🖤 انت كل شيء 🖤

😍♥️🖤

رواية🖤"انت كل شيء"🖤
"البارت السابع"
تأليف: Rayan

صار المسا
................ Rana..............
رنا عم تجهز حالا لأنو خلص دوامها و بتدخل فرح عليها
فرح: هوف مليت كنت عم انطر اللحظة يلي يخلص فيها الدوام
رنا: لا حرام عليكي عم نتسلا بل دوام... بعدين ما تنسي انو هي شغلتنا
فرح: كنت عم انطر المشوار بل دقيقة
رنا: معك حق ملينا
فرح: وينو جان؟
رنا: يمكن عندو عملية
فرح: رايحة شوف
جان: جيت
فرح: اكيد ما نسيت المشوار يلي رح نروحو
جان: مستحيل انسى.... عم انطرو بل دقيقة
رنا: وين رح نروح؟
جان: نروح عل نادي الليلي
فرح: يا سلاام... اكيد هنيك مليان شباب بلكي بطبقلي شي واحد
رنا: لك انتي مارح تعقلي😂😂
جان: انتي شو رأيك؟
رنا: منروح على مطعم و منتعشى
جان: موافقة فرح؟
فرح: يا سلاام بس بشرط انو يكون العشا دسم 😋
رنا: تكرمي
جان: يلا خلونا نمشي

كانو عم يحكو و حسام عم يطلع عليهن و انزعج بوجود جان مع رنا و صار يفكر
حسام بقلبو: معقول يكون حبيبا ل رنا... لااا ما اظن..... هلئ احسن ما افكر و اشغل بالي عل فاضي خليني انتظر و شوف شو رح يصير

في المطعم:
جان و رنا: 😂😂😂😂😂
فرح: شوبكن انتي و ياه ليش عم تطلعو فيني و تضحكو 😠
رنا: لك فرح والله رح تفضحينا لك روقي كلي شوي شوي... شكلك كأنو من 5 سنين مو شايفة اكل 😂😂😂
جان: والله هيك الظاهر يا رنوش 😂😂😂😂
فرح: تضربو انتو و يلي بياكل معكن... هاه زعلت 😤
رنا: عجبك يا جان زعلناها 😂😂
جان: خلص روق ابو عبدو 😂😂😂
فرح: ابو عبدو في عينك
رنا: 😂😂😂 خلص روقي ما تعصبي
فرح: كيف بدي روق و انتو نازلين ضحك علي 😠
جان: لك ماعم نضحك عليكي
رنا: اكيد ماعم نضحك عليكي حبيبتي...... خلص كلي و حشي على كيفك
فرح: اي هاا هاد الكلام يلي بينحكى... يا امي ما اطيب الاكل 😋
رنا و جان من دون ما يحسسوها: 😆😆
وبتخلص السهرة و بتروح رنا على بيتها و بتدخل و بتلبس بيجامتها و بتتشطح و بتفكر بكل شي حلو صار بينها و بين حسام و صارت تتبسم و تضحك
صارت تتزكر لما التقو على باب المشفى و لما خبطو ببعض
رنا بقلبها: مين انت؟.... و كيف ظهرت بحياتي؟.....وليش هيك عم تعمل فيني؟...... وليش بكل مكان عم شوفك قدامي؟......وليش كل ما بشوفك قلبي بيدق؟
رنا صرخت: هوووف حاج تفكير خليني نام احسنلي

............. Hussam.............

حسام قاعد ببيت امير و كان عم يفكر بكتير شغلات ب زكوان و ب رنا و ب جان مين بيكون و محتار و مو عرفان شو يعمل
امير: شوبك يا زلمة؟
حسام: منيح.... كل ما بتشوفني شارد بتسألني
امير: بشو شارد؟
حسام: ب زكوان... عم فكر انو هديان من بعد ما هجم علينا و اتصاوب ماجد
امير: اي منيح انو عقل
حسام: والله حاسس هالهدى مو ل الله يعني اكيد بعد الهدى في موجة كبيرة
امير: معك حق حاكم هاد ما بيتأمنلو بنوب
حسام: ااااه والله شغلتنا صعبة
امير: دخيلك اتعودنا
لونا: تفضلو عصير البرتقال
حسام: يسلمو
امير: لك يسلملي المزوق انا
لونا: ☺️
حسام: احم احم لك امير مابيصير تغازل مرتك قدام رجال عزابي
امير: ليش فيني شوفها من دون ما غازلها.... بحبها
لونا: وانا كمان ☺️
حسام: هلئ اقلبو السيرة بتتغازلو لما بروح 😄
امير: متل ما بدك.... جبتلك غطا مشان لما تنعس تنام
حسام: يكتر خيرك
امير: يلا تصبح على خير.... انا رايح كمل غزلي جوا مشان ما تخجل
حسام: 😄😄😄
بيطلعو امير و لونا و حسام اتشطح و صار يفكر
حسام بقلبو: يا ترا انا ايمتا رح صير متل امير و اتزوج البنت يلي انا بحبها و يلي هية كمان تحبني والله تعبت من الوحدة... ايمتا يصير عندي شريكة حياة و شريكة سكن و شريكة لكل شي بملكو... والله ما بعرف... بس انا بلشت اكبر صرت 36 سنة يعني رح اصير 40 ولهلئ ما ارتبطت ااااااه.
............ انتهى البارت.................
🙂🖤🌸🌈